Proverbios 28:16 - Li Santil hu

¹⁶ Junak li acuabej ma̱cꞌaꞌ xnaꞌleb naxrahobtesi li tenamit. Abanan li acuabej li incꞌaꞌ naxra ru biomal, aꞌan najtak rok lix yuꞌam.

Q'eqchi Bible

¹⁶ Naq na'awab'ejink li ink'a' us xna'leb', nanumtaak li rahilal; ab'an li awab'ej li ink'a' narataw ru li b'ihomal, taanajto'q roq li xyu'am.

Proverbios 28:16 ပူးပေါင်းရင်းမြစ်များ

Éxodo 18:21

Ta̱sicꞌ ruheb li cui̱nk li teꞌtenkꞌa̱nk a̱cue. Ta̱siqꞌueb li cui̱nk li nequeꞌxlokꞌoni li Dios, li ti̱queb xchꞌo̱l ut li incꞌaꞌ teꞌxqꞌue rib re ta̱tumina̱k ruheb. Ta̱xakabeb li cui̱nk aꞌan chi rakoc a̱tin saꞌ xbe̱neb li cristian chi ju̱nk chꞌu̱tal. Cuan teꞌrakok a̱tin saꞌ xbe̱n jun mil chi cristian. Cuan teꞌrakok a̱tin saꞌ xbe̱n jun ciento chi cristian ut cuan teꞌrakok a̱tin saꞌ xbe̱n mero ciento chi cristian ut cuan teꞌrakok a̱tin saꞌ xbe̱n laje̱b chi cristian.

Isaías 3:12

Eb li nequeꞌrahobtesin reheb lin tenamit toj sa̱jeb ut eb li ixk nequeꞌnumta saꞌ xbe̱neb. Ex intenamit, eb li nequeꞌcꞌamoc be che̱ru yo̱queb che̱balakꞌinquil ut chixcꞌambal e̱be chixba̱nunquil li incꞌaꞌ us.

Eclesiastés 4:1

Ut quinqꞌue ajcuiꞌ retal chixjunil li ra xi̱cꞌ li nequeꞌxba̱nu saꞌ ruchichꞌochꞌ. Eb li rahobtesinbileb yo̱queb chi ya̱bac xban li raylal nequeꞌxcꞌul. Ut ma̱ ani nacꞌojoban xchꞌo̱leb. Eb li nequeꞌrahobtesin reheb cuanqueb xcuanquil saꞌ xbe̱neb. Ut ma̱ ani natenkꞌan reheb li yo̱queb chi cꞌuluc raylal.

Nehemías 5:15

Eb li queꞌcuan chi takla̱nc saꞌ xbe̱neb li tenamit nak toj ma̱jiꞌ nin-oc la̱in, kꞌaxal cuiꞌchic nabal li tumin queꞌxpatzꞌ reheb li tenamit. Rajlal cutan numenak caꞌcꞌa̱l chi tumin plata queꞌxpatzꞌ re xcuaheb ut xvino. Ut eb li nequeꞌcꞌanjelac chiruheb queꞌxrahobtesi li tenamit. Abanan la̱in incꞌaꞌ quinba̱nu chi joꞌcan xban nak ninxucua ru li Dios.

1 Reyes 12:14

Li rey quixye reheb li tenamit li cꞌaꞌru queꞌxye li sa̱j cui̱nk. Quixye reheb: —Lin yucuaꞌ cau quitaklan saꞌ e̱be̱n. Ut la̱in kꞌaxal cuiꞌchic cau tintakla̱nk saꞌ e̱be̱n. Aꞌan riqꞌuin tzꞌu̱m quexrahobtesi. Abanan la̱in riqꞌuin li tzꞌu̱m cuan chꞌi̱chꞌ saꞌ ruꞌuj texinrahobtesi, chan.

1 Reyes 12:10

Eb li sa̱j cui̱nk li queꞌqꞌui rochben queꞌxye re laj Roboam: —Joꞌcaꞌin ta̱sumeheb cuiꞌ li tenamit li yo̱queb chixtzꞌa̱manquil cha̱cuu nak incꞌaꞌ cau tattakla̱nk saꞌ xbe̱neb. La̱at ta̱ye reheb, “Cui lin yucuaꞌ cau xtaklan saꞌ e̱be̱n, la̱in kꞌaxal cuiꞌchic cau tintakla̱nk saꞌ e̱be̱n.

Amós 4:1

Abihomak ex ixk aj Samaria. Chanchanex li cuacax aran Basán, li ni̱nkeb ut chꞌolaninbil chi us. La̱ex nequerahobtesi li ma̱cꞌaꞌeb xcuanquil ut eb li nebaꞌ. Ut nequetaklaheb le̱ be̱lom chixcꞌambal e̱vino re te̱rucꞌ.

Eclesiastés 10:16

Tokꞌob ru li tenamit li cuan xrey toj sa̱j, xban nak toj ma̱cꞌaꞌ xnaꞌleb. Ut li nequeꞌtenkꞌan re li rey junes ninkꞌei̱c nequeꞌxcꞌoxla.

Proverbios 15:27

Li ani naxrahi ru chixjunil naxqꞌue saꞌ raylal lix jun cablal. Abanan li ani incꞌaꞌ naxcꞌu̱luban nak ta̱tumina̱k ru, aꞌan sa ta̱cua̱nk.