Proverbios 28:12 - Li Santil hu

¹² Nak eb li ti̱queb xchꞌo̱l nequeꞌxakaba̱c saꞌ xcuanquil, chixjunileb nequeꞌsahoꞌ saꞌ xchꞌo̱leb. Abanan nak nequeꞌxakaba̱c saꞌ xcuanquil li incꞌaꞌ useb xnaꞌleb, li tenamit nequeꞌxmuk ribeb xbaneb xxiu.

Q'eqchi Bible

¹² Naq li tiik xch'ool naxaqab'aak xwankil, nawank ninq'ehik; ab'an naq neke'numtaak li ink'a' useb' xna'leb', chixjunileb' neke'xmuq rib' xb'aaneb' xxiw.

Proverbios 28:12 ပူးပေါင်းရင်းမြစ်များ

Proverbios 29:2

Nak li ti̱queb xchꞌo̱l nequeꞌqꞌueheꞌ saꞌ xcuanquil, eb li tenamit nequeꞌsahoꞌ saꞌ xchꞌo̱leb. Abanan kꞌaxal narahoꞌ saꞌ xchꞌo̱leb nak eb li incꞌaꞌ useb xnaꞌleb nequeꞌqꞌueheꞌ saꞌ xcuanquil.

Proverbios 11:10

Nak eb li ti̱queb xchꞌo̱l us nequeꞌel, eb li tenamit nequeꞌsahoꞌ saꞌ xchꞌo̱leb. Ut nak nequeꞌcam li incꞌaꞌ useb xnaꞌleb, li tenamit kꞌaxal cuiꞌchic nequeꞌsahoꞌ saꞌ xchꞌo̱leb.

Proverbios 28:28

Nak eb li incꞌaꞌ useb xnaꞌleb nequeꞌoc saꞌ xcuanquil, eb li cristian nequeꞌxmuk ribeb xbaneb xxiu. Abanan nak nequeꞌsacheꞌ ruheb li incꞌaꞌ useb xnaꞌleb, us nequeꞌel riqꞌuin li cꞌaꞌru nequeꞌxba̱nu li ti̱queb xchꞌo̱l.

Jeremías 36:26

Li rey quixtaklaheb laj Jerameel li ralal laj Hamelec, ut laj Seraías li ralal laj Azriel, ut laj Selemías li ralal laj Abdeel chixchapbaleb laj Baruc laj tzꞌi̱b ut li profeta Jeremías re nak teꞌxqꞌue chi pre̱xil. Abanan li Ka̱cuaꞌ quixtenkꞌaheb re teꞌxmuk rib chiruheb.

Jeremías 5:1

Li Ka̱cuaꞌ quixye: —La̱ex aj Jerusalén, sicꞌomak saꞌ eb li be ut saꞌ eb li cꞌayil. Qꞌuehomak retal chanru lix naꞌlebeb li tenamit. Cui cuan junak li ta̱raj cua̱nc saꞌ xya̱lal ut saꞌ ti̱quilal, la̱in tincuy xma̱queb li tenamit aꞌin.

Eclesiastés 10:16

Tokꞌob ru li tenamit li cuan xrey toj sa̱j, xban nak toj ma̱cꞌaꞌ xnaꞌleb. Ut li nequeꞌtenkꞌan re li rey junes ninkꞌei̱c nequeꞌxcꞌoxla.

2 Crónicas 7:10

Saꞌ li oxib xcaꞌcꞌa̱l xbe li xcuuk li po, li rey Salomón quixchakꞌrabiheb li tenamit re teꞌxic saꞌ rochocheb chi saheb saꞌ xchꞌo̱l ut chi cꞌojcꞌo̱queb xchꞌo̱l xban chixjunil li usilal li quixba̱nu li Dios reheb laj David ut laj Salomón, joꞌ eb ajcuiꞌ li tenamit Israel.

1 Reyes 19:3

Laj Elías quixqꞌue retal li chꞌaꞌajquilal cuan cuiꞌ. Qui-oc xcꞌaꞌux ut qui-el saꞌ li naꞌajej aꞌan re xcolbal rib. Co̱ toj Beerseba li cuan xcue̱nt Judá ut aran quixcanab lix mo̱s.

1 Reyes 18:13

At ka̱cuaꞌ Elías, ¿ma incꞌaꞌ cacuabi resil nak la̱in xinmuk jun ciento lix profeta li Dios nak lix Jezabel yo̱ chixcamsinquileb? Xinmukeb saꞌ li ochoch pec. Laje̱b roxcꞌa̱l (50) xinmuk saꞌ jun li ochoch pec ut laje̱b roxcꞌa̱l saꞌ li jun chic ut xinqꞌueheb ajcuiꞌ lix cua rucꞌaheb.

1 Samuel 24:11

At inrey, il li tꞌicr li cuan saꞌ cuukꞌ. Aꞌan jun peda̱s la̱ cuakꞌ li xinset nak cuancat saꞌ li ochoch pec re xcꞌutbal cha̱cuu nak xru raj xatincamsi. Joꞌcan nak ta̱qꞌue retal nak la̱in incꞌaꞌ tinba̱nu raylal a̱cue. Chi moco tatintzꞌekta̱na. La̱at ban ta̱cuaj incamsinquil.

Jeremías 36:19

Ut eb aꞌan queꞌxye re laj Baruc: —Ayukex a̱cuochben laj Jeremías ut mukumak chak e̱rib re nak ma̱ ani ta̱naꞌok re bar cuanquex, chanqueb re.