Proverbios 27:6 - Li Santil hu

⁶ Kꞌaxal us la̱ cuami̱g li nakꞌusuc a̱cue chi tzꞌakal re ru, usta ra ta̱cuecꞌa nak tatxkꞌus, chiru li jun li xicꞌ na-iloc a̱cue, usta aꞌan naxye nak tzꞌakal a̱cuami̱g.

Q'eqchi Bible

⁶ Q'axal wi' chik nakatxra laawamiiw naq nakatxq'us sa' yaal, chiru naq nakatxq'alu li xik' na'ilok aawe.

Proverbios 27:6 ပူးပေါင်းရင်းမြစ်များ

Salmos 141:5

Kꞌaxal us chokꞌ cue nak junak ti̱c xchꞌo̱l tinixkꞌus. Chanchan tixqꞌue sununquil ban saꞌ injolom. Usta tineꞌxkꞌus, la̱in incꞌaꞌ ra tincuecꞌa. La̱in junelic yo̱kin chi tijoc re nak incꞌaꞌ ta̱cana̱k yal chi joꞌcan li ma̱usilal li yo̱queb chixba̱nunquil li incꞌaꞌ useb xnaꞌleb.

Apocalipsis 3:19

Li ani nequebinra, nintijeb ut ninkꞌuseb. Joꞌcan nak ninye e̱re nak jalomak e̱cꞌaꞌux ut qꞌuehomak e̱chꞌo̱l chinpa̱banquil.

Hebreos 12:10

Saꞌ kacaꞌchꞌinal li kanaꞌ kayucuaꞌ nocoeꞌxkꞌus joꞌ nequeꞌcuulac chiruheb aꞌan. Aban li Ka̱cuaꞌ Dios nocoxkꞌus chi tzꞌakal. Nocoxkꞌus re nak ta̱ti̱cokꞌ kachꞌo̱l ut toxsantobresi xban nak aꞌan santo.

Proverbios 10:18

Li ani xicꞌ na-iloc chi mukmu, aꞌan aj ticꞌtiꞌ. Ut li ani nacuulac chiru moloc ticꞌtiꞌ, aꞌan ma̱cꞌaꞌ xnaꞌleb.

Proverbios 20:30

Li ma̱usilal naru xbanbal riqꞌuin xcꞌulbal li raylal. Ut riqꞌuin xcꞌulbal li tzꞌu̱m naru xjalbal li cꞌaꞌux.

Proverbios 27:7

Li ani nujenak xsaꞌ incꞌaꞌ chic sa narecꞌa li xyaꞌal cab. Abanan li ta̱tzꞌoca̱k, usta incꞌaꞌ sa, tixtzaca xban nak ta̱tzꞌoca̱k.

Proverbios 28:23

Li ani naxkꞌus ras ri̱tzꞌin saꞌ xya̱lal ta̱qꞌuehekꞌ xlokꞌal. Abanan li ani incꞌaꞌ naxye li ya̱l incꞌaꞌ ta̱qꞌuehekꞌ xlokꞌal, usta chanchan cha̱bil li a̱tin naxye.