Proverbios 27:4 - Li Santil hu

⁴ Li joskꞌil naqꞌuehoc chꞌaꞌajquilal. Li joskꞌil nasachoc. Abanan li cakali̱nc, aꞌan li kꞌaxal cuiꞌchic ra naxba̱nu.

Q'eqchi Bible

⁴ Li josq'il nayoob'ank ch'a'ajkilal ut nasachok; ab'an li sowenak maajun nakuyuk re.

Proverbios 27:4 ပူးပေါင်းရင်းမြစ်များ

Proverbios 6:34

Li cui̱nk li yo̱ xjoskꞌil xban xcakal xchꞌo̱l, ma̱ jokꞌe ta̱ril xtokꞌoba̱l ru li ta̱ma̱cobk chiru.

Proverbios 14:30

Li ani ma̱cꞌaꞌ naxcꞌoxla sa cuan lix yuꞌam ut cuan xcacuilal. Abanan li ani nacakalin incꞌaꞌ nacuan chi sa saꞌ xchꞌo̱l. Ut naxqꞌue ajcuiꞌ xyajel lix tibel.

Hechos 7:9

Eb li ralal laj Jacob cꞌajoꞌ nak queꞌxcakali laj José li ri̱tzꞌineb. Joꞌcan nak queꞌxcꞌayi laj José ut quicꞌameꞌ aran Egipto. Abanan nak ac cuan aran Egipto, li Dios yo̱ chi tenkꞌa̱nc re.

San Mateo 27:18

Laj Pilato naxnau nak xban xcakaleb xchꞌo̱l li xbe̱nil aj tij nak queꞌxkꞌaxtesi li Jesús saꞌ rakleb a̱tin.

Li xHu LAJ JOB 5:2

La̱at nacanau nak li incꞌaꞌ useb xnaꞌleb, aꞌ ajcuiꞌ lix joskꞌil nacamsin reheb. Ut li ani nacakalin, aꞌan ajcuiꞌ lix cakal naqꞌuehoc re chi osocꞌ.

1 Juan 3:12

Mikata̱ke xnaꞌleb laj Caín xban nak aꞌan re laj tza. Aꞌan quixcamsi li ri̱tzꞌin. ¿Cꞌaꞌut nak quixcamsi li ri̱tzꞌin? Xban nak ti̱c xchꞌo̱l li ri̱tzꞌin chiru li Dios ut laj Caín junes ma̱usilal naxba̱nu.

Hechos 17:5

Ut eb laj judío li incꞌaꞌ queꞌpa̱ban, cꞌajoꞌ nak queꞌjoskꞌoꞌ xban xcakaleb xchꞌo̱l. Queꞌra̱tina jun chꞌu̱tal li cui̱nk incꞌaꞌ useb xnaꞌleb li junes saꞌ be nequeꞌcuan. Ut li jun chꞌu̱tal chi cui̱nk aꞌan queꞌoc chixchikꞌbal xjoskꞌileb li tenamit. Xban nak yo̱queb xjoskꞌil, queꞌoc saꞌ rochoch laj Jasón chixsicꞌbaleb laj Pablo ut laj Silas re teꞌxcꞌameb chiruheb li tenamit.

Cantares 8:6

Junelic taxak cua̱nkin saꞌ a̱chꞌo̱l. Chanchan taxak tzꞌi̱banbilak lin cꞌabaꞌ chiru la̱ tel. La̱ rahom xnumta saꞌ inbe̱n. Incꞌaꞌ naru nincol cuib chiru. Chanchan li ca̱mc. Li rahoc chanchan jun li nimla xam.

Génesis 37:11

Eb li ras cꞌajoꞌ nak nequeꞌxcakali riqꞌuin li cꞌaꞌak re ru aꞌin. Ut lix yucuaꞌ qui-oc chi cꞌoxlac chirix li quixmatqꞌue.

Génesis 26:14

Cꞌajoꞌ lix queto̱mk. Cuanqueb ajcuiꞌ nabal lix mo̱s. Ut eb laj filisteo queꞌoc chixcakalinquil laj Isaac.

Romanos 1:29

Numtajenakeb xyibal ru lix naꞌlebeb ut lix ma̱usilaleb. Aj yumbe̱teb ut aj coꞌbe̱teb. Nequeꞌxra ru li cꞌaꞌru cuan reheb li ras ri̱tzꞌin ut kꞌaxal joskꞌeb. Numtajenakeb chi aj cakal, aj camsihomeb ras ri̱tzꞌin, aj ple̱teb, aj balakꞌeb ut aj molol a̱tineb.

Hechos 5:17

Ut li xyucuaꞌil aj tij ut eb laj saduceo li cuanqueb rochben, cꞌajoꞌ nak queꞌoc xcakalinquileb li apóstol.

Proverbios 27:3

Li pec ut li samaib kꞌaxal chꞌaꞌaj xcuybal li ra̱lal. Abanan kꞌaxal cuiꞌchic chꞌaꞌaj xcuybal lix joskꞌil li ma̱cꞌaꞌ xnaꞌleb.

Génesis 38:9

Ut laj Onán quixnau nak li cocꞌal li teꞌyoꞌla̱k riqꞌuin li ixk aꞌan ma̱cuaꞌ saꞌ xcꞌabaꞌ aꞌan teꞌyoꞌla̱k. Saꞌ xcꞌabaꞌ ban li ras camenak. Incꞌaꞌ quicuulac chiru. Joꞌcan nak laj Onán nak nacuan riqꞌuin li ixk, naxsicꞌ xya̱lal chanru tixba̱nu re nak li ixk incꞌaꞌ ta̱cana̱k chi yaj.

1 Samuel 18:9

Joꞌcan nak chalen saꞌ li cutan aꞌan, laj Saúl incꞌaꞌ chic sa naril laj David. Quixcakali ban.