Proverbios 27:24 - Li Santil hu

²⁴ xban nak li biomal ut li cuanquilal moco nacuan ta chi junelic. Na-osoꞌ ban.

Q'eqchi Bible

²⁴ xb'aan naq li b'ihomal ut li sahil eechej moko neke'wank ta junelik.

Proverbios 27:24 ပူးပေါင်းရင်းမြစ်များ

Proverbios 23:5

La̱ex te̱qꞌue retal nak li biomal ma̱cꞌaꞌ na-oc cuiꞌ. Saꞌ junpa̱t na-osoꞌ. Chanchan nak narupupic li cꞌuch.

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

Santiago 1:10

Joꞌcan ajcuiꞌ junak biom chisahokꞌ saꞌ xchꞌo̱l usta nasach chixjunil li cꞌaꞌru cuan re xban nak lix biomal ma̱cꞌaꞌ na-oc cuiꞌ chiru li Dios. Li biomal chanchan li utzꞌuꞌuj nak na-osoꞌ.

Sofonías 1:18

Chi moco lix plata chi moco lix oro ta̱ru̱k ta̱colok reheb chiru lix joskꞌil li Dios saꞌ li cutan aꞌan. Lix joskꞌil li Dios chanchan li xam nak tixsach chixjunil li ruchichꞌochꞌ. Chixjunileb li cuanqueb saꞌ ruchichꞌochꞌ teꞌosokꞌ chiru junpa̱t.

Salmos 89:36

Junelic cua̱nk li ralal xcꞌajol ut junelic cua̱nkeb xcuanquil chokꞌ rey joꞌ najtil ta̱cua̱nk li sakꞌe saꞌ xbe̱n li ruchichꞌochꞌ.

2 Samuel 7:16

Junelic teꞌcua̱nk a̱cualal a̱cꞌajol, ut aꞌaneb li teꞌoc chokꞌ rey mokon chi junelic kꞌe cutan. Ut la̱ cuanquil xakxo̱k saꞌ xnaꞌaj chi junelic,” chan li Ka̱cuaꞌ.

Li xHu LAJ JOB 19:9

Li Dios xrisi chicuu chixjunil li cꞌaꞌru cuan cue ut xrisi ajcuiꞌ inlokꞌal.

Salmos 89:39

Xasach xcuanquil li contrato li xaba̱nu riqꞌuin laj cꞌanjel cha̱cuu. Chanchan nak xacut chi chꞌochꞌ lix corona nak xacuisi lix cuanquil li rey.

Jeremías 13:18

Yehomak resil re li rey ut re li reina, “Cubsihomak e̱rib ut chunlankex saꞌ chꞌochꞌ xban nak xcuulac xkꞌehil nak ta̱isi̱k le̱ corona.”

Lamentaciones 5:16

Ma̱cꞌaꞌ chic kalokꞌal. Tokꞌob ku xban nak xoma̱cob.

Ezequiel 21:26

La̱in li nimajcual Dios ninye a̱cue: —Isi la̱ corona li cuan saꞌ a̱jolom, joꞌ ajcuiꞌ li tꞌicr li nacatzꞌap cuiꞌ a̱jolom. Anakcuan ta̱jala̱k chixjunil. Li ma̱cꞌaꞌ xcuanquil ta̱qꞌuehekꞌ xcuanquil, ut li cuan xcuanquil ta̱isi̱k xcuanquil.

1 Samuel 13:14

Abanan anakcuan incꞌaꞌ chic ta̱cua̱nk a̱cuanquil chi junelic xban nak xakꞌet xchakꞌrab li Dios. Li Ka̱cuaꞌ ac xsicꞌ ru jun chic li cui̱nk li tixba̱nu joꞌ naraj li Dios. Ut aꞌan chic ta̱takla̱nk saꞌ xbe̱neb laj Israel xban nak xakꞌet li ra̱tin li Ka̱cuaꞌ, chan.

Proverbios 23:4

Li xcuuk li naꞌleb, aꞌan aꞌin: Me̱tacuasi e̱rib chixsicꞌbal le̱ biomal chi moco chi xic e̱chꞌo̱l chirix li cꞌaꞌru cuan e̱re.

Eclesiastés 5:13

Cuan jun chic li chꞌaꞌajquilal ninqꞌue retal arin saꞌ ruchichꞌochꞌ kꞌaxal ra rilbal. Aꞌan li xxocbal nabal li biomal yal re nak tixcꞌul chꞌaꞌajquilal mokon.