Proverbios 27:22 - Li Santil hu

²² Usta ta̱tenle junak li ma̱cꞌaꞌ xnaꞌleb, abanan ma̱ jokꞌe tixtau xya̱lal. Junelic ban ma̱cꞌaꞌak xnaꞌleb.

Q'eqchi Bible

²² Li maak'a' xna'leb' moko tixkanab' ta li xmemil, us ta taaputz'iiq chiru li ke'leb'.

Proverbios 27:22 ပူးပေါင်းရင်းမြစ်များ

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Proverbios 23:35

Ut te̱ye: —Xineꞌxsacꞌ ut incꞌaꞌ xcuecꞌa. Xineꞌxsacꞌ ut incꞌaꞌ xinqꞌue retal jokꞌe xineꞌxsacꞌ. Nak ta̱aj cuu, tinxic cuiꞌchic chi ucꞌac, chaꞌkex.

Isaías 1:5

¿Ma toj te̱raj nak texinqꞌue chixtojbal rix le̱ ma̱c? ¿Cꞌaꞌut nak toj yo̱quex chixba̱nunquil le̱ ma̱usilal? Tochꞌol le̱ jolom ut tacuajenakex xban li raylal yo̱quex chixcꞌulbal.

Éxodo 12:30

Chiru li kꞌojyi̱n aꞌan laj faraón quicuacli. Queꞌcuacli ajcuiꞌ laj cꞌanjel chiru joꞌ eb ajcuiꞌ chixjunileb laj Egipto. Japjo̱queb re chi ya̱bac chixjunileb laj Egipto xban nak camenakeb chic li xbe̱n alalbej saꞌ li junju̱nk chi cab.

Éxodo 14:5

Nak quirabi nak ac xeꞌel laj Israel, laj faraón joꞌ eb ajcuiꞌ laj cꞌanjel chiru queꞌyotꞌeꞌ xchꞌo̱l nak queꞌxcanabeb chi xic. Eb aꞌan queꞌxye: —¿Ma us ta biꞌ nak xkacanabeb chi xic ut xocana chi ma̱cꞌaꞌ chic kamo̱s? chanqueb.

Éxodo 15:9

Eb li xicꞌ queꞌiloc ke queꞌxye: —Takata̱keheb. Takachapeb laj Israel. Take̱chani li cꞌaꞌak re ru cuan reheb. Takaba̱nu li cꞌaꞌru takaj reheb. Riqꞌuin li kachꞌi̱chꞌ takacamsiheb, chanqueb laj Egipto.

Proverbios 26:11

Eb li ma̱cꞌaꞌeb xnaꞌleb junelic yo̱queb chixba̱nunquil li incꞌaꞌ us. Chanchaneb li tzꞌiꞌ li nequeꞌxlou xcaꞌ sut lix xaꞌau.

Jeremías 13:23

Junak cui̱nk li kꞌek xtibel incꞌaꞌ naru ta̱sakokꞌ xtibel, chi moco naru ta̱jala̱k rix li chꞌohix. Joꞌcan ajcuiꞌ la̱ex. Incꞌaꞌ naru te̱ba̱nu li us xban nak ac cꞌaynakex chixba̱nunquil li ma̱usilal.

1 Samuel 19:21

Laj Saúl quirabi resil li cꞌaꞌru yo̱queb ut quixtakla jalan chic lix takl. Ut eb aꞌan queꞌxtiquib ajcuiꞌ xajoc ut chixjapbal reheb chixlokꞌoninquil li Dios. Ut laj Saúl quixtaklaheb cuiꞌchic rox sut lix takl. Ut joꞌcan cuiꞌchic queꞌxcꞌul.

1 Reyes 13:33

Usta ac xqꞌue retal chixjunil li cꞌaꞌru quicꞌulman li rey Jeroboam, incꞌaꞌ quixcanab xba̱nunquil li incꞌaꞌ us. Quixxakabeb ban chic saꞌ xya̱nkeb li tenamit aj tij re teꞌcꞌanjelak saꞌ eb li naꞌajej li najt xteram li nequeꞌxlokꞌoni cuiꞌ li jalanil dios. Li ani naraj aꞌan naxxakab chokꞌ aj tij.

Proverbios 14:24

Lix lokꞌaleb li se̱beb xchꞌo̱l, aꞌan lix naꞌlebeb. Ut eb li ma̱cꞌaꞌeb xnaꞌleb, naꞌno̱queb ru xban lix to̱ntileb.