Proverbios 27:20 - Li Santil hu

²⁰ Li xbalba ut li mukleba̱l ma̱ jokꞌe nequeꞌnujac riqꞌuin li joꞌ qꞌuial nequeꞌxcꞌul. Joꞌcaneb ajcuiꞌ li cristian. Incꞌaꞌ nequeꞌcꞌojla xchꞌo̱l riqꞌuin li joꞌ qꞌuial cuan reheb. Toj nequeꞌxrahi ru xtzꞌakob.

Q'eqchi Bible

²⁰ Li kamk ut li muqleb'aal ink'a' neke'nujak; jo'kan ajwi' li winq ink'a' nak'ojlaak xch'ool rik'in li k'aru wank re: toj naxrahi ru xtz'aqob'.

Proverbios 27:20 ပူးပေါင်းရင်းမြစ်များ

Eclesiastés 1:8

Nocolub riqꞌuin chixjunil li cꞌaꞌak re ru aꞌin, ut ma̱ ani nequeꞌru xyebal chanru nak nequeꞌtitzꞌ xban. Usta nabal nequeꞌrabi ut usta nabal nequeꞌril, abanan incꞌaꞌ nequeꞌcꞌojla xchꞌo̱leb.

1 Juan 2:16

Chixjunil li ma̱usilal cuan saꞌ ruchichꞌochꞌ moco riqꞌuin ta li Dios nachal. Li ma̱c li naxrahi ru li tzꞌejcualej ut li xrahinquil ru li cꞌaꞌak re ru nakil riqꞌuin xnakꞌ ku moco riqꞌuin ta li Dios nachal. Joꞌcan ajcuiꞌ li kꞌetkꞌetil. Chixjunil aꞌin moco riqꞌuin ta li Dios nachal; xnaꞌleb ban li ruchichꞌochꞌ.

Eclesiastés 6:7

Li cui̱nk naxcamsi rib chi cꞌanjelac yal re tixtzaca. Abanan incꞌaꞌ nacꞌojla xchꞌo̱l riqꞌuin chixjunil li naxsicꞌ.

Habacuc 2:5

Eb laj Caldea kꞌaxal kꞌetkꞌeteb ut xban li cala̱c nequeꞌxba̱nu, nequeꞌxbalakꞌi rib xjuneseb. Nequeꞌxnimobresi ribeb, abanan eb aꞌan teꞌosokꞌ. Incꞌaꞌ cꞌojcꞌo̱queb xchꞌo̱l riqꞌuin li joꞌ qꞌuial nequeꞌxmakꞌ chiruheb li tenamit. Chanchaneb lix julel camenak ac yo̱ chiroybeninquil li camenak ut chanchaneb li ca̱mc. Ac xeꞌre̱chani nabal li tenamit ut toj incꞌaꞌ ajcuiꞌ natzꞌakloc reheb. Nabal cuiꞌchic teꞌraj teꞌre̱chani.

Eclesiastés 4:8

Junak cui̱nk ma̱ ani cuan re, ma̱cꞌaꞌ rami̱g, chi moco ralal xcꞌajol, chi moco cuan ras ut ri̱tzꞌin. Li cui̱nk aꞌan incꞌaꞌ nahilan chi cꞌanjelac chi moco nahilan chixcꞌoxlanquil lix biomal. Incꞌaꞌ naxcꞌoxla cꞌaꞌut nak naxcamsi rib chi cꞌanjelac chi moco naxcꞌoxla cꞌaꞌut nak incꞌaꞌ naxyal xsahil li cꞌaꞌru naxcꞌanjela. Joꞌcan nak ma̱cꞌaꞌ rajbal nak tixcamsi rib junak chi cꞌanjelac.

Jeremías 22:17

Abanan li cꞌaꞌru nacacꞌoxla la̱at, caꞌaj cuiꞌ xra̱bal ru li cꞌaꞌak re ru ut li cꞌaꞌru nacacꞌul riqꞌuin balakꞌic. Nacarahobtesiheb li ma̱cꞌaꞌeb xma̱c ut nacacamsiheb, chan li Ka̱cuaꞌ.

Proverbios 23:5

La̱ex te̱qꞌue retal nak li biomal ma̱cꞌaꞌ na-oc cuiꞌ. Saꞌ junpa̱t na-osoꞌ. Chanchan nak narupupic li cꞌuch.

Proverbios 15:11

Li Ka̱cuaꞌ naxnau chixjunil li cꞌaꞌru cuan saꞌ lix naꞌajeb li camenak ut li xbalba. ¿Ma tojaꞌ ta chic incꞌaꞌ tixnau li cꞌaꞌru cuan saꞌ xchꞌo̱l li junju̱nk?

Li xHu LAJ JOB 26:6

Lix naꞌajeb li camenak moco mukmu ta nak cuan chiru li Dios. Chiru aꞌan ma̱cꞌaꞌ mukmu.

Proverbios 27:19

Joꞌ nak nakil li xnakꞌ ku saꞌ li haꞌ, joꞌcan ajcuiꞌ nak nakaqꞌue retal kacꞌaꞌux riqꞌuin jalan.

Hageo 1:9

Nabal nequesicꞌ ut caꞌchꞌin ajcuiꞌ nequetau. La̱in chanchan apunbil tinba̱nu nak tinmakꞌ che̱ru li cꞌaꞌru nequexoc saꞌ le̱ rochoch, xban nak moco ra ta chicuu nak tinba̱nu. ¿Cꞌaꞌut nak tinba̱nu e̱re chi joꞌcan? chan li nimajcual Dios. Xban nak kꞌaxal nequeqꞌue e̱chꞌo̱l chixyi̱banquil chi us le̱ rochoch ut incꞌaꞌ nequecꞌoxla xyi̱banquil lin templo, chan.

Isaías 5:14

Lix naꞌajeb li camenak ac cauresinbil ut yo̱ chiroybeninquil li ani ta̱ca̱mk. Chanchan teto li re nak yo̱ chiroybeninquil chixjunileb li teꞌca̱mk. Ut eb li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil telajeꞌxic saꞌ li naꞌajej aꞌan.