Proverbios 27:18 - Li Santil hu

¹⁸ Li ani naxchꞌolani lix to̱nal lix higo tixtzaca li ru. Ut li ani naril chi us li cꞌaꞌru re lix patrón, aꞌan ta̱qꞌuehekꞌ xlokꞌal.

Q'eqchi Bible

¹⁸ Li naxch'oolani li rawimq, toxyal xsahil; ut li naxkol rix li xjunkab'lal laj eechal re, taak'ehe'q xloq'al.

Proverbios 27:18 ပူးပေါင်းရင်းမြစ်များ

2 Timoteo 2:6

Laj cꞌalom li nacꞌanjelac chi cau tento nak aꞌan li xbe̱n li ta̱tzꞌak ru li racui̱mk.

1 Corintios 9:7

Junak soldado, ¿ma incꞌaꞌ ta biꞌ tixcꞌul lix tojbal? Ut junak aj acuinel, ¿ma incꞌaꞌ ta biꞌ tixtzaca li ru li racui̱mk? Ut junak aj qꞌuiresinel cuacax, ¿ma incꞌaꞌ ta biꞌ ta̱rucꞌ re lix leche lix cuacax?

Cantares 8:12

Us nak laj Salomón tixcꞌul li jun mil chi tumin plata. Ut us ajcuiꞌ chokꞌ reheb li nequeꞌiloc re li racui̱mk nak teꞌxcꞌul li cuib ciento chi tumin. Abanan la̱in cuan ajcuiꞌ li cuacui̱mk uvas. Ut aꞌan, la̱in nin-iloc re.

1 Corintios 3:8

Laj acuinel ut laj tꞌakresinel juntakꞌe̱teb xcuanquil chiru li Dios ut chi xju̱nkaleb teꞌxcꞌul xkꞌajca̱munquil aꞌ ya̱l chanru lix cꞌanjeleb.

San Lucas 12:37

Us xak reheb li mo̱s li yo̱queb chiroybeninquil lix patroneb. Nak ta̱cuulak li patronej, tixtauheb chi ajo̱queb ru. Relic chi ya̱l ninye e̱re li patronej tixcauresi rib ut tixchunubeb lix mo̱s saꞌ me̱x ut aꞌan ajcuiꞌ ta̱qꞌuehok re lix tzacae̱mkeb.

San Juan 12:26

Li ani ta̱raj cꞌanjelac chicuu, tento tinixta̱ke ut tixba̱nu li cꞌaꞌru ninye. Bar cua̱nkin la̱in, aran ajcuiꞌ ta̱cua̱nk aꞌan. Ut lin Yucuaꞌ ta̱qꞌuehok xlokꞌal li ani ta̱cꞌanjelak chicuu, chan li Jesús reheb.

San Lucas 19:17

Li rey quixye re: —La̱at cha̱bil aj cꞌanjel. Us xaba̱nu. Xban nak ti̱c a̱chꞌo̱l riqꞌuin li caꞌchꞌin xinqꞌue a̱cue, joꞌcan nak tinqꞌue a̱cuanquil saꞌ xbe̱n laje̱b chi tenamit, chan li rey.

San Mateo 24:46

Us xak re laj cꞌanjel aꞌan li yo̱k chixba̱nunquil chi joꞌcan nak tol-e̱lk lix patrón.

Proverbios 22:29

Li roꞌ li naꞌleb, aꞌan aꞌin: Li ani naxnau cꞌanjelac chi cha̱bil, aꞌan ta̱cꞌanjelak riqꞌuineb li rey. Moco riqꞌuin ta yalak ani ta̱trabajik.

1 Pedro 2:21

Li Dios naraj nak te̱ba̱nu joꞌ quixba̱nu li Cristo. Li Cristo quixcꞌul li raylal saꞌ e̱cꞌabaꞌ la̱ex. Aꞌan quicꞌamoc be che̱ru re nak la̱ex te̱cuy ajcuiꞌ xnumsinquil li raylal.

1 Pedro 2:18

Ex aj cꞌanjel chex-abi̱nk chiruheb le̱ patrón ut che-oxlokꞌiheb. Moco caꞌaj cuiꞌ ta chiruheb li tu̱laneb. Chex-abi̱nk ban ajcuiꞌ chiruheb li joskꞌ aj patrón.

Colosenses 3:22

Ex aj cꞌanjel, junelic chexpa̱ba̱nk chiruheb le̱ patrón. Chanru nak nequexcꞌanjelac nak yo̱ che̱rilbal le̱ patrón, joꞌcan ajcuiꞌ texcꞌanjelak nak incꞌaꞌ yo̱ che̱rilbal. Mexcꞌanjelac re xnimobresinquil e̱rib. Chexcꞌanjelak ban chi anchal le̱ chꞌo̱l xban nak la̱ex nequera li Ka̱cuaꞌ Dios.

1 Corintios 9:13

¿Ma incꞌaꞌ ta biꞌ nequenau nak eb laj judío li nequeꞌcꞌanjelac saꞌ rochoch li Dios, tento ajcuiꞌ nak nequeꞌtzꞌak li cꞌaꞌru namayeja̱c saꞌ rochoch li Dios? Aꞌan naraj naxye nak eb li nequeꞌcꞌanjelac saꞌ li artal nequeꞌtzꞌak ajcuiꞌ lix tibel li mayejanbil xul.

Hechos 10:7

Nak ac x-el li ángel riqꞌuin, laj Cornelio quixbok cuib lix mo̱s cui̱nk ut quixbok ajcuiꞌ jun reheb lix soldado li naxxucua ru li Dios.

San Marcos 10:43

Abanan ma̱cuaꞌ joꞌcan te̱ba̱nu la̱ex. Li ani naraj xcuanquil saꞌ e̱ya̱nk, tento nak tixcubsi rib ut ta̱cꞌanjelak che̱ru.

San Mateo 24:25

Abanan cheqꞌuehak retal. Ac xinye e̱re li cꞌaꞌru talajeꞌcꞌulma̱nk.

Proverbios 17:2

Junak mo̱s cuan xnaꞌleb, aꞌan ta̱cua̱nk xcuanquil saꞌ xbe̱n li alalbej ma̱cꞌaꞌ xnaꞌleb ut aꞌan ta̱tzꞌako̱nk riqꞌuin li cꞌaꞌru cuan re lix patrón saꞌ xya̱nkeb li ralal xcꞌajol lix patrón.

Salmos 123:2

At Ka̱cuaꞌ, at kaDios, joꞌ nak eb li mo̱s nequeꞌxtzꞌa̱ma xtenkꞌanquil chiruheb lix patrón, joꞌcan nak nakatzꞌa̱ma katenkꞌanquil cha̱cuu la̱at toj retal ta̱cuuxta̱na ku.

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

Éxodo 24:13

Laj Moisés co̱ toj takecꞌ chiru li tzu̱l li sicꞌbil ru xban li Dios, rochben laj Josué laj cꞌanjel chiru.

2 Reyes 5:27

Anakcuan ta̱letz cha̱cuix lix yajel laj Naamán. Chalen anakcuan saklep chic a̱cuix joꞌ eb ajcuiꞌ la̱ cualal a̱cꞌajol saklep chic rixeb, chan. Ut nak co̱ laj Giezi, saklep chic rix. Sak sak joꞌ li ratzꞌam que.

2 Reyes 5:25

Chirix aꞌan laj Giezi co̱ cuiꞌchic riqꞌuin lix patrón ut lix patrón quixye re: —¿Bar xatcuulac chak? chan. Laj Giezi quixye: —Ma̱ bar nincuulac, chan.

2 Reyes 3:11

Abanan li rey Josafat quixye: —¿Ma ma̱cꞌaꞌ junak xprofeta li Dios arin re nak tixtzꞌa̱ma chiru li Dios cꞌaꞌru us takaba̱nu? chan. Jun li cui̱nk li nataklan saꞌ xbe̱neb lix soldado laj Israel quixye: —Cuan arin laj Eliseo, li ralal laj Safat. Laj Eliseo quicꞌanjelac chiru li profeta Elías, chan.

San Lucas 12:42

Ut li Ka̱cuaꞌ quixye re: —Li mo̱s li cuan xnaꞌleb ut cha̱bil, aꞌan li ta̱qꞌuehekꞌ xcuanquil xban lix patrón saꞌ xbe̱neb li rech mo̱sil. Aꞌan chic ta̱qꞌuehok re xtzacae̱mkeb saꞌ x-o̱ril.

2 Reyes 18:31

Me̱pa̱b li ra̱tin laj Ezequías. Aꞌan aꞌin li naxye e̱re lix reyeb laj Asiria, “Cꞌamomak e̱rib saꞌ usilal cuiqꞌuin. Cui te̱cꞌam e̱rib saꞌ usilal cuiqꞌuin, chi ju̱nkal te̱tzaca li ru le̱ uvas ut te̱tzaca li ru le̱ higo ut naru ajcuiꞌ te̱rucꞌ li haꞌ li na-el saꞌ le̱ jul haꞌ,

Proverbios 27:17

Li chꞌi̱chꞌ riqꞌuin chꞌi̱chꞌ ajcuiꞌ nakꞌesna̱c. Joꞌcan ajcuiꞌ li cui̱nk. Cui̱nk ajcuiꞌ ta̱qꞌuehok xnaꞌleb.

Proverbios 27:19

Joꞌ nak nakil li xnakꞌ ku saꞌ li haꞌ, joꞌcan ajcuiꞌ nak nakaqꞌue retal kacꞌaꞌux riqꞌuin jalan.

Isaías 36:16

Me̱pa̱b li cꞌaꞌru tixye e̱re laj Ezequías. Aꞌan aꞌin li naxye e̱re lix reyeb laj Asiria: Cui te̱cꞌam e̱rib saꞌ usilal cuiqꞌuin, che̱ju̱nkal te̱tzaca li ru le̱ uvas ut te̱tzaca li ru le̱ higo ut naru ajcuiꞌ te̱rucꞌ li haꞌ li na-el saꞌ le̱ jul haꞌ,

Ester 6:11

Laj Amán quixcꞌam li rakꞌ li rey riqꞌuin laj Mardoqueo ut quixcꞌam ajcuiꞌ li cacua̱y. Quixqꞌue li rakꞌ chirix laj Mardoqueo. Ut nak cuan chirix li cacua̱y laj Mardoqueo, laj Amán quixberesi li cacua̱y saꞌ eb li be ut quixjap re chixyebal: —Joꞌcaꞌin naxba̱nu li rey re li ani naraj xqꞌuebal xlokꞌal, chan.