Proverbios 27:11 - Li Santil hu

¹¹ Ex cualal incꞌajol, chicua̱nk e̱naꞌleb re nak sahak inchꞌo̱l e̱riqꞌuin. Chi joꞌcan tinnau xsumenquil li nequeꞌhoboc cue.

Q'eqchi Bible

¹¹ Chaab'ilaq laana'leb', at walal, ut taasaho'q linch'ool; chi jo'kan tinruuq xsumenkil eb' li xik' neke'ilok we.

Proverbios 27:11 ပူးပေါင်းရင်းမြစ်များ

Proverbios 10:1

Aꞌaneb aꞌin li proverbios li quixye laj Salomón: Li alalbej li cuan xnaꞌleb naxqꞌue xsahil xchꞌo̱l lix naꞌ xyucuaꞌ. Abanan li alalbej li incꞌaꞌ naxtau xnaꞌleb naxqꞌue xrahil xchꞌo̱l lix naꞌ xyucuaꞌ.

Salmos 119:42

Chi joꞌcan ta̱ru̱k tinye reheb li nequeꞌhoboc cue nak la̱ cua̱tin naxqꞌue xcacuil inchꞌo̱l.

2 Juan 1:4

Cꞌajoꞌ nak nasahoꞌ saꞌ inchꞌo̱l chirilbaleb la̱ cualal a̱cꞌajol nak cuanqueb saꞌ xya̱lal. Joꞌcaꞌin li kataklanquil xban li Dios Acuabej.

Filemón 1:7

At inherma̱n, cꞌajoꞌ nak nasahoꞌ ut nacꞌojla inchꞌo̱l nak xcuabi resil chanru nak nacaraheb laj pa̱banel ut nacaqꞌue xcacuilal xchꞌo̱leb.

Proverbios 29:3

Li ani naraj xtaubal xnaꞌleb naxqꞌue xsahil xchꞌo̱l lix yucuaꞌ. Ut li ani nacuan riqꞌuineb li ixk li nequeꞌxcꞌayi ribeb naxsach lix biomal.

Proverbios 15:20

Li alalbej cuan xnaꞌleb naxqꞌue xsahil xchꞌo̱l lix naꞌ xyucuaꞌ. Abanan li alalbej incꞌaꞌ naxtau xnaꞌleb naxtzꞌekta̱na lix naꞌ xyucuaꞌ.

Salmos 2:10

Anakcuan ut ex rey, checꞌoxla li cꞌaꞌru te̱ba̱nu ut qꞌuehomak retal li naꞌleb aꞌin, la̱ex li cuan e̱cuanquil saꞌ ruchichꞌochꞌ.

Proverbios 26:16

Li incꞌaꞌ naraj trabajic naxye nak aꞌan cuan xnaꞌleb chi us chiru cuukub chi cristian li nequeꞌxnau qꞌuehoc xnaꞌleb.

Proverbios 27:12

Li ani cuanqueb xnaꞌleb nequeꞌxqꞌue retal li raylal ut nequeꞌxcol ribeb chiru. Abanan eb li ma̱cꞌaꞌeb xnaꞌleb nequeꞌxcꞌul li raylal nachal saꞌ xbe̱neb xban nak incꞌaꞌ nequeꞌxnau xqꞌuebal retal.