Proverbios 26:25 - Li Santil hu

²⁵ Nak tatra̱tina riqꞌuin kꞌunil a̱tin ma̱pa̱b re, xban nak lix cꞌaꞌux nujenak chi ma̱usilal.

Q'eqchi Bible

²⁵ Maapaab' naq tatraatina sa' q'unil aatin, xb'aan naq k'ajo' li maa'usilal wank sa' xch'ool.

Proverbios 26:25 ပူးပေါင်းရင်းမြစ်များ

Jeremías 12:6

Eb la̱ cuas ut eb la̱ cui̱tzꞌin yo̱queb chabalakꞌinquil. La̱ cuechꞌalal xeꞌxjunaji ribeb riqꞌuineb li yo̱queb chixcꞌu̱banquil ru chanru nak teꞌxba̱nu raylal a̱cue. Ma̱cꞌojob a̱chꞌo̱l riqꞌuineb, usta cha̱bil nequeꞌa̱tinac a̱cuiqꞌuin.

Salmos 28:3

Mina̱juntakꞌe̱ta riqꞌuineb li incꞌaꞌ useb xnaꞌleb ut li nequeꞌba̱nun ma̱usilal re nak incꞌaꞌ tincꞌul li teꞌxcꞌul eb aꞌan. Eb aꞌan nequeꞌxye nak nequeꞌraj cua̱nc saꞌ usilal riqꞌuineb li rech cabal abanan li ra̱meb nujenak chi ma̱usilal.

San Mateo 24:23

Joꞌcan nak cui ani ta̱yehok e̱re, “Cueꞌ li Cristo,” malaj, “leꞌ cuan li Cristo,” me̱pa̱b li cꞌaꞌru tixye.

Salmos 12:2

Nequeꞌxticꞌtiꞌi ribeb ut riqꞌuin cha̱bil a̱tin nequeꞌkꞌunbesin re xbalakꞌinquil li ras ri̱tzꞌin.

Miqueas 7:5

Ma̱ ani aj iqꞌuin te̱cꞌojob e̱chꞌo̱l chi moco riqꞌuin le̱ rami̱g, chi moco riqꞌuin li nataklan saꞌ xbe̱neb li tenamit, chi moco riqꞌuin le̱ rixakil. Cheqꞌuehak retal li cꞌaꞌru te̱ye.

Proverbios 23:7

Eb aꞌan nequeꞌxbok chi cuaꞌac ut nequeꞌxye e̱re “Ocankex, cuaꞌinkex”. Abanan moco ya̱l ta li nequeꞌxye. Incꞌaꞌ nequenau cꞌaꞌru cuan saꞌ xchꞌo̱leb.

Proverbios 26:23

Ma̱cꞌaꞌ na-oc cuiꞌ xqꞌuebal li plata chirix junak chꞌochꞌ ucꞌal. Chanchan aꞌan li kꞌunil a̱tin li nequeꞌxye li incꞌaꞌ useb xnaꞌleb. Ma̱cꞌaꞌ na-oc cuiꞌ.

1 Samuel 18:17

Saꞌ jun li cutan laj Saúl quixye re laj David: —La̱in tinqꞌue lix Merab, li xbe̱n inrabin, chokꞌ a̱cuixakil. Caꞌaj cuiꞌ li nacuaj la̱in nak cauhak a̱chꞌo̱l chi pletic saꞌ xcꞌabaꞌ li Ka̱cuaꞌ, chan. Laj Saúl quixye saꞌ xchꞌo̱l: —Ma̱cuaꞌ la̱in tincamsi̱nk re laj David. Aꞌaneb ban laj filisteo teꞌcamsi̱nk re, chan saꞌ xchꞌo̱l.

Nehemías 6:2

laj Sanbalat ut laj Gesem queꞌxtakla chak inbokbal ut queꞌxye cue: —Cha̱lkat re takachꞌutub kib saꞌ li cꞌaleba̱l Ono, chanqueb. Abanan eb aꞌan quineꞌxbok yal re teꞌxba̱nu ma̱usilal cue.