Proverbios 26:24 - Li Santil hu

²⁴ Li ani xicꞌ na-iloc incꞌaꞌ nacꞌutun chiru lix joskꞌil nak yo̱ chi a̱tinac. Abanan saꞌ lix cꞌaꞌux yo̱ chixcꞌoxlanquil chanru tixba̱nu li incꞌaꞌ us.

Q'eqchi Bible

²⁴ Li xik' na'ilok naxmuq li xna'leb' naq na'aatinak; ab'an sa' li xch'ool yo xk'uub'ankil li raaxiik'.

Proverbios 26:24 ပူးပေါင်းရင်းမြစ်များ

Proverbios 12:20

Eb li incꞌaꞌ useb xnaꞌleb, junes balakꞌic nequeꞌxcꞌoxla. Abanan li cha̱bileb xnaꞌleb junelic saheb saꞌ xchꞌo̱l chixtenkꞌanquil li ras ri̱tzꞌin chi cua̱nc saꞌ usilal.

Proverbios 10:18

Li ani xicꞌ na-iloc chi mukmu, aꞌan aj ticꞌtiꞌ. Ut li ani nacuulac chiru moloc ticꞌtiꞌ, aꞌan ma̱cꞌaꞌ xnaꞌleb.

Salmos 41:6

Nequeꞌchal chicuilbal abanan yal xcab rix xchꞌo̱leb. Yal xqꞌuebal cuetal nequeꞌchal nak nequeꞌcꞌulun chicuilbal. Ut nak nequeꞌel cuiqꞌuin nequeꞌoc chi a̱tinac chicuix saꞌ be.

Proverbios 14:8

Li ani se̱b xchꞌo̱l cuan xnaꞌleb chixqꞌuebal retal chanru lix yuꞌam. Abanan li ma̱cꞌaꞌeb xnaꞌleb incꞌaꞌ nequeꞌxnau xqꞌuebal retal chanru lix yuꞌameb. Xjuneseb nequeꞌxbalakꞌi rib.

Proverbios 12:17

Li ani ti̱c xchꞌo̱l naxye li ya̱l nak naxic chi a̱tinac chirix li ras ri̱tzꞌin. Abanan eb li incꞌaꞌ ti̱queb xchꞌo̱l incꞌaꞌ nequeꞌxye li ya̱l nak nequeꞌxic chi a̱tinac chirixeb li ras ri̱tzꞌin.

Proverbios 12:5

Eb li ti̱queb xchꞌo̱l junes li us nequeꞌxcꞌoxla. Abanan li incꞌaꞌ useb xnaꞌleb junes balakꞌic nequeꞌxcꞌoxla.

Proverbios 11:1

Li Ka̱cuaꞌ sa xchꞌo̱l riqꞌuin li ani nabisoc chi tzꞌakal. Abanan xicꞌ narileb li ani incꞌaꞌ nequeꞌbisoc chi tzꞌakal.

Proverbios 23:7

Eb aꞌan nequeꞌxbok chi cuaꞌac ut nequeꞌxye e̱re “Ocankex, cuaꞌinkex”. Abanan moco ya̱l ta li nequeꞌxye. Incꞌaꞌ nequenau cꞌaꞌru cuan saꞌ xchꞌo̱leb.

Jeremías 9:4

Incꞌaꞌ naru te̱cꞌojob e̱chꞌo̱l riqꞌuineb le̱ ras e̱ri̱tzꞌin, usta nequeꞌxye nak eb aꞌan tzꞌakal e̱rami̱g. Chi moco ta̱ru̱k te̱cꞌojob e̱chꞌo̱l riqꞌuin le̱ ras ut le̱ ri̱tzꞌin xban nak li asbej ut li i̱tzꞌinbej nequeꞌbalakꞌin. Eb li amigo nequeꞌyoꞌoban ticꞌtiꞌ.

Génesis 34:13

Xban nak ac nequeꞌxnau nak laj Siquem quixchap saꞌ pue̱rs lix Dina, eb li ras riqꞌuin balakꞌ aj a̱tin queꞌchakꞌoc chiruheb laj Hamor ut laj Siquem.

1 Samuel 18:17

Saꞌ jun li cutan laj Saúl quixye re laj David: —La̱in tinqꞌue lix Merab, li xbe̱n inrabin, chokꞌ a̱cuixakil. Caꞌaj cuiꞌ li nacuaj la̱in nak cauhak a̱chꞌo̱l chi pletic saꞌ xcꞌabaꞌ li Ka̱cuaꞌ, chan. Laj Saúl quixye saꞌ xchꞌo̱l: —Ma̱cuaꞌ la̱in tincamsi̱nk re laj David. Aꞌaneb ban laj filisteo teꞌcamsi̱nk re, chan saꞌ xchꞌo̱l.

2 Samuel 13:26

Ut laj Absalón quixye re: —Cui incꞌaꞌ ta̱ru̱k tatxic la̱at, chixicak laj Amnón li cuas, chan. Ut li rey quixye re: —¿Cꞌaꞌut nak ta̱cuaj nak ta̱xic laj Amnón? chan.

2 Samuel 13:27

Laj Absalón quirelaji ru li rey nak ta̱xic laj Amnón toj retal nak li rey quixtaklaheb laj Amnón ut chixjunileb li ralal.

2 Samuel 20:9

Laj Joab quixye re laj Amasa: —¿Chan xacuil, at cuami̱g?— Ut quixchap lix mach laj Amasa riqꞌuin li rukꞌ nim re ta̱rutzꞌ ru.

Nehemías 6:2

laj Sanbalat ut laj Gesem queꞌxtakla chak inbokbal ut queꞌxye cue: —Cha̱lkat re takachꞌutub kib saꞌ li cꞌaleba̱l Ono, chanqueb. Abanan eb aꞌan quineꞌxbok yal re teꞌxba̱nu ma̱usilal cue.

Salmos 12:3

At Ka̱cuaꞌ, chakꞌuseb re nak teꞌxcanab ticꞌtiꞌic ut balakꞌi̱nc. Chakꞌuseb re nak teꞌxcanab xnimobresinquil ribeb riqꞌuin li cꞌaꞌru nequeꞌxye.

Salmos 28:3

Mina̱juntakꞌe̱ta riqꞌuineb li incꞌaꞌ useb xnaꞌleb ut li nequeꞌba̱nun ma̱usilal re nak incꞌaꞌ tincꞌul li teꞌxcꞌul eb aꞌan. Eb aꞌan nequeꞌxye nak nequeꞌraj cua̱nc saꞌ usilal riqꞌuineb li rech cabal abanan li ra̱meb nujenak chi ma̱usilal.