Proverbios 26:11 - Li Santil hu

¹¹ Eb li ma̱cꞌaꞌeb xnaꞌleb junelic yo̱queb chixba̱nunquil li incꞌaꞌ us. Chanchaneb li tzꞌiꞌ li nequeꞌxlou xcaꞌ sut lix xaꞌau.

Q'eqchi Bible

¹¹ Jo' naq li tz'i' naxlow wi' chik sa' li xxa'aw, jo'kan ajwi' li maak'a' xna'leb' naq naxb'aanu wi' chik li maa'usilal.

Proverbios 26:11 ပူးပေါင်းရင်းမြစ်များ

2 Pedro 2:22

Cuan jun li a̱tin nayeman naxye: Li tzꞌiꞌ naxlou cuiꞌchic lix xaꞌau xcaꞌ sut, ut nayeman ajcuiꞌ nak li a̱k li atesinbil, naxtolcꞌosi cuiꞌchic rib saꞌ sulul. (Prov. 26:11) Eb li cui̱nk aj balakꞌ chanchaneb li xul aꞌan xban nak queꞌoc cuiꞌchic xba̱nunquil li ma̱usilal.

San Mateo 12:45

Ut li ma̱us aj musikꞌej naxsicꞌ cuukub chic chi ma̱us aj musikꞌej kꞌaxal cuiꞌchic numtajenak xma̱usilaleb chiru aꞌan. Nequeꞌoc chi cua̱nc riqꞌuin li cui̱nk. Ut lix naꞌleb li cui̱nk aꞌan numtajenakak chic xyibal ru chiru nak xcuan chak junxil. Ut joꞌcan ajcuiꞌ te̱cꞌul la̱ex li numtajenak le̱ ma̱usilal.

Éxodo 8:15

Ut laj faraón nak quiril nak qui-usa li tenamit, quixcacuubresi cuiꞌchic xchꞌo̱l. Ut incꞌaꞌ qui-abin, joꞌ quixye li Ka̱cuaꞌ Dios.

Proverbios 23:35

Ut te̱ye: —Xineꞌxsacꞌ ut incꞌaꞌ xcuecꞌa. Xineꞌxsacꞌ ut incꞌaꞌ xinqꞌue retal jokꞌe xineꞌxsacꞌ. Nak ta̱aj cuu, tinxic cuiꞌchic chi ucꞌac, chaꞌkex.

Proverbios 26:10

Li ani naxbok yalak ani chi trabajic chi incꞌaꞌ naxnau ma us xnaꞌleb malaj ut incꞌaꞌ, li jun aꞌan chanchan li ani yo̱k chixti̱canquil yalak ani riqꞌuin lix tzimaj.

Proverbios 27:22

Usta ta̱tenle junak li ma̱cꞌaꞌ xnaꞌleb, abanan ma̱ jokꞌe tixtau xya̱lal. Junelic ban ma̱cꞌaꞌak xnaꞌleb.

Isaías 28:8

Chixjunileb li me̱x tzꞌajeb ru xban lix xaꞌauheb. Ma̱ jun chic li naꞌajej sak ru.