Proverbios 26:1 - Li Santil hu

¹ Joꞌ nak li ratzꞌam que incꞌaꞌ natꞌaneꞌ saꞌ sakꞌehil, chi moco li hab naxqꞌue saꞌ xkꞌehil li kꞌoloc, joꞌcan ajcuiꞌ nak li ma̱cꞌaꞌ xnaꞌleb moco xcꞌulub ta nak ta̱qꞌuehekꞌ xlokꞌal.

Q'eqchi Bible

¹ Jo' li ratz'am ke sa' saq'ehil malaj li hab' sa' xq'ehil li q'olok, jo'kan ajwi' li loq'al: moko us ta naq nak'ehe'k re li maak'a' xna'leb'.

Proverbios 26:1 ပူးပေါင်းရင်းမြစ်များ

Proverbios 19:10

Eb li ma̱cꞌaꞌeb xnaꞌleb moco xcꞌulubeb ta nak ta̱cua̱nk xbiomaleb. Joꞌcan ajcuiꞌ eb li mo̱s. Moco xcꞌulubeb ta nak teꞌtakla̱nk saꞌ xbe̱neb li cuanqueb xcuanquil.

Proverbios 28:16

Junak li acuabej ma̱cꞌaꞌ xnaꞌleb naxrahobtesi li tenamit. Abanan li acuabej li incꞌaꞌ naxra ru biomal, aꞌan najtak rok lix yuꞌam.

Salmos 12:8

Li incꞌaꞌ useb xnaꞌleb xeꞌtam saꞌ li ruchichꞌochꞌ. Ut li tenamit nequeꞌxqꞌue xlokꞌal li ma̱usilal li nequeꞌxba̱nu.

Proverbios 26:8

Ma̱cꞌaꞌ aj e xqꞌuebal xlokꞌal li ma̱cꞌaꞌ xnaꞌleb. Chanchan xbacꞌbal junak pec saꞌ li rantꞌin.

Proverbios 17:7

Incꞌaꞌ us chokꞌ reheb li ma̱cꞌaꞌ xnaꞌleb nak teꞌxnimobresi ribeb chi a̱tinac. Joꞌcan ajcuiꞌ li cui̱nk li cuan xcuanquil, incꞌaꞌ us cui naticꞌtiꞌic.

Salmos 52:1

Li rusilal li Dios cuan chi junelic. La̱at, li nacacuecꞌa nak nim a̱cuanquil, ¿cꞌaꞌut nak nacanimobresi a̱cuib xba̱nunquil li incꞌaꞌ us?

Salmos 15:4

Nequeꞌjoskꞌoꞌ saꞌ xbe̱neb li nequeꞌtzꞌekta̱nan re li Dios ut nequeꞌx-oxlokꞌi li nequeꞌxxucua ru li Dios. Junelic nequeꞌxba̱nu li cꞌaꞌru nequeꞌxye, usta nequeꞌxcꞌul raylal.

Ester 4:9

Laj Hatac quisukꞌi riqꞌuin lix Ester ut quixserakꞌi re chixjunil li quiyeheꞌ re xban laj Mardoqueo.

Ester 4:6

Laj Hatac co̱ chi a̱tinac riqꞌuin laj Mardoqueo. Aꞌan cuan saꞌ li be li cuan chiru li oqueba̱l re li rochoch li rey.

Jueces 9:20

Cui ut incꞌaꞌ xexcuan saꞌ xya̱lal, chie̱lk ta xam riqꞌuin laj Abimelec ut cheꞌcꞌatk ta chixjunileb li cui̱nk aj Siquem ut eb laj Bet-milo. Ut chie̱lk ta xam riqꞌuineb laj Siquem ut eb laj Bet-milo ut chicꞌatk ta laj Abimelec, chan laj Jotam.

Jueces 9:7

Nak laj Jotam quirabi resil li queꞌxba̱nu, quitakeꞌ saꞌ xbe̱n li tzu̱l Gerizim. Ut toj aran quixjap chak re chixyebal: —Ex cui̱nk aj Siquem, cherabihak li cꞌaꞌru oc cue chixyebal ut chirabihak ta ajcuiꞌ li Dios li cꞌaꞌru te̱ye la̱ex.

Proverbios 26:3

Li cacua̱y naqꞌueman xtzꞌu̱m re nak tixtau xya̱lal. Ut li bu̱r naqꞌueman li chꞌi̱chꞌ saꞌ re, re xberesinquil. Joꞌcan ajcuiꞌ li incꞌaꞌ naxtau xya̱lal. Tento xqꞌuebal xtzꞌu̱m re nak tixtau xnaꞌleb.