Proverbios 24:9 - Li Santil hu

⁹ Lix cꞌaꞌux li ma̱cꞌaꞌ xnaꞌleb, aꞌan ma̱c. Xicꞌ na-ileꞌ xbaneb li cristian li nahoboc.

Q'eqchi Bible

⁹ Li jip junes xb'aanunkil li maak naxk'oxla, ut eb' li poyanam xik' neke'ril laj hob'onel.

Proverbios 24:9 ပူးပေါင်းရင်းမြစ်များ

San Mateo 15:19

Saꞌ lix chꞌo̱l junak nachal chak li ma̱us aj naꞌleb, li camsi̱nc ras ri̱tzꞌin, li muxuc caxa̱r, li coꞌbe̱tac yumbe̱tac, li elkꞌac, li kꞌaba̱nc ut li majecua̱nc.

2 Corintios 10:5

Nakasach xcuanquileb li nequeꞌcuechꞌin rix lix cꞌanjel li Dios. Ut nakasach ajcuiꞌ xcuanquil chixjunil lix yehom xba̱nuhom li cui̱nk li naramoc re chiruheb li kas ki̱tzꞌin li rusilal li Dios. Nakacanab saꞌ rukꞌ li Dios lix naꞌlebeb aꞌan re nak chijala̱k lix naꞌlebeb xban li Cristo ut teꞌxba̱nu li cꞌaꞌru naraj aꞌan.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

Hechos 8:22

Cui ta̱yotꞌ a̱chꞌo̱l ta̱jal a̱cꞌaꞌux ut ta̱canab xba̱nunquil li ma̱usilal aꞌin ut cui ta̱tzꞌa̱ma a̱cuybal chiru li Dios, ma̱re chan nak tixcuy a̱ma̱c riqꞌuin li xacꞌoxla.

San Mateo 9:4

Li Jesús ac naxnau li cꞌaꞌru yo̱queb chixcꞌoxlanquil ut quixye reheb: —¿Cꞌaꞌut nak yo̱quex chixcꞌoxlanquil li incꞌaꞌ us?

Proverbios 29:8

Eb li nequeꞌcuulac chiru hoboc nequeꞌxtiquib chꞌaꞌajquilal saꞌ junak tenamit. Abanan eb li cuanqueb xnaꞌleb nequeꞌxnau xyi̱banquil ru li chꞌaꞌajquilal.

Proverbios 24:8

Li ani junes li incꞌaꞌ us naxcꞌoxla xba̱nunquil, “aꞌan incꞌaꞌ us xnaꞌleb” ta̱yehekꞌ re.

San Mateo 5:28

Ut la̱in tinye e̱re nak yalak ani tixcaꞌya junak ixk re xrahinquil ru, ac xmux ru lix sumlajic xban xrahinquil ru.

Jeremías 4:14

La̱ex aj Jerusalén, canabomak xba̱nunquil li ma̱usilal re nak naru texcolekꞌ. ¿Joꞌ najtil chic toj yo̱kex xcꞌoxlanquil xba̱nunquil li ma̱usilal?

Génesis 6:5

Li Ka̱cuaꞌ Dios quiril nak yo̱ chi numta̱c lix ma̱queb li cristian saꞌ ruchichꞌochꞌ. Caꞌaj cuiꞌ li ma̱usilal nequeꞌxcꞌoxla.

Proverbios 23:7

Eb aꞌan nequeꞌxbok chi cuaꞌac ut nequeꞌxye e̱re “Ocankex, cuaꞌinkex”. Abanan moco ya̱l ta li nequeꞌxye. Incꞌaꞌ nequenau cꞌaꞌru cuan saꞌ xchꞌo̱leb.

Proverbios 22:10

Isihomakeb saꞌ e̱ya̱nk li nequeꞌhoboc. Chi joꞌcan ma̱cꞌaꞌak chic pletic ut hoboc saꞌ e̱ya̱nk.

Salmos 119:113

La̱in ninra la̱ chakꞌrab ut xicꞌ nequeꞌcuil laj caꞌ pacꞌal u.

Génesis 8:21

Lix bo̱c li cꞌatbil mayej quicuulac riqꞌuin li Dios ut quicuulac chiru lix sununquil. Li Dios quixye saꞌ xchꞌo̱l: —Ma̱ jun cua chic tintzꞌekta̱na li ruchichꞌochꞌ xbaneb li cristian. Ac reheb li cristian nak aj ma̱queb. Ma̱ jun sut chic tinsach ruheb chixjunileb li cuanqueb saꞌ ruchichꞌochꞌ riqꞌuin butꞌi haꞌ.

Proverbios 9:7

Cui ta̱kꞌus junak li kꞌetkꞌet li incꞌaꞌ us xnaꞌleb, ma̱cꞌaꞌ ta̱raj re xban nak aꞌan tatxseꞌe ut tatxhob.

Proverbios 21:24

Kꞌetkꞌet ut aj hobonel nayeheꞌ reheb li ani nequeꞌxnimobresi rib, li incꞌaꞌ nequeꞌra̱tina ras ri̱tzꞌin saꞌ xya̱lal.