Proverbios 24:7 - Li Santil hu

⁷ Li incꞌaꞌ naxtau xya̱lal incꞌaꞌ naxnau cꞌaꞌru tixsume cuiꞌ nak cuan chiru laj rakol a̱tin xban nak ma̱cꞌaꞌ xnaꞌleb.

Q'eqchi Bible

⁷ Li maak'a' xna'leb' ink'a' naxnaw k'aru tixye sa' li raqleb'aal aatin, xb'aan naq maak'a' li chaab'il na'leb' rik'in.

Proverbios 24:7 ပူးပေါင်းရင်းမြစ်များ

Proverbios 14:6

Li ani incꞌaꞌ naxtau xya̱lal naxsicꞌ lix naꞌleb, abanan incꞌaꞌ naxtau. Li ani se̱b xchꞌo̱l moco chꞌaꞌaj ta chokꞌ re xtaubal xnaꞌleb.

Salmos 10:5

Junelic incꞌaꞌ us nequeꞌxba̱nu. Incꞌaꞌ nequeꞌxpa̱b nak li Dios ta̱rakok a̱tin saꞌ xbe̱neb. Ut nequeꞌxtzꞌekta̱na li xicꞌ nequeꞌril.

1 Corintios 2:14

Li ani ma̱cꞌaꞌ li Santil Musikꞌej riqꞌuin incꞌaꞌ naxcꞌu̱luban lix ya̱lal li naxcꞌut li Santil Musikꞌej. Aꞌan to̱ntil naꞌleb chiru xban nak incꞌaꞌ naxtau ru. Caꞌaj cuiꞌ li ani cuan li Santil Musikꞌej riqꞌuin naru tixtau ru xban nak li Santil Musikꞌej aꞌan li nacꞌutuc re lix ya̱lal chiru.

Amós 5:15

Chetzꞌekta̱na li ma̱usilal ut chera li ti̱quilal. Ut qꞌuehomak e̱chꞌo̱l chi rakoc a̱tin saꞌ xya̱lal. Ma̱re chi joꞌcan li Ka̱cuaꞌ, li nimajcual Dios ta̱ruxta̱na e̱ru la̱ex laj Israel, li joꞌ qꞌuialex chic texcolekꞌ.

Amós 5:12

La̱in ninnau nak nequekꞌetkꞌeti e̱rib. Ninnau nak numtajenak le̱ ma̱usilal. Nequerahobtesi li ti̱queb xchꞌo̱l. Nacuulac che̱ru nak natumina̱c e̱ru ut incꞌaꞌ nequexrakoc a̱tin chi tzꞌakal saꞌ xbe̱neb li nebaꞌ.

Amós 5:10

La̱ex aj Israel xicꞌ nequeril li ani naxcol rix li ti̱quilal. Ut xicꞌ nequeril li ani nayehoc re li ya̱l nak cuanqueb chiru laj rakol a̱tin.

Isaías 29:21

Li Dios tixsach ruheb li nequeꞌkꞌaban ut tixsach ajcuiꞌ ruheb li nequeꞌbalakꞌin re laj rakol a̱tin. Ut tixsach ajcuiꞌ ruheb li nequeꞌxsicꞌ xya̱lal re nak incꞌaꞌ ta̱rakekꞌ a̱tin saꞌ ti̱quilal saꞌ xbe̱neb li ma̱cꞌaꞌeb xma̱c.

Proverbios 22:22

Li xbe̱n naꞌleb, aꞌan aꞌin: Me̱relkꞌa li cꞌaꞌru reheb li nebaꞌ yal xban nak nebaꞌeb. Chi moco te̱rahobtesiheb nak yo̱k chi rakecꞌ a̱tin saꞌ xbe̱neb yal xban nak incꞌaꞌ naru teꞌxcol ribeb.

Proverbios 17:24

Li cuan xnaꞌleb junelic yo̱ chixcꞌoxlanquil chanru nak tixtau xtzꞌakob lix naꞌleb. Abanan li incꞌaꞌ naxtau xnaꞌleb moco chꞌolchꞌo ta ru li cꞌaꞌru naxba̱nu.

Proverbios 15:24

Li ani naxnau cꞌoxlac ta̱xic saꞌ choxa xban nak cuan saꞌ ti̱quilal. Ut tixcol rib chiru lix naꞌajeb li camenak.

Li xHu LAJ JOB 31:21

Ma̱ jun sut xinba̱nu raylal reheb li ma̱cꞌaꞌeb xnaꞌ xyucuaꞌ, usta ninnau nak naru nincol cuib chiruheb laj rakol a̱tin.

Li xHu LAJ JOB 5:4

Eb li ralal xcꞌajol ma̱ ani natenkꞌan reheb. Ut nak cuanqueb chiruheb laj rakol a̱tin, ma̱ ani na-oquen chirixeb ut ma̱ ani nacoloc reheb.

Salmos 127:5

Us xak reheb li cuan nabal ralal xcꞌajoleb. Moco xuta̱nal ta teꞌe̱lk nak teꞌxcꞌul li xicꞌ nequeꞌiloc reheb xban nak li ralal xcꞌajoleb teꞌoque̱nk chirixeb.

Proverbios 17:7

Incꞌaꞌ us chokꞌ reheb li ma̱cꞌaꞌ xnaꞌleb nak teꞌxnimobresi ribeb chi a̱tinac. Joꞌcan ajcuiꞌ li cui̱nk li cuan xcuanquil, incꞌaꞌ us cui naticꞌtiꞌic.

Proverbios 17:16

¿Cꞌaꞌru aj e nak cua̱nk xtumin li ma̱cꞌaꞌ xnaꞌleb? Ma̱cꞌaꞌ aj e xban nak moco naru ta tixlokꞌ xnaꞌleb riqꞌuin lix tumin.

Isaías 32:6

Li incꞌaꞌ us xnaꞌleb junes to̱ntil naꞌleb naxye ut junes ma̱usilal naxcꞌoxla xba̱nunquil. Naxba̱nu li incꞌaꞌ us ut naxhob li Ka̱cuaꞌ li nimajcual Dios. Incꞌaꞌ naxqꞌue xtzacae̱mkeb li teꞌtzꞌoca̱k chi moco naxqꞌue rucꞌaheb li teꞌchakik reheb.

Proverbios 28:5

Eb li incꞌaꞌ useb xnaꞌleb incꞌaꞌ nequeꞌxtau ru cꞌaꞌru li ti̱quilal. Abanan eb li nequeꞌxpa̱b li Ka̱cuaꞌ nequeꞌxtau ru cꞌaꞌru li ti̱quilal.

Proverbios 31:23

Ut lix be̱lom naꞌno ru xbaneb chixjunileb li cuanqueb saꞌ li tenamit xban nak aꞌan jun reheb li nequeꞌcꞌamoc be saꞌ xya̱nkeb li tenamit.