Proverbios 24:4 - Li Santil hu

⁴ Xban nak cuan xnaꞌleb naxqꞌue nabal li cꞌaꞌak re ru chꞌinaꞌuseb ut li terto xtzꞌak saꞌ li rochoch.

Q'eqchi Bible

⁴ Rik'in naab'al li nawom na'uutz'u'ujiik xsa' li rochoch, jo' ajwi' nanujak rik'in li k'a'aq re ru terto xtz'aq ut jwal ch'ina'us rilb'al.

Proverbios 24:4 ပူးပေါင်းရင်းမြစ်များ

Proverbios 21:20

Li ani cuan xnaꞌleb cuan xbiomal saꞌ li rochoch ut cuan ajcuiꞌ li sununquil ban. Abanan, li ma̱cꞌaꞌ xnaꞌleb yal naxsach lix tumin chi ma̱cꞌaꞌ rajbal.

Proverbios 15:6

Li ani ti̱c xchꞌo̱l cuan nabal cꞌaꞌru re saꞌ rochoch. Abanan eb li incꞌaꞌ useb xnaꞌleb incꞌaꞌ nequeꞌxyal xsahil li cꞌaꞌruheb re.

Proverbios 20:15

Li ani naxnau xqꞌuebal cha̱bil naꞌleb kꞌaxal cuiꞌchic lokꞌ chiru li oro ut li terto̱quil pec.

Proverbios 8:21

Eb li nequeꞌcuulac chiruheb xba̱nunquil li cha̱bil naꞌleb nequeꞌxcꞌul xma̱taneb ut xbiomaleb.

San Mateo 13:52

Li Jesús quixye reheb: —Joꞌcan nak chixjunileb li nequeꞌxnau cꞌaꞌru naxye saꞌ li chakꞌrab ut nequeꞌxtzol rib cuiqꞌuin, eb aꞌan chanchaneb laj e̱chal cab li narisi saꞌ lix cꞌu̱leba̱l li cꞌaꞌru acꞌ joꞌ ajcuiꞌ li cꞌaꞌru kꞌel, chan li Jesús. (Quixye chi joꞌcan xban nak cuan xlokꞌal li naꞌleb qꞌuebil najter xban li Dios ut cuan ajcuiꞌ xlokꞌal li acꞌ naꞌleb qꞌuebil xban li Jesús.)

Nehemías 10:39

Chixjunileb laj Israel joꞌqueb ajcuiꞌ laj levitas tento nak teꞌxcꞌam li trigo ut li vino ut li aceite saꞌ li cab li xocxo cuiꞌ li secꞌ li nacꞌanjelac saꞌ li templo. Saꞌ ajcuiꞌ li cab aꞌan cuanqueb xnaꞌajeb laj tij li nequeꞌcꞌanjelac saꞌ li templo, joꞌqueb ajcuiꞌ li nequeꞌcꞌacꞌalen re li oqueba̱l, ut eb laj bichanel. Ut kaye nak incꞌaꞌ takacanab lix templo li kaDios. Junelic ban takachꞌolani chi us.

Proverbios 24:5

Kꞌaxal us nak cua̱nk xnaꞌleb chiru nak cua̱nk xcuanquil.

Li xHu LAJ JOB 28:10

Nequeꞌxbec li xni̱nkal jul saꞌ eb li pec ut aran nequeꞌxtau nabal pa̱y ru chi terto̱quil pec.

Proverbios 8:18

Riqꞌuin li naꞌleb li ninqꞌue natauman li biomal ut li lokꞌal. Li naꞌleb li ninqꞌue natenkꞌan reheb re nak us nequeꞌel.