Proverbios 24:25 - Li Santil hu

²⁵ Abanan osobtesinbilakeb chi nabal li nequeꞌrakoc a̱tin saꞌ ti̱quilal saꞌ xbe̱neb li cuanqueb xma̱c.

Q'eqchi Bible

²⁵ A'ut li naraqok aatin sa' xb'een laj maak, sa ilb'ilaq ut osob'tesinb'ilaq xb'aaneb' li tenamit.

Proverbios 24:25 ပူးပေါင်းရင်းမြစ်များ

1 Timoteo 5:20

Ut li ani cuan xma̱c, us xkꞌusbal chiru chixjunileb laj pa̱banel re nak li jun chꞌol chic aj cꞌamol be teꞌxucuak ut teꞌxcꞌoxla chi us li cꞌaꞌru teꞌxba̱nu.

Proverbios 28:23

Li ani naxkꞌus ras ri̱tzꞌin saꞌ xya̱lal ta̱qꞌuehekꞌ xlokꞌal. Abanan li ani incꞌaꞌ naxye li ya̱l incꞌaꞌ ta̱qꞌuehekꞌ xlokꞌal, usta chanchan cha̱bil li a̱tin naxye.

Tito 2:15

Chixjunil li naꞌleb aꞌin li yo̱quin xtzꞌi̱banquil a̱cuiqꞌuin, aꞌan li ta̱chꞌolob chiruheb. Chaqꞌueheb xnaꞌleb ut chakꞌuseb cui incꞌaꞌ us yo̱queb xban nak tenebanbil saꞌ a̱be̱n xban li Dios xba̱nunquil. Ut ma̱ ani chitzꞌekta̱na̱nk a̱cue.

Tito 1:13

Ut ya̱l ajcuiꞌ li quixye. Joꞌcan nak cau chakꞌuseb re nak teꞌcacuu̱k xchꞌo̱leb saꞌ lix pa̱ba̱leb.

San Mateo 14:4

Toj ma̱jiꞌ naqꞌueheꞌ saꞌ tzꞌalam laj Juan laj Cubsihom Haꞌ nak quixye re laj Herodes chi joꞌcaꞌin: —Nimla ma̱c xaba̱nu nak xacꞌam chokꞌ a̱cuixakil lix Herodías, chan laj Juan re.

Nehemías 13:28

Laj Joiada, aꞌan li ralal laj Eliasib li xbe̱nil aj tij. Jun li ralal laj Joiada quixcꞌam chokꞌ rixakil lix rabin laj Sanbalat laj horonita. Joꞌcan nak quicuisi aꞌan saꞌ li tenamit Jerusalén.

Nehemías 13:25

La̱in quincuechꞌiheb ut quinbok raylal saꞌ xbe̱neb. Cuan quinsaqꞌueb ut cuan quinmichꞌeb chi rismal ut quinpuersiheb nak teꞌxye riqꞌuin juramento nak incꞌaꞌ chic teꞌxqꞌue li ralal xcꞌajoleb chi sumla̱c riqꞌuineb li ralal xcꞌajoleb li jalaneb xtenamit, chi moco teꞌxcꞌam rixakileb saꞌ xya̱nkeb li jalaneb xtenamit, chanquin reheb.

Nehemías 13:17

La̱in quebinkꞌus li nequeꞌcꞌamoc be saꞌ xya̱nkeb laj Judá ut quinye reheb: —Incꞌaꞌ us yo̱quex chixba̱nunquil xban nak yo̱quex chixmuxbal ru li hiloba̱l cutan.

1 Samuel 3:13

Ac xinye nak tinrakok a̱tin saꞌ xbe̱neb li ralal xcꞌajol laj Elí. Tinsach ruheb chi junaj cua xban lix ma̱usilaleb. Laj Elí naxnau nak ac xnumta xyibal ru xnaꞌlebeb li ralal ut incꞌaꞌ naxkꞌuseb.

Levítico 19:17

Incꞌaꞌ te̱joskꞌi le̱ ras e̱ri̱tzꞌin. Te̱kꞌus saꞌ xya̱lal li ani nama̱cob re nak incꞌaꞌ textzꞌako̱nk riqꞌuin lix ma̱c.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

Proverbios 24:26

Kꞌaxal lokꞌ li ani naxye chi tzꞌakal li ya̱l.