Proverbios 24:20 - Li Santil hu

²⁰ Li incꞌaꞌ useb xnaꞌleb moco us ta nak teꞌosokꞌ. Eb li incꞌaꞌ useb xnaꞌleb teꞌosokꞌ joꞌ nak nachup li xam.

Q'eqchi Bible

²⁰ Xb'aan naq li ink'a' useb' xch'ool, ra toxe'oso'q wi', ut sa' junpaat te'oso'q jo' naq nachupk junaq saqenk.

Proverbios 24:20 ပူးပေါင်းရင်းမြစ်များ

Proverbios 13:9

Li ti̱queb xchꞌo̱l cuanqueb xyuꞌam chi junelic. Chanchan li saken. Abanan eb li incꞌaꞌ useb xnaꞌleb incꞌaꞌ teꞌcua̱nk xyuꞌam. Teꞌsachekꞌ ban. Chanchan nak nachup lix xameb.

Proverbios 20:20

Li ani naxtzꞌekta̱na lix naꞌ xyucuaꞌ kꞌaxal ra tixcꞌul nak ta̱ca̱mk. Chanchan nak nachup li xam saꞌ kꞌojyi̱n.

Salmos 11:6

Li Dios tixtakla nabal li raylal saꞌ xbe̱neb li incꞌaꞌ useb xnaꞌleb. Cꞌatbilakeb riqꞌuin xam ut azufre nak teꞌosokꞌ.

Li xHu LAJ JOB 21:17

Eb li incꞌaꞌ useb xnaꞌleb, ¿ma xmakꞌeꞌ ta biꞌ jun sutak chiruheb lix biomal? ¿Ma ac xeꞌxcꞌul ta biꞌ jun sutak li raylal joꞌ yo̱quin chixcꞌulbal la̱in? Ut, ¿ma ac xcꞌut ta biꞌ jun sutak lix joskꞌil li Dios chiruheb?

San Judas 1:13

Nak na-el chak xcuokx li palau xban xcacuil rok li haꞌ, nalemeb rib chire li haꞌ lix tzꞌajnil li haꞌ. Joꞌcan ajcuiꞌ lix xuta̱neb laj balakꞌ xban li ma̱usilal li nequeꞌxba̱nu. Chanchaneb li chahim li yal naxbeni rib yalak bar chiru choxa. Eb li cui̱nk aꞌin ac xakabanbileb chi xic chi junaj cua toj saꞌ xchamal ut xkꞌojyi̱nal li tojba ma̱c.

San Mateo 25:8

Ut li o̱b li ma̱cꞌaꞌeb xnaꞌleb queꞌxye reheb li o̱b chic li cuanqueb xnaꞌleb: “Jecꞌomak bayak xyaꞌal li kaxam xban nak chupc re li kacandil,” chanqueb.

San Mateo 8:12

Aꞌut nabaleb laj judío li teꞌe̱chani̱nk raj re lix nimajcual cuanquilal li Dios, eb aꞌan chic li teꞌisi̱k ut teꞌqꞌuehekꞌ saꞌ li kꞌojyi̱n. Ut aran ta̱cua̱nk li ya̱bac ut li cꞌuxuxi̱nc ruch e, chan li Jesús reheb li tenamit.

Isaías 3:11

Abanan eb li incꞌaꞌ useb xnaꞌleb ra teꞌxcꞌul xban nak eb aꞌan teꞌxcꞌul lix kꞌajca̱munquil aꞌ yal chanru lix yehom xba̱nuhomeb.

Proverbios 23:18

Cui te̱ba̱nu aꞌan, us tex-e̱lk riqꞌuin li cꞌaꞌru te̱ba̱nu ut te̱cꞌul li cꞌaꞌru yo̱quex chiroybeninquil.

Salmos 9:17

Chixjunileb li incꞌaꞌ useb xnaꞌleb teꞌtakla̱k saꞌ xbalba xban nak nequeꞌxtzꞌekta̱na li Dios.

Li xHu LAJ JOB 15:31

Li ani tixcꞌojob xchꞌo̱l riqꞌuin li cꞌaꞌru ma̱cꞌaꞌ na-oc cuiꞌ, ma̱cꞌaꞌ ajcuiꞌ na-oc cuiꞌ lix kꞌajca̱munquil li tixcꞌul.

Proverbios 17:20

Li incꞌaꞌ useb xnaꞌleb ma̱ jokꞌe teꞌxtau li us. Ut li ani nacuulac chiru balakꞌic riqꞌuin li cꞌaꞌru naxye naxbok chꞌaꞌajquilal saꞌ xbe̱n.

Proverbios 21:4

Li kꞌetkꞌetil ut li nimobresi̱nc ib, aꞌan ma̱c. Joꞌcan ajcuiꞌ lix cꞌaꞌuxeb li incꞌaꞌ useb xnaꞌleb.

Salmos 37:2

Me̱cakaliheb xban nak eb aꞌan chi se̱b teꞌosokꞌ joꞌ nak nayoqꞌueꞌ li ichaj ut nachakic saꞌ junpa̱t. Teꞌosokꞌ joꞌ nak natzꞌumar li ichaj li toj kꞌun kꞌun.