Proverbios 24:16 - Li Santil hu

¹⁶ Usta ta̱ba̱nu cuukub sut raylal reheb li ti̱queb xchꞌo̱l, abanan eb aꞌan teꞌxcuy ut incꞌaꞌ ta̱chꞌina̱nk xchꞌo̱leb. Abanan eb li incꞌaꞌ useb xnaꞌleb ra teꞌxcꞌul nak teꞌosokꞌ.

Q'eqchi Bible

¹⁶ Us ta wuqub' sut nat'ane'k li tiik xch'ool, ab'an nawakliik wi' chik; a'ut li ink'a' useb' xna'leb', ra toxe'oso'q wi'.

Proverbios 24:16 ပူးပေါင်းရင်းမြစ်များ

Salmos 34:19

Kꞌaxal nabal li raylal nequeꞌxcꞌul li ti̱queb xchꞌo̱l. Abanan li Ka̱cuaꞌ cuan chixtenkꞌanquileb re nak teꞌxcuy xnumsinquil li raylal.

Salmos 37:24

Nak teꞌtꞌanekꞌ li ti̱queb xchꞌo̱l incꞌaꞌ teꞌcana̱k chi tꞌantꞌo xban nak li Ka̱cuaꞌ, aꞌan nacuaclesin reheb.

Li xHu LAJ JOB 5:19

Aꞌan junelic tatxcol chiru li raylal ut incꞌaꞌ tixcanab chi numta̱c saꞌ a̱be̱n li raylal.

1 Ts 5:3

Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb.

Proverbios 14:32

Li ani incꞌaꞌ useb xnaꞌleb, aꞌ ajcuiꞌ lix ma̱usilaleb nasachoc reheb. Ut eb li ti̱c xchꞌo̱leb incꞌaꞌ nequeꞌxxucua ru li ca̱mc xban nak cuan li cꞌaꞌru nequeꞌroybeni.

Proverbios 13:17

Junak aj yehol esil incꞌaꞌ us xnaꞌleb naxqꞌue chꞌaꞌajquilal. Abanan junak aj yehol esil cha̱bil xnaꞌleb naxqꞌue usilal.

Amós 5:2

Xeꞌtꞌaneꞌ laj Israel li ti̱queb xchꞌo̱l nak queꞌcuan xban nak queꞌxlokꞌoni li jalanil dios. Ut incꞌaꞌ chic teꞌcuacli̱k. Saꞌ ajcuiꞌ lix chꞌochꞌeb teꞌcana̱k chi tꞌantꞌo. Ut ma̱ ani chic ta̱cuaclesi̱nk reheb.

Salmos 52:5

Abanan li Dios tixsach a̱cuu chi junaj cua. Tatrisi saꞌ la̱ cuochoch ut tatxcamsi.

1 Samuel 26:10

Ut quixye ajcuiꞌ laj David: —Saꞌ xcꞌabaꞌ li yoꞌyo̱quil Dios la̱in ninye nak li Ka̱cuaꞌ ta̱qꞌuehok re chi ca̱mc. Nak ta̱cuulak xkꞌehil, laj Saúl ta̱ca̱mk. Ma̱re xban yajel malaj ut ta̱camsi̱k saꞌ ple̱t.

Salmos 7:16

Chixjunil li incꞌaꞌ us ut li raylal nequeꞌxcꞌoxla xba̱nunquil re jalan, aꞌaneb ajcuiꞌ li nequeꞌcꞌuluc re.

Ester 7:10

Joꞌcan nak laj Amán quiyatzꞌeꞌ saꞌ li cꞌa̱m li quixqꞌue chi yi̱ba̱c re xyatzꞌbal laj Mardoqueo. Ut nak ac xcam laj Amán, quicube xjoskꞌil li rey.

Hechos 12:23

Ut saꞌ ajcuiꞌ li ho̱nal aꞌan, jun x-ángel li Ka̱cuaꞌ quixqꞌue jun yajel saꞌ xbe̱n laj Herodes xban nak quixqꞌue rib chixlokꞌoniheb li tenamit ut incꞌaꞌ quixqꞌue xlokꞌal li Dios. Quimotzoꞌin ut aꞌan quicamsin re.

Amós 8:14

Eb li nequeꞌxba̱nu xjuramento saꞌ xcꞌabaꞌ li yi̱banbil dios li cuan Samaria, eb aꞌan teꞌosokꞌ. Cuanqueb li teꞌxpatzꞌ xcꞌabaꞌ lix yi̱banbil dios li cuanqueb saꞌ li naꞌajej Dan ut teꞌxpatzꞌ xcꞌabaꞌeb lix dioseb li cuanqueb aran Beerseba. Eb li tenamit aꞌan teꞌsachekꞌ chi junaj cua, chan li Dios.

1 Samuel 31:4

Laj Saúl quixye re li cui̱nk li nacꞌamoc re lix chꞌi̱chꞌ re pletic: —Chap chak la̱ chꞌi̱chꞌ ut tina̱camsi. Incꞌaꞌ nacuaj nak eb laj filisteo tineꞌxseꞌe nak tineꞌxcamsi. Eb li cristian aꞌan incꞌaꞌ nequeꞌxpa̱b li Dios, chan. Abanan li cui̱nk incꞌaꞌ quiraj xban nak ta̱xucuak. Joꞌcan nak laj Saúl quixchap lix chꞌi̱chꞌ ut quixcut rib saꞌ xbe̱n.

Salmos 34:21

Aban li incꞌaꞌ useb xnaꞌleb, aꞌ ajcuiꞌ lix ma̱usilaleb ta̱camsi̱nk reheb. Ut teꞌqꞌuehekꞌ chixtojbal rix lix ma̱queb li xicꞌ nequeꞌiloc reheb li ti̱queb xchꞌo̱l.

Salmos 79:12

At Ka̱cuaꞌ, cuukub sut taxak xqꞌuial li re̱kaj li ta̱qꞌue reheb li tenamit li xicꞌ nequeꞌiloc ke xban nak yo̱queb cha̱hobbal ut incꞌaꞌ nequeꞌxqꞌue a̱lokꞌal.

Proverbios 6:15

Joꞌcan nak ta̱cha̱lk raylal saꞌ xbe̱neb chi ma̱cꞌaꞌ saꞌ xchꞌo̱leb. Ut saꞌ junpa̱t teꞌsachekꞌ ruheb. Incꞌaꞌ chic teꞌcolekꞌ.

Proverbios 24:22

Eb aꞌan teꞌosokꞌ saꞌ junpa̱t. Ma̱ ani nanaꞌoc re chanru li raylal li ta̱qꞌuehekꞌ saꞌ xbe̱neb xban li Ka̱cuaꞌ ut xban li rey.

Jeremías 8:4

At Jeremías, la̱at ta̱ye resil aꞌin reheb li tenamit. Nak junak natꞌaneꞌ, ¿ma incꞌaꞌ ta biꞌ nacuacli cuiꞌchic? Cui junak naxjal xbe, ¿ma incꞌaꞌ ta biꞌ ta̱sukꞌi̱k nak tixqꞌue retal nak ma̱cuaꞌ aꞌan li be li yo̱ cuiꞌ chi xic?

Jeremías 18:17

Chanchan nak nachal li tikcual ikꞌ nak tinjeqꞌuiheb laj Israel nak teꞌe̱lelik chiruheb li xicꞌ nequeꞌiloc reheb. Tintzꞌekta̱naheb ut incꞌaꞌ tintenkꞌaheb nak ta̱cha̱lk li raylal saꞌ xbe̱neb.

Génesis 19:35

Saꞌ li kꞌojyi̱n aꞌan queꞌxcaltesi cuiꞌchic lix yucuaꞌeb. Ut li i̱tzꞌinbej co̱ chi cua̱rc riqꞌuin. Abanan lix yucuaꞌ incꞌaꞌ quixqꞌue retal nak quicuan riqꞌuin lix rabin xban lix calajic.

Números 32:23

Abanan cui incꞌaꞌ te̱ba̱nu li cꞌaꞌru xeyechiꞌi re li Ka̱cuaꞌ, qꞌuehomak retal nak texma̱cobk chiru li Ka̱cuaꞌ. Ut la̱ex te̱cꞌul xtojbal le̱ ma̱c.

Proverbios 13:21

Eb laj ma̱c ta̱cha̱lk raylal saꞌ xbe̱neb. Abanan eb li ti̱queb xchꞌo̱l teꞌkꞌajca̱mu̱k riqꞌuin usilal.

Ezequiel 7:5

Joꞌcaꞌin xye li Ka̱cuaꞌ: —Ta̱cha̱lk jun nimla raylal saꞌ e̱be̱n toj retal tex-osokꞌ. Kꞌaxal ra te̱cꞌul.