Proverbios 23:9 - Li Santil hu

⁹ Li xbele li naꞌleb, aꞌan aꞌin: Incꞌaꞌ te̱qꞌue xnaꞌleb li incꞌaꞌ nequeꞌxtau xya̱lal, xban nak teꞌxseꞌe li cha̱bil naꞌleb li ta̱qꞌuehekꞌ reheb.

Q'eqchi Bible

⁹ Maak'e xchaab'il na'leb' li maak'a' xk'a'uxl, xb'aan naq yal tixse'e laachaab'il aatin xaye.

Proverbios 23:9 ပူးပေါင်းရင်းမြစ်များ

San Mateo 7:6

Me̱qꞌue reheb li tzꞌiꞌ li cꞌaꞌru kꞌaxal lokꞌ xban nak naru nequeꞌchal saꞌ e̱be̱n ut textiu. Chi moco te̱qꞌue li pec li kꞌaxal terto xtzꞌak chiruheb li a̱k re teꞌxyekꞌi.

Proverbios 1:7

Li ani ta̱raj ta̱cua̱nk xnaꞌleb, tento nak tixxucua ru li Ka̱cuaꞌ. Eb li ma̱cꞌaꞌeb xnaꞌleb nequeꞌxtzꞌekta̱na li cha̱bil naꞌleb ut nequeꞌxtzꞌekta̱na ajcuiꞌ lix kꞌusbaleb.

San Juan 10:20

Nabaleb queꞌyehoc re: —Cuan ma̱us aj musikꞌej riqꞌuin. Incꞌaꞌ tuktu xjolom. ¿Cꞌaꞌut nak nequerabi li cꞌaꞌru naxye aꞌan? chanqueb.

Isaías 36:21

Eb laj Judá ma̱ jun a̱tin queꞌxye xban nak li rey Ezequías quixye reheb nak incꞌaꞌ teꞌxsume.

Hechos 17:32

Nak eb li cuanqueb xnaꞌleb queꞌrabi li yo̱ chixyebal chirix lix cuaclijiqueb li camenak chi yoꞌyo, cuan queꞌseꞌen re ut cuan ajcuiꞌ queꞌyehoc re: —Takaj takabi cuiꞌchic li cꞌaꞌru yo̱cat chixyebal saꞌ junak chic cutan, chanqueb.

Hechos 17:18

Cuanqueb cui̱nk aj epicúreo ut eb aj estoico xcꞌabaꞌeb li nequeꞌxcꞌoxla nak kꞌaxal cuan xnaꞌlebeb. Eb aꞌan queꞌoc chixcuechꞌinquil rix li cꞌaꞌru yo̱ chixyebal laj Pablo. Ut yo̱queb chixyebal: —¿Cꞌaꞌru yo̱ chixyebal li cui̱nk aꞌan li junes a̱tinac naxba̱nu?— Ut cuan cuiꞌchic yo̱queb chi yehoc re: —Joꞌ li xchal anchal xyebal resil jalanil dios arin saꞌ katenamit, chanqueb. Queꞌxye chi joꞌcan xban nak laj Pablo yo̱ chixchꞌolobanquil resil li colba-ib saꞌ xcꞌabaꞌ li Jesucristo joꞌ ajcuiꞌ chirix lix cuaclijiqueb cuiꞌchic li camenak chi yoꞌyo.

San Juan 8:52

Eb laj judío queꞌchakꞌoc ut queꞌxye: —Anakcuan nakanau chi tzꞌakal nak cuan ma̱us aj musikꞌej a̱cuiqꞌuin. Laj Abraham quicam ut queꞌcam ajcuiꞌ eb li profeta. Abanan la̱at nacaye nak li ani ta̱ba̱nu̱nk re li cꞌaꞌru nacaye incꞌaꞌ ta̱ca̱mk.

San Lucas 16:14

Nak eb laj fariseo queꞌrabi li quixye li Jesús, queꞌoc chixseꞌenquil xban nak nequeꞌxra lix biomaleb.

San Juan 9:40

Cuanqueb laj fariseo aran ut yo̱queb chirabinquil li quixye li Jesús. Eb aꞌan queꞌxye re li Jesús: —¿Ma mutzꞌo ta biꞌ la̱o nak nacacꞌoxla la̱at? chanqueb.

Proverbios 14:7

Isihomak e̱rib riqꞌuineb li ma̱cꞌaꞌeb xnaꞌleb xban nak riqꞌuineb aꞌan incꞌaꞌ te̱tau li cha̱bil naꞌleb.