Proverbios 23:7 - Li Santil hu

⁷ Eb aꞌan nequeꞌxbok chi cuaꞌac ut nequeꞌxye e̱re “Ocankex, cuaꞌinkex”. Abanan moco ya̱l ta li nequeꞌxye. Incꞌaꞌ nequenau cꞌaꞌru cuan saꞌ xchꞌo̱leb.

Q'eqchi Bible

⁷ xb'aan naq a'an chanchan junaq ismal sa' laakux. Li winq a'an tixye aawe: “Wa'in ut uk'an”, chan, ab'an moko yaal ta li naxye.

Proverbios 23:7 ပူးပေါင်းရင်းမြစ်များ

Salmos 12:2

Nequeꞌxticꞌtiꞌi ribeb ut riqꞌuin cha̱bil a̱tin nequeꞌkꞌunbesin re xbalakꞌinquil li ras ri̱tzꞌin.

Salmos 55:21

Kꞌun li ra̱tin li naxye. Chanchan xkꞌunil li mantequilla. Abanan li ra̱m nujenak chi joskꞌil. Li ra̱tin chanchan li cha̱bil aceite re banoc. Kꞌaxal sa naa̱tinac. Abanan kꞌaxal ra nanak cuiꞌ li ra̱tin naxye. Chanchan nanak cuiꞌ li kꞌesnal chꞌi̱chꞌ.

Jueces 16:15

Ut lix Dalila quixye re laj Sansón: —¿Cꞌaꞌut nak nacaye cue nak niquina̱ra? La̱at moco la̱in ta niquina̱cꞌoxla xban nak ac xina̱balakꞌi oxib sut ut toj ma̱jiꞌ ajcuiꞌ nacaye cue cꞌaꞌut nak kꞌaxal cau a̱cuib, chan.

Proverbios 19:22

Cuan xsahil xchꞌo̱leb li nequeꞌuxta̱nan u. Joꞌcan nak kꞌaxal us li nebaꞌil chiru li balakꞌic.

San Lucas 7:39

Nak quiril aꞌin laj fariseo li quibokoc re li Jesús chi cuaꞌac, quixye saꞌ xchꞌo̱l: Cui ta tzꞌakal profeta li cui̱nk aꞌin tixnau raj chanru lix yuꞌam li ixk aꞌin li yo̱ chi chꞌeꞌoc re li rok. Tixnau raj nak li ixk aꞌin incꞌaꞌ us xnaꞌleb.

Daniel 11:27

Li cuib chi rey teꞌcꞌojla̱k chi cuaꞌac saꞌ jun li me̱x, abanan junes raylal teꞌxcꞌoxla xba̱nunquil chi ribileb rib. Junes ticꞌtiꞌ teꞌxye chi ribileb rib. Ut ma̱ jun reheb ta̱ru̱k tixba̱nu li cꞌaꞌru tixcꞌoxla xba̱nunquil xban nak toj ma̱jiꞌ nacuulac xkꞌehil.

Proverbios 26:24

Li ani xicꞌ na-iloc incꞌaꞌ nacꞌutun chiru lix joskꞌil nak yo̱ chi a̱tinac. Abanan saꞌ lix cꞌaꞌux yo̱ chixcꞌoxlanquil chanru tixba̱nu li incꞌaꞌ us.

Proverbios 26:25

Nak tatra̱tina riqꞌuin kꞌunil a̱tin ma̱pa̱b re, xban nak lix cꞌaꞌux nujenak chi ma̱usilal.

Proverbios 26:23

Ma̱cꞌaꞌ na-oc cuiꞌ xqꞌuebal li plata chirix junak chꞌochꞌ ucꞌal. Chanchan aꞌan li kꞌunil a̱tin li nequeꞌxye li incꞌaꞌ useb xnaꞌleb. Ma̱cꞌaꞌ na-oc cuiꞌ.