Proverbios 23:4 - Li Santil hu

⁴ Li xcuuk li naꞌleb, aꞌan aꞌin: Me̱tacuasi e̱rib chixsicꞌbal le̱ biomal chi moco chi xic e̱chꞌo̱l chirix li cꞌaꞌru cuan e̱re.

Q'eqchi Bible

⁴ Maatawasi aawib' chirix li b'ihomal, maakamsi aawib' chi xk'oxlankil a'an,

Proverbios 23:4 ပူးပေါင်းရင်းမြစ်များ

Hebreos 13:5

Me̱ra ru li tumin. Checꞌojobak ban e̱chꞌo̱l riqꞌuin li joꞌ qꞌuial cuan e̱re xban nak li Dios quixye: Junelic tatintenkꞌa, ut ma̱ jokꞌe tatincanab a̱junes. (Deut. 31:6)

Proverbios 28:20

Li ani nacuan saꞌ ti̱quilal ta̱osobtesi̱k xban li Dios. Abanan li ani ta̱raj ru xtaubal xbiomal incꞌaꞌ ta̱cana̱k chi incꞌaꞌ tixtoj rix lix ma̱c.

San Mateo 6:19

Me̱qꞌue e̱chꞌo̱l chixcꞌu̱lanquil e̱biomal saꞌ ruchichꞌochꞌ bar cuiꞌ namaxen ut nakꞌolen ru ut bar cuiꞌ nequeꞌoc laj e̱lkꞌ chi elkꞌac.

Proverbios 3:5

Cauhak e̱chꞌo̱l riqꞌuin li Ka̱cuaꞌ. Me̱cꞌojob e̱chꞌo̱l e̱junes e̱rib yal xban nak cuan e̱naꞌleb.

San Juan 6:27

Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.

Romanos 12:16

Junajak e̱chꞌo̱l chi ribil e̱rib. Me̱nimobresi e̱rib chiruheb le̱ ras e̱ri̱tzꞌin, ut me̱cꞌoxla nak numtajenak e̱naꞌleb.

Proverbios 15:27

Li ani naxrahi ru chixjunil naxqꞌue saꞌ raylal lix jun cablal. Abanan li ani incꞌaꞌ naxcꞌu̱luban nak ta̱tumina̱k ru, aꞌan sa ta̱cua̱nk.

Proverbios 26:12

Toj naru xqꞌuebal xnaꞌlebeb li incꞌaꞌ nequeꞌxtau xya̱lal chiruheb li nequeꞌxye nak cuanqueb xnaꞌleb. ¿Ma incꞌaꞌ ta biꞌ nequeqꞌue retal aꞌan?

Isaías 5:21

Raylal ta̱cha̱lk saꞌ e̱be̱n la̱ex li nequeye nak cuan e̱naꞌleb e̱junes e̱rib ut la̱ex li se̱b e̱chꞌo̱l nak nequecꞌoxla e̱rib.

Proverbios 3:7

Me̱cꞌoxla nak kꞌaxal cuan e̱naꞌleb e̱junes e̱rib. Chexucua̱k ban ru li Ka̱cuaꞌ ut canabomak xba̱nunquil li incꞌaꞌ us.

Romanos 11:25

Ex herma̱n, nacuaj nak te̱nau jun li naꞌleb mukmu nak quicuan, li quicꞌutbesi̱c chak xya̱lal chicuu. Cui te̱nau aꞌin incꞌaꞌ te̱nimobresi e̱rib riqꞌuin xcꞌoxlanquil nak cuan e̱naꞌleb. Eb laj judío li incꞌaꞌ queꞌpa̱ban queꞌcacuubresi̱c lix chꞌo̱leb. Abanan eb aꞌan teꞌpa̱ba̱nk ajcuiꞌ nak talajeꞌpa̱ba̱nk lix qꞌuialeb li ma̱cuaꞌeb aj judío.

San Marcos 4:19

Abanan caꞌaj cuiꞌ li cꞌaꞌak re ru cuan saꞌ ruchichꞌochꞌ nequeꞌxcꞌoxla, joꞌ li biomal ut xra̱bal ru li cꞌaꞌak chic re ru. Ut aꞌan li naramoc lix ya̱lal chiruheb. Ma̱cꞌaꞌ na-oc cuiꞌ li ra̱tin li Dios reheb.

Li xHu LAJ JOB 27:19

Sahak saꞌ xchꞌo̱leb nak teꞌyocla̱k chi cua̱rc usta caꞌaj chic li kꞌojyi̱n aꞌan teꞌcua̱rk aran. Nak teꞌajk ru, ma̱cꞌaꞌ chic cua̱nk reheb.

Proverbios 27:24

xban nak li biomal ut li cuanquilal moco nacuan ta chi junelic. Na-osoꞌ ban.

Eclesiastés 5:13

Cuan jun chic li chꞌaꞌajquilal ninqꞌue retal arin saꞌ ruchichꞌochꞌ kꞌaxal ra rilbal. Aꞌan li xxocbal nabal li biomal yal re nak tixcꞌul chꞌaꞌajquilal mokon.

Jeremías 9:22

Eb li camenak tꞌantꞌo̱queb yalak bar. Chanchaneb li cꞌot saꞌ li cꞌaleba̱l. Chanchan li ru trigo li natꞌaneꞌ chirixeb li yo̱queb chi sicꞌoc re ut ma̱ ani ta̱xocok re”, chan.