Proverbios 23:10 - Li Santil hu

¹⁰ Li xlaje li naꞌleb, aꞌan aꞌin: Incꞌaꞌ te̱jal xnaꞌaj li nuba̱l li ac qꞌuebil najter, chi moco te̱chap xchꞌochꞌeb li ma̱cꞌaꞌeb xnaꞌ xyucuaꞌ,

Q'eqchi Bible

¹⁰ Maajal xna'aj eb' li mayer nub'ajl, chi moko taamaq' xch'och'eb' li neb'a'yox,

Proverbios 23:10 ပူးပေါင်းရင်းမြစ်များ

Proverbios 22:28

Li xca̱ li naꞌleb, aꞌan aꞌin: Me̱jal xnaꞌaj li nuba̱l li ac qꞌuebil xbaneb le̱ xeꞌto̱nil yucuaꞌ.

Zacarías 7:10

Me̱rahobtesiheb li xma̱lcaꞌan chi moco li ma̱cꞌaꞌ xnaꞌ xyucuaꞌ. Me̱ba̱nu raylal re li jalaneb xtenamit chi moco reheb li nebaꞌ. Chi moco te̱cꞌoxla xba̱nunquil raylal reheb le̱ ras e̱ri̱tzꞌin, chan li Dios.

Deuteronomio 27:17

Tzꞌekta̱nanbil li ani tixjal xnuba̱l lix chꞌochꞌ li rech cabal. Ut chixjunileb li tenamit teꞌxye: Joꞌcan taxak.

Santiago 1:27

Aban chiru li Acuabej Dios, li napa̱ban chi tzꞌakal ut ma̱cꞌaꞌ xpaltil, aꞌan li natenkꞌan reheb li nebaꞌ ut li xma̱lcaꞌan saꞌ lix raylaleb. Ut incꞌaꞌ naxba̱nu li ma̱usilal li nequeꞌxba̱nu li toj ma̱jiꞌ nequeꞌpa̱ban.

Jeremías 22:3

La̱in li Ka̱cuaꞌ yo̱quin chi a̱tinac a̱cuiqꞌuin. Cheba̱nuhak li us ut texcua̱nk saꞌ ti̱quilal. Checoleb li rahobtesinbileb chiruheb li nequeꞌrahobtesin reheb. Me̱balakꞌiheb ut me̱relkꞌa cꞌaꞌru reheb li jalaneb xtenamit. Ut me̱ba̱nu raylal reheb li ma̱cꞌaꞌeb xnaꞌ xyucuaꞌ, chi moco reheb li xma̱lcaꞌan. Me̱camsiheb saꞌ li naꞌajej aꞌin li ma̱cꞌaꞌeb xma̱c.

Deuteronomio 19:14

Ut incꞌaꞌ naru te̱jal li nuba̱l re lix chꞌochꞌ le̱ ras e̱ri̱tzꞌin li quixakaba̱c junxil saꞌ li naꞌajej li tixqꞌue e̱re li Ka̱cuaꞌ le̱ Dios re texcua̱nk cuiꞌ.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Jeremías 7:5

Jalomak le̱ cꞌaꞌux ut canabomak xba̱nunquil li incꞌaꞌ us, ut cua̱nkex saꞌ ti̱quilal riqꞌuineb le̱ ras e̱ri̱tzꞌin.

Salmos 94:6

Nequeꞌxcamsiheb li xma̱lcaꞌan ut eb li ma̱ ani cuan reheb. Ut nequeꞌxcamsiheb ajcuiꞌ li jalaneb xtenamiteb li cuanqueb saꞌ kanaꞌaj.

Li xHu LAJ JOB 22:9

Eb li xma̱lcaꞌan incꞌaꞌ nacaqꞌueheb cꞌaꞌru reheb. Ut eb li ma̱cꞌaꞌeb xnaꞌ xyucuaꞌ nacarahobtesiheb.

Li xHu LAJ JOB 6:27

La̱ex te̱raj xba̱nunquil cue joꞌ nequeꞌxba̱nu reheb li ma̱cꞌaꞌ xnaꞌ xyucuaꞌ. Te̱raj inbalakꞌinquil joꞌ nak nequeꞌxbalakꞌiheb li rami̱g.

Li xHu LAJ JOB 24:9

Eb li incꞌaꞌ useb xnaꞌleb nequeꞌxmakꞌ lix cꞌulaꞌaleb li xma̱lcaꞌan ut nequeꞌxcꞌam chi prenda xban nak cuan xcꞌaseb.

Éxodo 22:22

Me̱rahobtesiheb li xma̱lcaꞌan chi moco li ma̱cꞌaꞌ xnaꞌ xyucuaꞌeb.

Proverbios 15:25

Li Ka̱cuaꞌ naxsach ru lix jun cablaleb li nequeꞌxkꞌetkꞌeti ribeb. Ut naxcol rix li cꞌaꞌru cuan reheb li xma̱lcaꞌan.

Jeremías 7:6

Incꞌaꞌ te̱rahobtesi li jalan xtenamiteb, chi moco li ma̱cꞌaꞌ xnaꞌ xyucuaꞌeb ut li xma̱lcaꞌan, chi moco te̱qꞌue chi camsi̱c li ma̱cꞌaꞌ xma̱queb ut incꞌaꞌ te̱bok raylal saꞌ e̱be̱n riqꞌuin nak nequelokꞌoni li yi̱banbil dios.