Proverbios 22:7 - Li Santil hu

⁷ Eb li biom nequeꞌnumta saꞌ xbe̱neb li nebaꞌ. Ut li ani natoꞌonin riqꞌuin li cuan xtumin, chanchan chic xmo̱s nacana cuiꞌ.

Q'eqchi Bible

⁷ Li b'ihom nanumtaak sa' xb'een li neb'a'; ut li wank xto' tumin nakanaak cho'q xmoos li nak'ehok tumin chi to'.

Proverbios 22:7 ပူးပေါင်းရင်းမြစ်များ

2 Reyes 4:1

Cuan jun li ixk quicam xbe̱lom. Lix be̱lom, aꞌan profeta nak quicuan. Li ixk quicuulac riqꞌuin li profeta Eliseo ut quixye re: —Ka̱cuaꞌ, lin be̱lom quicam. La̱at nacanau nak aꞌan quixxucua ru li Dios. Abanan cuan xcꞌas. Ut li cui̱nk li cuan cuiꞌ lix cꞌas yo̱ chixpatzꞌbal li kacꞌas. Aꞌan ta̱raj xcꞌambaleb lin yum cuib chokꞌ xmo̱s chokꞌ re̱kaj li kacꞌas, chan.

Proverbios 22:16

Ta̱cuulak xkꞌehil nak ta̱nebaꞌokꞌ li ani nabiomoꞌ xban xrahobtesinquil li nebaꞌ. Ut li ani naxqꞌue xtumin re li biom ta̱cana̱k saꞌ nebaꞌil.

Proverbios 18:23

Li nebaꞌ naa̱tinac riqꞌuin kꞌunil a̱tin re nak ta̱ilekꞌ xtokꞌoba̱l ru. Abanan li biom saꞌ kꞌetkꞌetil nachakꞌoc.

Santiago 2:6

La̱ex nequetzꞌekta̱naheb li nebaꞌ ut nequeqꞌue xlokꞌaleb li biom. ¿Ma incꞌaꞌ ta biꞌ nequeqꞌue retal nak li biom, aꞌaneb li nequeꞌrahobtesin e̱re? Ut, ¿ma ma̱cuaꞌeb ta biꞌ li biom li nequeꞌcꞌamoc e̱re saꞌ rakleb a̱tin?

San Mateo 18:25

Ut xban nak ma̱cꞌaꞌ cꞌaꞌru cuan re li cui̱nk aꞌan re tixtoj cuiꞌ lix cꞌas, joꞌcan nak li rey quixtakla xcꞌayinquil aꞌan rech xxiquic li rixakil, ut li ralal xcꞌajol ut chixjunil li cꞌaꞌru cuan re, re xtojbal lix cꞌas.

Proverbios 22:22

Li xbe̱n naꞌleb, aꞌan aꞌin: Me̱relkꞌa li cꞌaꞌru reheb li nebaꞌ yal xban nak nebaꞌeb. Chi moco te̱rahobtesiheb nak yo̱k chi rakecꞌ a̱tin saꞌ xbe̱neb yal xban nak incꞌaꞌ naru teꞌxcol ribeb.

Proverbios 14:31

Li ani naxba̱nu raylal re li nebaꞌ, xicꞌ naril li Dios li quiyi̱ban re. Abanan li ani natokꞌoban ru li nebaꞌ, aꞌan naxqꞌue xlokꞌal li Dios.

Santiago 5:1

Aꞌut anakcuan, ex biom, cherabihak li oc cue chixyebal. Chiyotꞌekꞌ e̱chꞌo̱l ut chexya̱bak xban li raylal cha̱lc re saꞌ e̱be̱n.

Amós 8:6

Teꞌcana̱k chokꞌ kalokꞌbil mo̱s li nebaꞌ xban nak incꞌaꞌ naru teꞌxtoj lix cꞌaseb usta yal jun sumal chi xa̱b li teꞌxcꞌas kiqꞌuin. Ut takacꞌayi ajcuiꞌ lix yibal ru li trigo chi terto xtzꞌak, chanquex.

Amós 8:4

Abihomak li oc cue xyebal e̱re la̱ex li nequexrahobtesin reheb li ma̱cꞌaꞌ cuan reheb, la̱ex li nequexsachoc reheb li nebaꞌ li cuanqueb saꞌ le̱ tenamit.

Amós 4:1

Abihomak ex ixk aj Samaria. Chanchanex li cuacax aran Basán, li ni̱nkeb ut chꞌolaninbil chi us. La̱ex nequerahobtesi li ma̱cꞌaꞌeb xcuanquil ut eb li nebaꞌ. Ut nequetaklaheb le̱ be̱lom chixcꞌambal e̱vino re te̱rucꞌ.

Isaías 24:2

Juntakꞌe̱t li raylal teꞌxcꞌul chixjunileb. Juntakꞌe̱t li raylal teꞌxcꞌul laj tij riqꞌuin li teꞌxcꞌul li tenamit. Juntakꞌe̱t li raylal teꞌxcꞌul li mo̱s riqꞌuin li teꞌxcꞌul lix patrón. Juntakꞌe̱t li raylal li teꞌxcꞌul li nequeꞌcꞌayin riqꞌuin li teꞌxcꞌul li nequeꞌlokꞌoc. Ut juntakꞌe̱t li raylal li teꞌxcꞌul li nequeꞌqꞌuehoc toꞌ tumin riqꞌuineb li nequeꞌcꞌuluc tumin chi toꞌ. Ut juntakꞌe̱t li raylal li teꞌxcꞌul li nebaꞌ riqꞌuin li teꞌxcꞌul li biom.

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

Amós 2:6

Ut quixye cuiꞌchic li Ka̱cuaꞌ: —Nabal sut ac xincuy xma̱queb laj Israel. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Eb li ti̱queb xchꞌo̱l nequeꞌqꞌueheꞌ chokꞌ rahobtesinbil mo̱s nak incꞌaꞌ nequeꞌru xtojbal lix cꞌaseb. Ut eb li nebaꞌ, usta yal jun sumal chi xa̱b nequeꞌxcꞌas ut incꞌaꞌ nequeꞌru xtojbal, nequeꞌcanaba̱c chokꞌ lokꞌbil mo̱s.