Proverbios 22:5 - Li Santil hu

⁵ Junes raylal nequeꞌxcꞌul li incꞌaꞌ useb xnaꞌleb. Abanan li nequeꞌxba̱nu cue̱nt riqꞌuin lix yuꞌameb incꞌaꞌ nequeꞌxcꞌul chi joꞌcan.

Q'eqchi Bible

⁵ Li ink'a' us xna'leb' naxtaw k'ix ut ra'al sa' li xb'e; ab'an li naxkol li xyu'am ink'a' naxk'ul chi jo'kan.

Proverbios 22:5 ပူးပေါင်းရင်းမြစ်များ

Proverbios 15:19

Chixjunil chꞌaꞌaj xba̱nunquil chiru li ani incꞌaꞌ nacuulac chiru cꞌanjelac. Abanan chiru li ani nacuulac chiru cꞌanjelac, ma̱cꞌaꞌ chꞌaꞌaj xba̱nunquil.

1 Juan 5:18

Nakanau nak li ani napa̱ban re li Dios incꞌaꞌ chic yo̱k chi ma̱cobc xban nak li Ralal li Dios na-iloc re. Ut laj tza ma̱cꞌaꞌ chic xcuanquil saꞌ xbe̱n laj pa̱banel.

Proverbios 16:17

Li cꞌaꞌru nequeꞌxba̱nu li ti̱queb xchꞌo̱l, aꞌan xcanabanquil li ma̱usilal. Ut nequeꞌxqꞌue retal chi us li cꞌaꞌru nequeꞌxba̱nu re nak teꞌxcol rix lix yuꞌameb.

Proverbios 19:16

Li ani naxba̱nu li naxye saꞌ lix chakꞌrab li Dios, aꞌan naxcol rix lix yuꞌam. Ut li ani naxtzꞌekta̱na lix chakꞌrab li Dios, aꞌan ta̱ca̱mk.

Proverbios 13:15

Li ani naxnau cꞌoxlac ta̱qꞌuehekꞌ xlokꞌal. Ut eb li nequeꞌxba̱nu li ma̱usilal incꞌaꞌ us nequeꞌel.

Li xHu LAJ JOB 18:8

Li bar ta̱numekꞌ cuiꞌ, aran ta̱qꞌuehekꞌ junak li raꞌal. Ut saꞌ li raꞌal aꞌan ta̱tꞌanekꞌ.

Proverbios 13:3

Li ani naxba̱nu cue̱nt riqꞌuin li a̱tinac yo̱ chixcolbal rix lix yuꞌam. Ut li ani nacuulac chiru a̱tinac xjunes naxsach rib.

Salmos 91:1

Li ani cuan rubel xcuanquil li nimajcual Dios, ma̱cꞌaꞌ tixcꞌoxla xban nak aꞌan ta̱ilok re.

Salmos 11:6

Li Dios tixtakla nabal li raylal saꞌ xbe̱neb li incꞌaꞌ useb xnaꞌleb. Cꞌatbilakeb riqꞌuin xam ut azufre nak teꞌosokꞌ.

Josué 23:13

chenauhak nak li Ka̱cuaꞌ le̱ Dios incꞌaꞌ chic textenkꞌa chi numta̱c saꞌ xbe̱neb li tenamit nak yo̱kex chi pletic riqꞌuineb. Aꞌaneb ban chic teꞌnumta̱k saꞌ e̱be̱n. Teꞌcꞌanjelak joꞌ raꞌal chokꞌ e̱re, re nak textꞌanekꞌ saꞌ rukꞌeb. Chanchan yo̱keb chixqꞌuebal e̱tzꞌu̱m xban nak teꞌxba̱nu raylal e̱re. Chanchanakeb li qꞌuix li ta̱oc saꞌ xnakꞌ e̱ru. Cui te̱ba̱nu li incꞌaꞌ us, eb aꞌan teꞌnumta̱k saꞌ e̱be̱n ut ma̱ jun e̱re ta̱cana̱k saꞌ li cha̱bil naꞌajej aꞌin li xqꞌue e̱re li Ka̱cuaꞌ le̱ Dios.

Proverbios 22:4

Li ani naxcubsi rib ut naxxucua ru li Ka̱cuaꞌ, aꞌan tixcꞌul chokꞌ xkꞌajca̱munquil lix yuꞌam, lix biomal ut lix lokꞌal.

Proverbios 29:6

Li ma̱c li nequeꞌxba̱nu li incꞌaꞌ useb xnaꞌleb, aꞌan ajcuiꞌ li nasachoc reheb. Abanan li ti̱queb xchꞌo̱l junelic nequeꞌbichan xban xsahileb xchꞌo̱l.

Proverbios 4:19

Abanan eb li incꞌaꞌ useb xnaꞌleb cuanqueb saꞌ xkꞌojyi̱nal ru li ma̱c xban li ma̱usilal nequeꞌxba̱nu. Moco teꞌxnau ta cꞌaꞌru ta̱cha̱lk saꞌ xbe̱neb.