Proverbios 22:4 - Li Santil hu

⁴ Li ani naxcubsi rib ut naxxucua ru li Ka̱cuaꞌ, aꞌan tixcꞌul chokꞌ xkꞌajca̱munquil lix yuꞌam, lix biomal ut lix lokꞌal.

Q'eqchi Bible

⁴ Li naxkub'si rib' ut naroxloq'i li Qaawa' naq'ajkamuuk rik'in b'ihomal, loq'al ut yu'am.

Proverbios 22:4 ပူးပေါင်းရင်းမြစ်များ

San Mateo 6:33

Li cꞌaꞌru li te̱sicꞌ xbe̱n cua, aꞌan lix nimajcual cuanquilal li Dios ut lix ti̱quilal, ut chixjunil li cꞌaꞌak re ru aꞌin talajqꞌuehekꞌ e̱re chokꞌ xtzꞌakob.

Santiago 4:10

Checubsihak e̱rib chiru li Dios ut aꞌan tixqꞌue e̱cuanquil.

Proverbios 21:21

Li ani naraj cua̱nc saꞌ ti̱quilal ut saꞌ cha̱bilal naxtau lix yuꞌam ut lix lokꞌal.

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.

Proverbios 3:16

Cui cuan e̱naꞌleb najtak ru le̱ yuꞌam saꞌ ruchichꞌochꞌ. Ut naru ajcuiꞌ nacuan le̱ biomal ut le̱ lokꞌal.

Santiago 4:6

Li Dios kꞌaxal numtajenak cuiꞌchic li rusilal naxqꞌue ke. Li Santil Hu naxye nak li Dios incꞌaꞌ nacuulac chiru li nequeꞌxnimobresi rib. Abanan li Dios naxqꞌue li rusilal reheb li tu̱laneb. (Prov. 3:34)

Isaías 33:6

Junelic naxcoleb lix tenamit ut naxqꞌueheb xnaꞌleb. Naxtenkꞌaheb chixtaubal ru lix ya̱lal. Li xxucuanquil ru li Ka̱cuaꞌ, aꞌan li kꞌaxal lokꞌ chiruheb.

1 Timoteo 4:8

Nayeman nak us nak takatzol kib chixchꞌolaninquil kib re nak cauhako. Abanan li kꞌaxal cuiꞌchic lokꞌ aꞌan xtzolbal kib re nak cauhak kachꞌo̱l saꞌ li kapa̱ba̱l xban nak riqꞌuin li kapa̱ba̱l cuan li rusilal li Dios kiqꞌuin anakcuan arin saꞌ ruchichꞌochꞌ ut cua̱nk ajcuiꞌ li kayuꞌam chi junelic.

Proverbios 21:20

Li ani cuan xnaꞌleb cuan xbiomal saꞌ li rochoch ut cuan ajcuiꞌ li sununquil ban. Abanan, li ma̱cꞌaꞌ xnaꞌleb yal naxsach lix tumin chi ma̱cꞌaꞌ rajbal.

Proverbios 22:3

Eb li cuanqueb xnaꞌleb nequeꞌxqꞌue retal li ma̱usilal ut nequeꞌxcol ribeb chiru. Abanan eb li ma̱cꞌaꞌeb xnaꞌleb nequeꞌxcꞌul li raylal nachal saꞌ xbe̱neb xban nak incꞌaꞌ nequeꞌxnau xqꞌuebal retal.

Proverbios 22:5

Junes raylal nequeꞌxcꞌul li incꞌaꞌ useb xnaꞌleb. Abanan li nequeꞌxba̱nu cue̱nt riqꞌuin lix yuꞌameb incꞌaꞌ nequeꞌxcꞌul chi joꞌcan.

Proverbios 29:23

Li ani naxnimobresi rib nacubsi̱c xcuanquil xban xkꞌetkꞌetil. Abanan li naxcubsi rib naqꞌueheꞌ xlokꞌal.

Proverbios 31:30

Eb li ixk li nequeꞌa̱tinac saꞌ kꞌunil a̱tin naru nequeꞌbalakꞌi̱nc ut lix chꞌinaꞌusaleb na-osoꞌ. Abanan li ixk li naxxucua ru li Dios xcꞌulub nak ta̱qꞌuehekꞌ xlokꞌal.

Daniel 4:36

Ut nak quincꞌul cuiꞌchic lin naꞌleb, quincꞌul ajcuiꞌ lin lokꞌal ut lin cuanquil. Eb laj cꞌanjel chicuu quineꞌxsicꞌ ut quineꞌxsicꞌ ajcuiꞌ eb laj qꞌuehol naꞌleb. Ut quinqꞌueheꞌ cuiꞌchic chi takla̱nc saꞌ xbe̱neb li tenamit ut kꞌaxal nim cuiꞌchic lin cuanquil quiqꞌueheꞌ cue chiru junxil.

Proverbios 19:23

Li ani naxxucua ru li Ka̱cuaꞌ cuan xyuꞌam. Junelic sa saꞌ xchꞌo̱l ut incꞌaꞌ nachal li chꞌaꞌajquilal saꞌ xbe̱n.