Proverbios 22:29 - Li Santil hu

²⁹ Li roꞌ li naꞌleb, aꞌan aꞌin: Li ani naxnau cꞌanjelac chi cha̱bil, aꞌan ta̱cꞌanjelak riqꞌuineb li rey. Moco riqꞌuin ta yalak ani ta̱trabajik.

Q'eqchi Bible

²⁹ Li naxk'e xch'ool sa' li xk'anjel, taak'anjelaq chiruheb' awab'ej ut ink'a' chiruheb' yalaq aniheb'.

Proverbios 22:29 ပူးပေါင်းရင်းမြစ်များ

1 Reyes 11:28

Li rey Salomón quixqꞌue retal nak laj Jeroboam, aꞌan jun sa̱j cui̱nk cuan xnaꞌleb ut cau natrabajic. Joꞌcan nak quixxakab laj Jeroboam chi takla̱nc saꞌ xbe̱neb li mo̱s li yo̱queb chi cꞌanjelac saꞌ xya̱nkeb li ralal xcꞌajol laj José.

San Mateo 25:21

Ut lix patrón quixye re: “Kꞌaxal us xaba̱nu. La̱at cha̱bilat ut tzꞌakalat aj cꞌanjel. Saꞌ xbe̱n li caꞌchꞌin xinkꞌaxtesi a̱cue, cha̱bil xat-el. Anakcuan tinkꞌaxtesi chic nabal a̱cue. Chisahokꞌ saꞌ la̱ chꞌo̱l xban nak tattzꞌako̱nk ajcuiꞌ riqꞌuin li sahil chꞌo̱lejil li cuan cuiqꞌuin la̱in,” chan.

Proverbios 12:24

Li ani nacuulac chiru trabajic, aꞌan chic ta̱takla̱nk. Abanan li ani incꞌaꞌ nacuulac chiru trabajic, aꞌan ta̱cana̱k rubel xcuanquil li ani nataklan.

Proverbios 10:4

Li ani cau nacꞌanjelac cuan xbiomal. Ut li ani incꞌaꞌ nacꞌanjelac junelic nebaꞌ.

San Mateo 25:23

Ut lix patrón quixye re: “Us xaba̱nu. Cha̱bilat aj cꞌanjel. Riqꞌuin li caꞌchꞌin xinqꞌue a̱cue, us xat-el. Anakcuan tinkꞌaxtesi a̱cue nabal chic. Chisahokꞌ saꞌ la̱ chꞌo̱l xban nak tattzꞌako̱nk ajcuiꞌ riqꞌuin li sahil chꞌo̱lejil li cuan cuiqꞌuin la̱in,” chan.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

Génesis 41:46

Nak quirakeꞌ chi a̱tinac laj faraón, laj José qui-el chixsutinquil li tenamit Egipto re nak tixnau ru chixjunileb li tenamit. Laje̱b xcaꞌcꞌa̱l chihab (30) cuan re laj José nak qui-oc chi cꞌanjelac chiru laj faraón.

Romanos 12:11

Qꞌuehomak e̱chꞌo̱l chi cꞌanjelac chiru li Ka̱cuaꞌ. Mexcꞌanjelac chi yal minbil e̱ru. Chexcꞌanjelak ban chiru li Ka̱cuaꞌ chi anchal e̱chꞌo̱l.

1 Reyes 10:8

Us xak reheb chixjunileb li cuanqueb a̱cuiqꞌuin. Us xak reheb li nequeꞌcꞌanjelac cha̱cuu xban nak junelic yo̱queb chirabinquil li cha̱bil naꞌleb a̱cuiqꞌuin.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

Génesis 47:6

Chixjunil li tenamit Egipto cuan rubel a̱takl. Canabeb chi cua̱nc saꞌ li naꞌajej Gosén xban nak li chꞌochꞌ aꞌan cha̱bil. Ut cui cuanqueb saꞌ e̱ya̱nk li nequeꞌxba̱nu chi us li cꞌanjel, ta̱kꞌaxtesiheb inqueto̱mk reheb re nak eb aꞌan teꞌilok re, chan laj faraón.

1 Samuel 16:21

Ut laj David co̱ riqꞌuin laj Saúl ut quicana chi cꞌanjelac chiru. Laj Saúl quixra laj David ut quixye nak aꞌan li ta̱cꞌamok re lix chꞌi̱chꞌ re pletic.

Proverbios 23:1

Li xcuak li naꞌleb, aꞌan aꞌin: Nak tatbokekꞌ chi cuaꞌac riqꞌuin junak cui̱nk nim xcuanquil, ta̱cꞌoxla chi us ani aj iqꞌuin yo̱cat chi cuaꞌac.

Génesis 41:38

Laj faraón quixye reheb li nequeꞌcꞌanjelac chiru: —Ma̱ bar takatau junak cui̱nk joꞌ li jun aꞌin. Li cui̱nk aꞌin cuan lix musikꞌ li Ka̱cuaꞌ Dios riqꞌuin, chan laj faraón reheb.

1 Samuel 17:31

Cuanqueb li queꞌabin re li quixye laj David. Coxeꞌxye resil re laj Saúl. Ut laj Saúl quixtakla xbokbal laj David.

2 Samuel 2:32

Laj Joab queꞌxxoc li camenak Asael ut queꞌxmuk aran Belén saꞌ li naꞌajej li quimukeꞌ cuiꞌ lix yucuaꞌ. Chirix chic aꞌan queꞌbe̱c chiru li kꞌojyi̱n. Yo̱ chi sake̱uc nak queꞌcuulac Hebrón.

1 Crónicas 4:23

Eb aꞌan aj pacꞌonel ut queꞌcuan saꞌ eb li tenamit Netaim ut Gedera. Queꞌcꞌanjelac chiru li rey.

Daniel 1:4

Eb li chꞌajom aꞌan tento nak cꞌajoꞌak xchakꞌaleb ru ut cua̱nkeb xnaꞌleb, tzolbilakeb ut se̱bak xchꞌo̱leb, ut tzꞌakalak re ruheb re nak ta̱ru̱k teꞌcꞌanjelak saꞌ li palacio. Ut laj Aspenaz tixcꞌut chiruheb li a̱tinac ut li tzꞌi̱bac saꞌ li ra̱tinoba̱leb laj Babilonia.

Daniel 1:19

Ut li rey quia̱tinac riqꞌuineb. Ut quisahoꞌ xchꞌo̱l riqꞌuineb laj Daniel, laj Ananías, laj Misael ut laj Azarías ut ma̱ jun chic quixtau joꞌ eb li ca̱hib aꞌan. Joꞌcan nak queꞌcana saꞌ li palacio chi cꞌanjelac chiru.