Proverbios 22:22 - Li Santil hu

²² Li xbe̱n naꞌleb, aꞌan aꞌin: Me̱relkꞌa li cꞌaꞌru reheb li nebaꞌ yal xban nak nebaꞌeb. Chi moco te̱rahobtesiheb nak yo̱k chi rakecꞌ a̱tin saꞌ xbe̱neb yal xban nak incꞌaꞌ naru teꞌxcol ribeb.

Q'eqchi Bible

²² Maawelq'a li k'aru re li neb'a' yal xb'aan naq neb'a', chi moko chateneb' maak sa' xb'een li toq'ob'aal ru, sa' li raqleb'aal aatin.

Proverbios 22:22 ပူးပေါင်းရင်းမြစ်များ

Zacarías 7:10

Me̱rahobtesiheb li xma̱lcaꞌan chi moco li ma̱cꞌaꞌ xnaꞌ xyucuaꞌ. Me̱ba̱nu raylal re li jalaneb xtenamit chi moco reheb li nebaꞌ. Chi moco te̱cꞌoxla xba̱nunquil raylal reheb le̱ ras e̱ri̱tzꞌin, chan li Dios.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Proverbios 22:16

Ta̱cuulak xkꞌehil nak ta̱nebaꞌokꞌ li ani nabiomoꞌ xban xrahobtesinquil li nebaꞌ. Ut li ani naxqꞌue xtumin re li biom ta̱cana̱k saꞌ nebaꞌil.

Éxodo 23:6

Chetenkꞌaheb li nebaꞌ re nak us teꞌe̱lk nak ta̱rakekꞌ a̱tin saꞌ xbe̱neb, ut me̱canab xjuneseb.

Li xHu LAJ JOB 31:21

Ma̱ jun sut xinba̱nu raylal reheb li ma̱cꞌaꞌeb xnaꞌ xyucuaꞌ, usta ninnau nak naru nincol cuib chiruheb laj rakol a̱tin.

Li xHu LAJ JOB 31:16

La̱in incꞌaꞌ xincanab xtenkꞌanquil li nebaꞌ li tenkꞌa̱c teꞌraj. Ut incꞌaꞌ xincanabeb li xma̱lcaꞌan chi ma̱cꞌaꞌeb xcua.

Ezequiel 22:29

Eb li tenamit junes rahobtesi̱nc nequeꞌxcꞌoxla xba̱nunquil. Ut aj e̱lkꞌeb. Nequeꞌxba̱nu raylal reheb li nebaꞌ ut reheb li tenkꞌa̱c teꞌraj. Nequeꞌxrahobtesiheb ajcuiꞌ li jalan xtenamiteb li incꞌaꞌ xcꞌulubeb rahobtesi̱c.

Levítico 25:17

Me̱balakꞌi e̱rib chi ribil e̱rib. Chexucua ban cuu la̱in li Ka̱cuaꞌ le̱ Dios.

Deuteronomio 23:16

Te̱canab chi cua̱nc e̱riqꞌuin saꞌ li tenamit li naraj ut saꞌ li naꞌajej li nacuulac chiru. Ut incꞌaꞌ te̱rahobtesi.

Éxodo 23:3

Chi moco junak nebaꞌ checol rix cui incꞌaꞌ us li yo̱ chixba̱nunquil.

Levítico 19:13

Me̱rahobtesiheb le̱ ras e̱ri̱tzꞌin, chi moco te̱relkꞌa li cꞌaꞌru reheb. Ut te̱toj le̱ mo̱s saꞌ xkꞌehil. Me̱canab chokꞌ re cuulaj.

Proverbios 21:7

Li ma̱usilal nequeꞌxba̱nu li incꞌaꞌ useb xnaꞌleb, aꞌan ajcuiꞌ ta̱sachok reheb xban nak incꞌaꞌ nequeꞌraj cua̱nc saꞌ ti̱quilal.

Isaías 10:2

Xban li chakꞌrab li xeqꞌue incꞌaꞌ nequexrakoc a̱tin saꞌ xya̱lal saꞌ xbe̱neb li nebaꞌ ut eb li rahobtesinbileb. Ut nequemakꞌ li cꞌaꞌru reheb chiruheb li xma̱lcaꞌan joꞌ eb ajcuiꞌ li ma̱cꞌaꞌ xnaꞌ xyucuaꞌeb.