Proverbios 22:18 - Li Santil hu

¹⁸ Kꞌaxal us nak ta̱cana̱k saꞌ le̱ chꞌo̱l li cꞌaꞌru te̱tzol. Chi joꞌcan naru te̱ye re jalan li cꞌaꞌru xetzol.

Q'eqchi Bible

¹⁸ Wi taak'uula sa' laach'ool li xyehomeb' ut junelik wanq sa' xtz'uumal aawe, q'axal taasaho'q sa' laach'ool.

Proverbios 22:18 ပူးပေါင်းရင်းမြစ်များ

Jeremías 15:16

Nak xaqꞌue la̱ cua̱tin cue, la̱in xincꞌul joꞌ nak naxcꞌul lix tzacae̱mk li natzꞌoca. La̱ cua̱tin naxcꞌojob inchꞌo̱l ut naxqꞌue xsahil inchꞌo̱l. La̱in chic la̱ cualal, at nimajcual Dios.

Proverbios 2:10

Se̱bak chic a̱chꞌo̱l xban nak cua̱nk chic a̱naꞌleb ut sahak chic a̱chꞌo̱l.

Proverbios 15:7

Eb li cuanqueb xnaꞌleb nequeꞌxqꞌue xnaꞌlebeb nabal. Ut eb li ma̱cꞌaꞌeb xnaꞌleb moco joꞌcan ta nequeꞌxba̱nu.

Proverbios 10:21

Li cha̱bil a̱tin nequeꞌxye li ti̱queb xchꞌo̱l naxtenkꞌa nabal. Abanan eb li ma̱cꞌaꞌeb xnaꞌleb nequeꞌcam xban nak incꞌaꞌ nequeꞌxtau xya̱lal.

Proverbios 8:6

Abihomak li oc cue chixyebal xban nak oc cue chi a̱tinac chirix li naꞌleb kꞌaxal lokꞌ ut ti̱c.

Salmos 119:103

Cꞌajoꞌ xsahil naxye la̱ cua̱tin. Chanchan xsahil li xyaꞌal cab.

Hebreos 13:15

Joꞌcan ut junelic chikalokꞌonihak li Dios saꞌ xcꞌabaꞌ li Jesucristo, ut chikanima̱k ru. Cui takaba̱nu chi joꞌcan, aꞌan li kamayej chiru li Dios.

San Juan 7:38

Xban nak joꞌcaꞌin tzꞌi̱banbil retalil saꞌ li Santil Hu: Chixjunileb li ani teꞌpa̱ba̱nk cue la̱in, li Santil Musikꞌej li naqꞌuehoc junelic yuꞌam ta̱cua̱nk riqꞌuineb. Chanchan jun li yuꞌam haꞌ li incꞌaꞌ na-osoꞌ.—

Proverbios 25:11

Junak cha̱bil a̱tin saꞌ xkꞌehil, aꞌan chanchan jun li cha̱bil manzana yi̱banbil riqꞌuin oro ut qꞌuebil lix sahob ru riqꞌuin plata.

Proverbios 16:21

Li ani naxnau cꞌoxlac, “cuan xnaꞌleb” chanqueb re. Ut nequeꞌabin chiru xban nak naxnau a̱tinac chi cha̱bil.

Proverbios 10:13

Li ani cuan xnaꞌleb naxnau a̱tinac saꞌ xya̱lal. Abanan li ani incꞌaꞌ naxtau xnaꞌleb, naqꞌueheꞌ xlob.

Proverbios 3:17

Cui cuan e̱naꞌleb, sahak saꞌ e̱chꞌo̱l junelic. Ut naru ajcuiꞌ nequexcuan saꞌ tuktu̱quil usilal.

Salmos 119:171

Junelic tinqꞌue a̱lokꞌal xban nak la̱at nacacꞌut chicuu lix ya̱lal la̱ chakꞌrab.

Salmos 119:162

La̱ cua̱tin naxqꞌue xsahil inchꞌo̱l joꞌ nak nasahoꞌ xchꞌo̱l li jun li naxcꞌul junak xma̱tan kꞌaxal lokꞌ.

Salmos 119:111

La̱in xincꞌul la̱ chakꞌrab chi junaj cua xban nak aꞌan naxqꞌue xsahil inchꞌo̱l. Xincꞌul joꞌ jun li herencia.

Salmos 119:13

La̱in tinchꞌolob xya̱lal chixjunil la̱ cua̱tin li xoa̱chakꞌrabi cuiꞌ.

Salmos 19:10

Lix chakꞌrab li Ka̱cuaꞌ Dios, aꞌan kꞌaxal terto cuiꞌchic xtzꞌak chiru li tzꞌakal oro. Kꞌaxal cuiꞌchic cha̱bil chiru li xyaꞌal cab li toj ma̱jiꞌ isinbil chak saꞌ xnaꞌaj.

Malaquías 2:7

Lix cꞌanjel eb laj tij, aꞌan xcꞌutbal lix ya̱lal chiruheb li tenamit. Riqꞌuineb aꞌan teꞌxic li cristian chirabinquil lix chakꞌrabinquileb inban la̱in xban nak eb laj tij, aꞌan eb lin takl, chan li nimajcual Dios.

Proverbios 22:19

Nacuaj xqꞌuebal e̱naꞌleb anakcuan re nak te̱nau ut re ajcuiꞌ nak te̱cacuubresi e̱chꞌo̱l riqꞌuin li Ka̱cuaꞌ.

Proverbios 4:20

Ex cualal incꞌajol, cheqꞌuehak retal chi us li yo̱quin chixyebal e̱re ut qꞌuehomak e̱chꞌo̱l chixba̱nunquil.

Proverbios 4:21

Me̱canab xba̱nunquil li cꞌaꞌru ninye. Checanab ban saꞌ e̱chꞌo̱l.