Proverbios 22:1 - Li Santil hu

¹ Kꞌaxal us nak ta̱abi̱k resil nak cha̱bil xnaꞌleb junak chiru nak cua̱nk nabal lix biomal. Kꞌaxal us nak ta̱qꞌuehekꞌ xlokꞌal chiru nak cua̱nk nabal lix oro ut lix plata.

Q'eqchi Bible

¹ Jwal us naq nawnooq laachaab'ilal chiru naq wank aab'ihomal; q'axal us wi' chik li loq'al chiru li oor ut li plaat.

Proverbios 22:1 ပူးပေါင်းရင်းမြစ်များ

Eclesiastés 7:1

Kꞌaxal us nak cha̱bil ta̱yehekꞌ chirix li junju̱nk xban nak cha̱bil lix naꞌleb. Aꞌan kꞌaxal us chiru li sununquil ban. Ut kꞌaxal us li ca̱mc chiru li yoꞌla̱c.

San Lucas 10:20

Misahoꞌ saꞌ e̱chꞌo̱l xban nak cuan e̱cuanquil saꞌ xbe̱neb li ma̱us aj musikꞌej. Chisahokꞌ ban e̱chꞌo̱l xban nak tzꞌi̱banbilak le̱ cꞌabaꞌ saꞌ choxa, chan.

1 Reyes 1:47

Ut eb li nequeꞌtenkꞌan re li rey David queꞌco̱eb riqꞌuin laj David chixqꞌuebal xsahil xchꞌo̱l ut queꞌxye re, “Aꞌ taxak li Ka̱cuaꞌ la̱ Dios chi-osobtesi̱nk re laj Salomón ut naꞌno̱k taxak ru yalak bar. Kꞌaxal nimak taxak lix cuanquil chiru la̱ cuanquil la̱at,” chanqueb. Ut li rey quixxulub rib saꞌ lix cuarib ut quixlokꞌoni li Ka̱cuaꞌ.

Filipenses 4:3

Joꞌcan nak nintzꞌa̱ma chiru nak tixtenkꞌaheb li ixk aꞌin. Cau xeꞌcꞌanjelac chintenkꞌanquil xyebal resil li colba-ib. Joꞌcan ajcuiꞌ xba̱nu laj Clemente ut chixjunileb li cuech aj cꞌanjelil. Eb aꞌan tzꞌi̱banbil xcꞌabaꞌeb xban li Dios saꞌ li hu tzꞌi̱banbil cuiꞌ xcꞌabaꞌeb chixjunileb li colbileb.

Hechos 7:10

Ut aꞌan quitenkꞌan re chixcuybal li raylal li quixcꞌul. Quirosobtesi ut quixqꞌue xnaꞌleb. Ut laj faraón li acuabej aran Egipto quixqꞌue retal nak laj José cuan xnaꞌleb ut quixxakab chi takla̱nc saꞌ xbe̱n li tenamit ut saꞌ xbe̱neb ajcuiꞌ li cuanqueb saꞌ li rochoch.

Hebreos 11:39

Nak nakabi aꞌin chirixeb laj pa̱banel, nakanau nak tzꞌakal re ru lix pa̱ba̱leb. Aban toj ma̱jiꞌ quitzꞌakloc ru lix colbaleb li quiyechiꞌi̱c reheb xban li Dios.

Proverbios 10:7

Li cha̱bileb xnaꞌleb junelic teꞌjultica̱k. Abanan li incꞌaꞌ useb xnaꞌleb, ma̱ ani ta̱jultica̱nk reheb.