Proverbios 21:20 - Li Santil hu

²⁰ Li ani cuan xnaꞌleb cuan xbiomal saꞌ li rochoch ut cuan ajcuiꞌ li sununquil ban. Abanan, li ma̱cꞌaꞌ xnaꞌleb yal naxsach lix tumin chi ma̱cꞌaꞌ rajbal.

Q'eqchi Bible

²⁰ Sa' rochoch li wank xna'leb' wank b'ihomal ut sununkil b'an; a'ut li maak'a' xna'leb' yal naxb'atz'unle li xtumin.

Proverbios 21:20 ပူးပေါင်းရင်းမြစ်များ

Salmos 112:3

Ta̱cua̱nk xbiomaleb ut ti̱cak xchꞌo̱leb chi junelic.

Eclesiastés 5:19

Cui li Dios naxqꞌue xbiomal li junju̱nk, naxqꞌue re nak ta̱ru̱k ta̱cuaꞌak ut ta̱ucꞌak ut tixyal xsahil lix cꞌanjel ut ta̱sahokꞌ saꞌ xchꞌo̱l nak yo̱ chi cꞌanjelac. Aꞌin aꞌan jun ma̱tan naxqꞌue li Dios.

Eclesiastés 7:11

Li cha̱bil naꞌleb kꞌaxal us chokꞌ reheb chixjunileb li cuanqueb saꞌ ruchichꞌochꞌ. Aꞌan joꞌ jun li ma̱tan qꞌuebil reheb.

Proverbios 15:6

Li ani ti̱c xchꞌo̱l cuan nabal cꞌaꞌru re saꞌ rochoch. Abanan eb li incꞌaꞌ useb xnaꞌleb incꞌaꞌ nequeꞌxyal xsahil li cꞌaꞌruheb re.

Proverbios 10:22

Li ani na-osobtesi̱c xban li Dios, aꞌan cuan xbiomal, ut incꞌaꞌ naxqꞌue rahil chꞌo̱lej.

San Lucas 16:1

Li Jesús quixye reheb lix tzolom li jaljo̱quil ru a̱tin aꞌin: —Quicuan jun li cui̱nk kꞌaxal biom ut quicuan jun xmerto̱m. Cuanqueb li queꞌjitoc chirix li merto̱m chiru li patrón ut queꞌxye re: “La̱ merto̱m yo̱ chixsachbal la̱ biomal,” chanqueb re.

San Lucas 15:14

Ut nak ac xsach chixjunil li cꞌaꞌru cuan re, quicuan jun nimla cueꞌej saꞌ li tenamit aꞌan. Ut li al yo̱ chixcuybal xtzꞌocajic.

Salmos 23:5

Niquina̱qꞌue chi cuaꞌac chiruheb li xicꞌ nequeꞌiloc cue. Nacaqꞌue li sununquil ban saꞌ lin jolom. Kꞌaxal numtajenak xsahil inchꞌo̱l nacaqꞌue. Chanchan nak yo̱ chi hoyecꞌ lin secꞌ xban xnujenakil.

San Lucas 6:45

Joꞌcan ajcuiꞌ riqꞌuin li cristian. Li ani cha̱bil, cha̱bil ajcuiꞌ lix yehom xba̱nuhom xban nak cuan li cha̱bilal riqꞌuin. Ut li ani incꞌaꞌ cha̱bil, incꞌaꞌ cha̱bil lix yehom xba̱nuhom xban nak ma̱cꞌaꞌ li cha̱bilal riqꞌuin. Riqꞌuin li ra̱tin li junju̱nk nacꞌutun chanru li ra̱m.

San Mateo 25:8

Ut li o̱b li ma̱cꞌaꞌeb xnaꞌleb queꞌxye reheb li o̱b chic li cuanqueb xnaꞌleb: “Jecꞌomak bayak xyaꞌal li kaxam xban nak chupc re li kacandil,” chanqueb.

Jeremías 41:8

Abanan laje̱b li cui̱nk xcomoneb li ca̱cꞌa̱l chi cui̱nk, queꞌxye re laj Ismael: —Moa̱camsi la̱o. Cuan li trigo, li cebada, li aceite ut li xyaꞌal cab mukmu kaban saꞌ cꞌaleba̱l, chanqueb. Ut xban aꞌan nak laj Ismael incꞌaꞌ quixcamsiheb.

Eclesiastés 10:19

Li ninkꞌe naqꞌuehoc sahil chꞌo̱lej. Ut li vino naxqꞌue ajcuiꞌ xsahil xchꞌo̱leb li cuanqueb saꞌ ruchichꞌochꞌ. Abanan li tumin, aꞌan li naxba̱nu chixjunil aꞌin.

Li xHu LAJ JOB 20:18

Chixjunil li quixtrabaji incꞌaꞌ tixyal xsahil xban nak tento nak tixqꞌue re̱kaj li cꞌaꞌru quixmakꞌ chiru jalan.

Li xHu LAJ JOB 20:15

Nabal lix biomal quirelkꞌa chiru jalan. Abanan ta̱isi̱k chiru xban li Ka̱cuaꞌ.

Proverbios 8:21

Eb li nequeꞌcuulac chiruheb xba̱nunquil li cha̱bil naꞌleb nequeꞌxcꞌul xma̱taneb ut xbiomaleb.

Proverbios 14:24

Lix lokꞌaleb li se̱beb xchꞌo̱l, aꞌan lix naꞌlebeb. Ut eb li ma̱cꞌaꞌeb xnaꞌleb, naꞌno̱queb ru xban lix to̱ntileb.

Proverbios 22:4

Li ani naxcubsi rib ut naxxucua ru li Ka̱cuaꞌ, aꞌan tixcꞌul chokꞌ xkꞌajca̱munquil lix yuꞌam, lix biomal ut lix lokꞌal.