Proverbios 21:16 - Li Santil hu

¹⁶ Li ani naxcanab xba̱nunquil li cha̱bil naꞌleb, ta̱cha̱lk li ca̱mc saꞌ xbe̱n.

Q'eqchi Bible

¹⁶ Li naxkanab' xb'aanunkil li chaab'ilal, sa' junpaat taachalq li kamk sa' xb'een.

Proverbios 21:16 ပူးပေါင်းရင်းမြစ်များ

Hebreos 10:38

Li ti̱c xchꞌo̱l xban inpa̱banquil cuan xyuꞌam chi junelic. Cui naxcanab inpa̱banquil, incꞌaꞌ ta̱sahokꞌ inchꞌo̱l riqꞌuin, chan li Dios. (Hab. 2:3-4)

Salmos 125:5

Abanan eb li nequeꞌba̱nun ma̱usilal, la̱at ta̱tzꞌekta̱naheb rochbeneb li incꞌaꞌ useb xnaꞌleb. Chicua̱nk taxak li tuktu̱quil usilal riqꞌuineb laj Israel.

Salmos 49:14

Li ca̱mc aꞌan tenebanbil saꞌ xbe̱neb chixjunileb. Chanchaneb li carner re camsi̱c. Ut lix tibeleb ta̱kꞌa̱k saꞌ li mukleba̱l. Ut li mukleba̱l aꞌanak chic li rochocheb. Ut saꞌ jun cutan li ti̱queb xchꞌo̱l, aꞌan eb chic li teꞌqꞌuehekꞌ xlokꞌal.

San Judas 1:12

Xuta̱nal chokꞌ e̱re nak cuanqueb laj balakꞌ saꞌ e̱ya̱nk nak nequeba̱nu le̱ ninkꞌe re sahil chꞌo̱lej. Eb laj balakꞌ caꞌaj cuiꞌ li numcuaꞌac ut num ucꞌac nequeꞌxba̱nu ut incꞌaꞌ nequeꞌxuta̱nac. Junes xchꞌolaninquileb rib nequeꞌxcꞌoxla. Eb laj balakꞌ aꞌan chanchaneb li chok li ma̱cꞌaꞌ hab chi saꞌ, li nacꞌameꞌ yalak bar xban li ikꞌ. Laj balakꞌ ma̱cꞌaꞌ nequeꞌoc cuiꞌ. Chanchaneb li cheꞌ li incꞌaꞌ nequeꞌu̱chin, li namichꞌman chi junaj cua ut nachakic.

1 Juan 2:19

Saꞌ kaya̱nk xeꞌel li xicꞌ nequeꞌiloc re li Cristo, abanan moco kech aj pa̱baneleb ta nak xeꞌcuan. Cui ta eb aꞌan kech aj pa̱banelil, cuanqueb raj chi junelic saꞌ kaya̱nk. Abanan xeꞌel saꞌ kaya̱nk re nak ta̱nauma̱nk nak ma̱cuaꞌeb kech aj pa̱banelil.

Efesios 2:1

Junxil la̱ex li ma̱cuaꞌex aj judío chanchan camenakex xban li ma̱usilal ut li ma̱c li xeba̱nu chak.

Sofonías 1:6

Eb li queꞌxcanab inlokꞌoninquil tinsacheb ru joꞌqueb ajcuiꞌ li ma̱ jun cua niquineꞌxlokꞌoni chi moco niquineꞌxcꞌoxla, chan li Dios.

Proverbios 13:20

Li ani naxcꞌam rib riqꞌuineb li cuanqueb xnaꞌleb ta̱cua̱nk xnaꞌleb. Ut li ani tixcꞌam rib riqꞌuineb li ma̱cꞌaꞌeb xnaꞌleb ta̱sachk.

Proverbios 9:18

Ut eb aꞌan incꞌaꞌ nequeꞌxnau nak li yo̱queb cuiꞌ chi bokecꞌ aꞌan xnaꞌajeb li camenak. Incꞌaꞌ nequeꞌxqꞌue retal nak yo̱queb chi xic saꞌ xbehil li ca̱mc.

Proverbios 2:13

Eb li cui̱nk aꞌan nequeꞌxcanab xba̱nunquil li us xban nak nequeꞌcuulac chiru cua̱nc saꞌ xkꞌojyi̱nal ru li ma̱c.

Proverbios 11:19

Li ani cuan saꞌ ti̱quilal cuan xyuꞌam chi junelic. Aꞌut eb li nequeꞌxba̱nu li ma̱usilal yo̱queb chixbokbal li ca̱mc saꞌ xbe̱neb.

Ezequiel 18:24

Abanan cui junak ti̱c xchꞌo̱l tixjal xnaꞌleb ut tixba̱nu li ma̱usilal li nequeꞌxba̱nu li incꞌaꞌ useb xnaꞌleb, li jun aꞌan ta̱ca̱mk. Ut incꞌaꞌ tixcꞌul xkꞌajca̱munquil li us li quixba̱nu junxil. Ta̱ca̱mk xban li ma̱c li quixba̱nu ut xban nak quixkꞌetkꞌeti rib.

Proverbios 5:23

Xban nak ma̱cꞌaꞌ xnaꞌleb naxqꞌue lix yuꞌam chi sachc. Ut xban nak incꞌaꞌ naxcuy rib, xjunes naxsach rib.

Proverbios 19:16

Li ani naxba̱nu li naxye saꞌ lix chakꞌrab li Dios, aꞌan naxcol rix lix yuꞌam. Ut li ani naxtzꞌekta̱na lix chakꞌrab li Dios, aꞌan ta̱ca̱mk.