La̱in tinqꞌue saꞌ xchꞌo̱leb nak caꞌaj cuiꞌ la̱in tineꞌxlokꞌoni chi junaj xchꞌo̱leb. Ut junelic teꞌxxucua cuu re nak us teꞌe̱lk joꞌ eb ajcuiꞌ li ralal xcꞌajol li teꞌcua̱nk mokon.
Yechiꞌinbil e̱re la̱ex li ma̱tan aꞌin, ut yechiꞌinbil ajcuiꞌ reheb le̱ ralal e̱cꞌajol ut reheb ajcuiꞌ li ma̱cuaꞌeb aj judío. Yechiꞌinbil reheb chixjunileb li joꞌ qꞌuialeb teꞌbokekꞌ xban li Ka̱cuaꞌ li kaDios, chan.
Li ani cha̱bil xnaꞌleb naxcanab li cꞌaꞌru re chokꞌ reheb li ralal xcꞌajol. Abanan laj ma̱c, aꞌaneb chic li ti̱queb xchꞌo̱l teꞌe̱chani̱nk re li cꞌaꞌru re.
Laj Zacarías ut li rixakil, aꞌan ti̱queb xchꞌo̱l chiru li Dios. Junelic nequeꞌxqꞌue xchꞌo̱leb chixba̱nunquil chi tzꞌakal lix chakꞌrabinquileb ut lix taklanquileb xban li Ka̱cuaꞌ Dios.
Naru texcolekꞌ cui nequex-a̱tinac saꞌ xya̱lal ut nequeba̱nu li ti̱quilal. Me̱relkꞌa li cꞌaꞌru reheb li nebaꞌ ut me̱qꞌue e̱rib chi tumina̱c. Me̱junaji e̱rib riqꞌuineb li nequeꞌxcꞌu̱b ru xba̱nunquil li ma̱usilal ut li camsi̱nc.
Quicuan jun li cui̱nk aj Job xcꞌabaꞌ saꞌ li naꞌajej Uz. Li cui̱nk aꞌin tzꞌakal re ru lix yuꞌam ut ti̱c xchꞌo̱l. Naxxucua ru li Dios ut incꞌaꞌ naxba̱nu li ma̱usilal.