Proverbios 20:6 - Li Santil hu

⁶ Nabaleb li cristian nequeꞌxye nak cha̱bileb. Abanan junak li cha̱bil cristian, chꞌaꞌaj xtaubal.

Q'eqchi Bible

⁶ Naab'aleb' neke'xye naq chaab'ileb'; ab'an ink'a' natawmank junaq tiik xch'ool.

Proverbios 20:6 ပူးပေါင်းရင်းမြစ်များ

Salmos 12:1

Choa̱col taxak, at Ka̱cuaꞌ, xban nak ma̱ jun chic cha̱bil saꞌ ruchichꞌochꞌ ut ma̱ jun chic reheb ti̱queb xchꞌo̱l.

San Mateo 6:2

Ut nak ta̱si li cꞌaꞌak re ru re li ani ta̱raj tenkꞌa̱c, ma̱ba̱nu joꞌ nequeꞌxba̱nu laj caꞌ pacꞌal u. Eb aꞌan nequeꞌxic saꞌ li cab li nequeꞌxchꞌutub cuiꞌ ribeb laj judío ut saꞌ eb li cꞌayil chixyebal resil li usilal nequeꞌxba̱nu re nak teꞌqꞌuehekꞌ xlokꞌal xbaneb li cui̱nk. Relic chi ya̱l tinye e̱re nak eb aꞌan ac xeꞌxcꞌul lix kꞌajca̱munquil nak queꞌqꞌueheꞌ xlokꞌal xbaneb li cui̱nk.

San Lucas 18:8

La̱in tinye e̱re nak li Dios tixcoleb chi junpa̱t. Abanan la̱in nincꞌoxla, ¿jarub ta cuiꞌ li cauhakeb xchꞌo̱l saꞌ lix pa̱ba̱l? Ut, ¿jarubeb ta cuiꞌ li yo̱keb chi tijoc nak tincꞌulu̱nk cuiꞌchic saꞌ ruchichꞌochꞌ la̱in li Cꞌajolbej?—

San Lucas 22:33

Ut laj Pedro quixye re: —At Ka̱cuaꞌ, la̱in cau inchꞌo̱l cha̱ta̱kenquil usta tineꞌxqꞌue saꞌ tzꞌalam malaj ut tineꞌxcamsi a̱cuochben, chan.

San Lucas 18:11

Laj fariseo quixxakab rib ut quitijoc chi cau xya̱b xcux ut quixye: “At inDios, la̱in ninbantioxi cha̱cuu nak ma̱cuaꞌin joꞌqueb li jun chꞌol chic. Aꞌan eb aj e̱lkꞌeb, aj ba̱nuhom ma̱usilal, ut aj muxuleb caxa̱r. La̱in ma̱cuaꞌin joꞌ laj titzꞌol toj aꞌan.

Proverbios 27:2

Me̱qꞌue e̱lokꞌal e̱junes e̱rib. Kꞌaxal us nak jalan teꞌqꞌuehok e̱lokꞌal.

Proverbios 25:14

Li ani naxnimobresi rib chixyebal nak nabal naxqꞌue ut ma̱cꞌaꞌ naxqꞌue, li jun aꞌan chanchan li ikꞌ ut li chok li ma̱cꞌaꞌ hab chi saꞌ.

Jeremías 5:1

Li Ka̱cuaꞌ quixye: —La̱ex aj Jerusalén, sicꞌomak saꞌ eb li be ut saꞌ eb li cꞌayil. Qꞌuehomak retal chanru lix naꞌlebeb li tenamit. Cui cuan junak li ta̱raj cua̱nc saꞌ xya̱lal ut saꞌ ti̱quilal, la̱in tincuy xma̱queb li tenamit aꞌin.

2 Corintios 12:11

Chanchan nak ma̱cꞌaꞌ innaꞌleb nak ninserakꞌi e̱re chixjunil li xincꞌul. Incꞌaꞌ raj xinye e̱re. Abanan e̱ban la̱ex nak xinba̱nu xban nak la̱ex incꞌaꞌ nequeqꞌue incuanquil chokꞌ apóstol. La̱ex raj li xexqꞌuehoc incuanquil. Moco cubenak ta incuanquil la̱in chiruheb li nequeꞌxqꞌue rib chokꞌ apóstol usta ma̱cꞌaꞌ incuanquil injunes.

San Juan 1:47

Li Jesús quiril nak laj Natanael yo̱ chak chi cha̱lc riqꞌuin ut quixye: —Cueꞌ chak jun cui̱nk tzꞌakal aj Israel. Cha̱bil xnaꞌleb. Aꞌan incꞌaꞌ nabalakꞌic, chan li Jesús.

San Lucas 18:28

Laj Pedro quixye re li Jesús: —La̱o xkacanab chixjunil li cꞌaꞌru ke xban a̱ta̱kenquil, chan.

Miqueas 7:2

Ma̱ jun chic li cui̱nk ti̱c xchꞌo̱l saꞌ ruchichꞌochꞌ ut ma̱ ani chic junak cha̱bil. Chixjunileb nequeꞌcamsin ut li junju̱nk nequeꞌxsicꞌ chanru nak ta̱ru̱k teꞌxbalakꞌi li ras ri̱tzꞌin.

Eclesiastés 7:28

Nak toj ma̱jiꞌ nintau li yo̱quin chixsicꞌbal, quintau jun li cui̱nk cha̱bil xnaꞌleb saꞌ xya̱nkeb li jun mil chic. Abanan ma̱ jun li ixk quintau cha̱bil ta xnaꞌleb saꞌ xya̱nkeb chixjunileb li ixk.

Proverbios 20:5

Li cha̱bil naꞌleb li cuan riqꞌuin junak cui̱nk incꞌaꞌ nacꞌutun. Chanchan li haꞌ cham cuan chꞌaꞌaj risinquil. Abanan li ani se̱b xchꞌo̱l tixnau xqꞌuebal retal li cha̱bil naꞌleb cuan riqꞌuin.

Salmos 12:2

Nequeꞌxticꞌtiꞌi ribeb ut riqꞌuin cha̱bil a̱tin nequeꞌkꞌunbesin re xbalakꞌinquil li ras ri̱tzꞌin.

Miqueas 7:1

Tokꞌob xak cuu. Chanchanin jun li cui̱nk li naxsicꞌ li ru li acui̱mk saꞌ sakꞌehil abanan ma̱cꞌaꞌ chic ru. Ac sicꞌbil. Xinsicꞌ li ru li uva abanan ac sicꞌbil ajcuiꞌ ut la̱in aꞌ raj li xbe̱n ru xcuaj, abanan incꞌaꞌ chic xintau.