Proverbios 20:25 - Li Santil hu

²⁵ Xiu xiu chokꞌ re junak cristian xyechiꞌinquil li cꞌaꞌak re ru re li Dios cui incꞌaꞌ tixcꞌoxla chi us xbe̱n cua. Ma̱re mokon tixqꞌue retal nak incꞌaꞌ ta̱ru̱k chixba̱nunquil.

Q'eqchi Bible

²⁵ Xiw xiw xyeechi'inkil junaq mayej chiru li Yos chi junpaat, ut moqon ink'a' taawaj xk'eeb'al.

Proverbios 20:25 ပူးပေါင်းရင်းမြစ်များ

San Mateo 5:33

E̱rabiom resil nak quiyeheꞌ reheb le̱ xeꞌto̱nil yucuaꞌ chi joꞌcaꞌin: Li cꞌaꞌak re ru te̱yechiꞌi xba̱nunquil riqꞌuin juramento, tento te̱ba̱nu.

Levítico 5:15

—Nak junak cristian ta̱ma̱cobk chi incꞌaꞌ naxnau nak ma̱c yo̱ chixba̱nunquil xban nak incꞌaꞌ quixqꞌue lix mayej chi tzꞌakal joꞌ naxye lix chakꞌrab li Dios, tento nak tixqꞌue junak lix carner te̱lom tzꞌakal re ru re nak ta̱cuyekꞌ xma̱c. La̱at ta̱bir rix joꞌ nimal xtzꞌak li carner li tixqꞌue chokꞌ xmayej chiru li Dios chokꞌ xtojbal rix lix mayej li incꞌaꞌ xqꞌue. Ta̱bir rix li joꞌ qꞌuial tento xqꞌuebal joꞌ xbisbal li mayej li nequeꞌxqꞌue saꞌ li tabernáculo.

Proverbios 18:7

Li a̱tin li naxye li ma̱cꞌaꞌ xnaꞌleb, aꞌan li nasachoc re. Li a̱tin li naxye, aꞌan chanchan jun raꞌal chokꞌ re.

Proverbios 18:13

Xuta̱nal na-el li ma̱cꞌaꞌ xnaꞌleb nak naxsume li a̱tin chi toj ma̱jiꞌ narabi li cꞌaꞌru ta̱yehekꞌ re.

Eclesiastés 5:2

Moco yalak cꞌaꞌru ta te̱ye chi incꞌaꞌ te̱cꞌoxla chi us. Incꞌaꞌ tex-oc xyechiꞌinquil re li Dios li cꞌaꞌru incꞌaꞌ naru te̱qꞌue xban nak li Dios saꞌ choxa cuan ut la̱ex saꞌ ruchichꞌochꞌ cuanquex. Cheba̱nuhak cue̱nt re nak incꞌaꞌ tex-a̱tinak nabal.

Deuteronomio 23:22

Abanan ma̱cꞌaꞌak le̱ ma̱c cui incꞌaꞌ nequeyechiꞌi cꞌaꞌak re ru re li Ka̱cuaꞌ.

Deuteronomio 23:23

Li cꞌaꞌru nequeyechiꞌi re li Dios xba̱nunquil, tento nak te̱ba̱nu, xban nak yal e̱junes xeyechiꞌi chi incꞌaꞌ minbil e̱re xba̱nunquil.

Deuteronomio 23:24

Cui nequexxic saꞌ xnaꞌajeb lix uvas le̱ rech cabal, naru te̱lou li ru toj ta̱cꞌojla̱k e̱chꞌo̱l, abanan incꞌaꞌ naru te̱xoc li ru saꞌ le̱ chacach re te̱cꞌam che̱rix.

Jueces 21:22

Ut cui teꞌcuulak lix yucuaꞌeb malaj ut li raseb chixyebal ke cꞌaꞌut nak xcꞌulman chi joꞌcaꞌin, la̱o takaye reheb, “Nakatzꞌa̱ma che̱ru nak te̱ba̱nu usilal reheb, ut te̱canabeb li xkaꞌal chokꞌ rixakileb. La̱o xocuulac saꞌ li ple̱t ut incꞌaꞌ xoru chixtaubal tzꞌakal li ixk re takaqꞌue chokꞌ rixakileb. Moco xekꞌet ta li contrato li xeba̱nu, xban nak moco la̱ex ta xexqꞌuehoc reheb. Yal elkꞌanbil ban xeꞌxba̱nu,” chaꞌko reheb.—