Proverbios 20:11 - Li Santil hu

¹¹ Usta toj sa̱j junak, abanan nacꞌutun chanru lix naꞌleb riqꞌuin lix yehom xba̱nuhom.

Q'eqchi Bible

¹¹ Rik'in li naxb'aanu li saaj al nak'utunk ma chaab'il ut tiikaq li xch'ool.

Proverbios 20:11 ပူးပေါင်းရင်းမြစ်များ

San Mateo 7:16

Yal riqꞌuin lix naꞌlebeb te̱nau ruheb. La̱ex nequeqꞌue retal nak li qꞌuix incꞌaꞌ naru̱chin li uva ut li tun qꞌuix incꞌaꞌ naru̱chin li higo.

Proverbios 21:8

Li incꞌaꞌ useb xnaꞌleb junes ma̱usilal nequeꞌxba̱nu. Abanan li cha̱bileb xnaꞌleb nequeꞌxba̱nu li ti̱quilal.

Salmos 58:3

Li incꞌaꞌ useb xnaꞌleb ac reheb ajcuiꞌ chak saꞌ xyoꞌlajiqueb. Ac aj ticꞌtiꞌeb chak chalen nak nequeꞌyoꞌla.

San Lucas 1:15

La̱ cualal li ta̱yoꞌla̱k ta̱qꞌuehekꞌ xcuanquil xban li Dios. Aꞌan incꞌaꞌ ta̱ucꞌak vino chi moco li haꞌ li nacaltesin. Ut ac cua̱nk chak li Santil Musikꞌej riqꞌuin nak toj ma̱jiꞌak nayoꞌla.

Salmos 51:5

Relic chi ya̱l chalen saꞌ inyoꞌlajic ac la̱in chak aj ma̱c. Saꞌ ma̱c quinyoꞌla chak.

San Lucas 1:66

Ut chixjunileb li queꞌabin re queꞌxqꞌue saꞌ xchꞌo̱leb ut queꞌxye: —¿Cꞌaꞌru anchal tixcꞌanjela li cꞌulaꞌal aꞌin nak ta̱nima̱nk? Nacꞌutun nak cuan xcuanquil li Dios riqꞌuin, chanqueb.

Proverbios 22:15

Eb li cocꞌal nequeꞌxba̱nu li incꞌaꞌ us xban nak ma̱cꞌaꞌeb xnaꞌleb. Abanan cui teꞌqꞌuehekꞌ chi tzꞌu̱m teꞌxtau xnaꞌleb.

Proverbios 20:12

Li Ka̱cuaꞌ quixqꞌue li kaxic re nak to-abi̱nk ut quixqꞌue ajcuiꞌ li xnakꞌ ku re nak to-ilok.

2 Crónicas 34:3

Ac yo̱ chic cuakxakib chihab roquic chokꞌ rey laj Josías ut toj sa̱j chi us nak qui-oc chixsicꞌbal li Dios li quixlokꞌoni li rey David lix xeꞌto̱nil yucuaꞌ. Ut nak ac yo̱ chic cablaju chihab roquic saꞌ lix cuanquil, qui-oc chirisinquileb li yi̱banbil dios saꞌ li tenamit Judá ut Jerusalén, joꞌ ajcuiꞌ lix naꞌajeb li yi̱banbil dios, ut eb lix jalam u̱ch lix Asera. Quirisiheb ajcuiꞌ li jalanil dios li yi̱banbileb riqꞌuin chꞌi̱chꞌ ut pec.