Proverbios 20:1 - Li Santil hu

¹ Li na-ucꞌac vino nayiboꞌ ru lix naꞌleb. Ut li na-ucꞌac re li haꞌ li nacaltesin nasach xnaꞌleb. Li ani naba̱nun re chi joꞌcan, aꞌan ma̱cꞌaꞌ xnaꞌleb.

Q'eqchi Bible

¹ Li ha' li nakaltesink napo'ok na'leb'; li nakalaak nakaano'k ru ut nasachk xna'leb': maajoq'e tixtaw xchaab'il na'leb'.

Proverbios 20:1 ပူးပေါင်းရင်းမြစ်များ

Oseas 4:11

Ut quixye ajcuiꞌ li Ka̱cuaꞌ: —Yo̱ chi sachc xnaꞌlebeb lin tenamit xban li cala̱c ut li ucꞌac vino ut xban li coꞌbe̱tac yumbe̱tac nequeꞌxba̱nu.

Efesios 5:18

Mexcala chic xban nak napoꞌoc chꞌo̱lej. Chinujak ban le̱ chꞌo̱l riqꞌuin li Santil Musikꞌej.

Isaías 28:7

Eb li profeta ut eb laj tij yo̱queb chi cala̱c ut nequeꞌtacloc. Cꞌajoꞌ li vino ut li haꞌ li nacaltesin queꞌrucꞌ toj retal queꞌxsach xnaꞌleb. Eb li profeta incꞌaꞌ chic nequeꞌxtau ru li visión li naxcꞌut chiruheb li Ka̱cuaꞌ. Ut eb laj tij incꞌaꞌ chic nequeꞌru xqꞌuebal xnaꞌlebeb li tenamit.

Proverbios 31:4

At Lemuel, moco xcꞌulubeb ta eb li rey nak teꞌucꞌak vino, chi moco xcꞌulubeb li cuanqueb xcuanquil chi takla̱nc nak teꞌrucꞌ li haꞌ li nacaltesin.

1 Corintios 6:10

Eb laj e̱lkꞌ ut eb li nequeꞌxrahi ru li biomal incꞌaꞌ teꞌre̱chani lix nimajcual cuanquilal li Dios, chi moco laj calajenak, chi moco laj majecuanel, chi moco laj balakꞌ teꞌre̱chani lix nimajcual cuanquilal li Dios.

Gálatas 5:21

socue̱nc, camsi̱nc ras ri̱tzꞌin, cala̱c, numcuaꞌac num ucꞌac, ut cꞌaꞌak chic re ru joꞌ eb aꞌin. Yo̱quin cuiꞌchic xyebal e̱re aꞌin, usta ac inyehom ajcuiꞌ e̱re, nak li nequeꞌba̱nun re li cꞌaꞌak re ru aꞌin incꞌaꞌ teꞌre̱chani lix nimajcual cuanquilal li Dios.

2 Samuel 11:13

Laj David quixbok laj Urías chi cuaꞌac riqꞌuin ut quixcaltesi. Abanan laj Urías incꞌaꞌ co̱ chi cua̱rc saꞌ li rochoch. Quicana ban chi cua̱rc saꞌ li naꞌajej li nequeꞌcuar cuiꞌ li soldados li nequeꞌcꞌacꞌalen re li rochoch li rey.

Isaías 56:12

Nequeꞌxye: —Quimkex. Yoꞌkeb chi ucꞌac. Tocala̱k chi us. Ut joꞌcan ajcuiꞌ cuulaj. Malaj ut kꞌaxal cuiꞌchic ta̱sahokꞌ kachꞌo̱l chiru anakcuan, chanqueb.

Isaías 5:22

Raylal ta̱cha̱lk saꞌ e̱be̱n la̱ex li nequexnumta chi cala̱c ut la̱ex li cuan e̱naꞌleb re xyi̱banquil li haꞌ li nacaltesin.

Oseas 7:5

Saꞌ lix ninkꞌe, li rey quicaltesi̱c xbaneb li nequeꞌcꞌanjelac chiru. Ut li rey qui-oc chixba̱nunquil li yibru naꞌleb saꞌ xya̱nkeb li incꞌaꞌ useb xnaꞌleb.

2 Samuel 13:28

Laj Absalón quixye reheb lix mo̱s: —Qꞌuehomak retal nak ta̱cala̱k chi us laj Amnón. Nak tinye e̱re, te̱camsi. Mexcꞌoxlac chixcamsinquil xban nak la̱in yo̱quin chi takla̱nc e̱re. Cacuubresihomak e̱chꞌo̱l chixba̱nunquil li ninye e̱re, chan.

Levítico 10:9

—La̱at ut eb la̱ cualal incꞌaꞌ ta̱ru̱k tex-oc saꞌ li tabernáculo cui yo̱quex chi ucꞌac vino malaj ut li haꞌ li nacaltesin re nak incꞌaꞌ texca̱mk. Aꞌin jun li chakꞌrab tento te̱ba̱nu la̱ex ut tento ajcuiꞌ teꞌxba̱nu eb le̱ ralal e̱cꞌajol li teꞌcua̱nk mokon.

Proverbios 23:20

Incꞌaꞌ te̱cꞌam e̱rib riqꞌuineb li nequeꞌcala. Ut me̱ba̱nu e̱re joꞌ nequeꞌxba̱nu li nequeꞌnum-ucꞌac ut nequeꞌnumcuaꞌac.

Habacuc 2:5

Eb laj Caldea kꞌaxal kꞌetkꞌeteb ut xban li cala̱c nequeꞌxba̱nu, nequeꞌxbalakꞌi rib xjuneseb. Nequeꞌxnimobresi ribeb, abanan eb aꞌan teꞌosokꞌ. Incꞌaꞌ cꞌojcꞌo̱queb xchꞌo̱l riqꞌuin li joꞌ qꞌuial nequeꞌxmakꞌ chiruheb li tenamit. Chanchaneb lix julel camenak ac yo̱ chiroybeninquil li camenak ut chanchaneb li ca̱mc. Ac xeꞌre̱chani nabal li tenamit ut toj incꞌaꞌ ajcuiꞌ natzꞌakloc reheb. Nabal cuiꞌchic teꞌraj teꞌre̱chani.

Isaías 5:11

Raylal cha̱lel saꞌ e̱be̱n la̱ex li nequexcuacli toj ekꞌela ut nequexxic chi cala̱c toj retal nequex-oc kꞌojyi̱n chi cala̱c.