Proverbios 2:9 - Li Santil hu

⁹ Cui ta̱cuabi li cua̱tin la̱at, ta̱nau chic bar cuan li us ut bar cuan li ti̱quilal. Ut cua̱nk chic a̱naꞌleb chixtaubal ru chanru li cua̱nc saꞌ cha̱bilal.

Q'eqchi Bible

⁹ Taanaw ajwi' xyaalal li tiikil ch'oolej ut li yaal, ut taataw ru k'aru li chaab'ilal.

Proverbios 2:9 ပူးပေါင်းရင်းမြစ်များ

Jeremías 6:16

Li Ka̱cuaꞌ quixye reheb lix tenamit: —Xaklinkex saꞌ xa̱la be ut qꞌuehomak retal. Patzꞌomak bar cuan li be re najter ut bar cuan li cha̱bil be. Texxic saꞌ li cha̱bil be ut te̱tau li tuktu̱quil usilal, chan li Dios. Abanan eb aꞌan queꞌxye: —Incꞌaꞌ nakaj xsicꞌbal li be aꞌan, chanqueb.

Isaías 48:17

Li Dios Santo, le̱ Dios la̱ex aj Israel, laj Colol e̱re, quixye chi joꞌcaꞌin: —La̱in li Ka̱cuaꞌ le̱ Dios. La̱in nincꞌutuc che̱ru li cꞌaꞌru te̱ba̱nu re nak us tex-e̱lk. La̱in ninberesin e̱re re nak te̱ba̱nu li us.

San Juan 14:6

Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

Salmos 119:99

La̱in chic cuan innaꞌleb chi us chiruheb li nequeꞌtzoloc cue xban nak junelic yo̱quin chixcꞌoxlanquil la̱ chakꞌrab.

Salmos 32:8

Li Ka̱cuaꞌ quixye: —La̱in tin-ilok a̱cue. La̱in tincꞌutuk cha̱cuu cꞌaꞌru ta̱ba̱nu ut tinqꞌue a̱naꞌleb re nak ta̱tau xya̱lal. La̱in tinberesi̱nk a̱cue.

Isaías 35:8

Ta̱cua̱nk aran jun li cha̱bil be. “Xbehil li Santilal” xcꞌabaꞌ. Eb li incꞌaꞌ useb xnaꞌleb incꞌaꞌ teꞌoc saꞌ li be aꞌan, chi moco teꞌoc aran li ma̱cꞌaꞌeb xnaꞌleb.

Salmos 119:105

La̱ cua̱tin chanchan jun li lámpara xban nak naxcutanobresi lin naꞌleb ut naxcꞌut chicuu cꞌaꞌru tinba̱nu.

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

Proverbios 8:20

Li cha̱bil naꞌleb li ninqꞌue, aꞌan naxcꞌut chanru nak texcua̱nk saꞌ xya̱lal ut saꞌ ti̱quilal.

Proverbios 28:5

Eb li incꞌaꞌ useb xnaꞌleb incꞌaꞌ nequeꞌxtau ru cꞌaꞌru li ti̱quilal. Abanan eb li nequeꞌxpa̱b li Ka̱cuaꞌ nequeꞌxtau ru cꞌaꞌru li ti̱quilal.

Salmos 25:12

Li Dios naxcꞌut lix ya̱lal chiruheb li ani nequeꞌxqꞌue xlokꞌal li Dios ut naxcꞌut chiruheb li cꞌaꞌru naraj teꞌxba̱nu.

Proverbios 4:12

Nak texbe̱k saꞌ li cha̱bil be incꞌaꞌ te̱tich le̱ rok. Cui cua̱nkex saꞌ xya̱lal, ma̱cꞌaꞌ ta̱chꞌiꞌchꞌiꞌi̱nk e̱re.