Proverbios 2:6 - Li Santil hu

⁶ Li Ka̱cuaꞌ naqꞌuehoc kanaꞌleb ut li ra̱tin naxcutanobresi li kacꞌaꞌux ut nocoxtenkꞌa chixtaubal ru lix ya̱lal.

Q'eqchi Bible

⁶ Xb'aan naq a' li Qaawa' nak'ehok re li chaab'il k'a'uxl; rik'in A'an nachalk li nawok ut li na'leb'ak.

Proverbios 2:6 ပူးပေါင်းရင်းမြစ်များ

Santiago 1:5

Cui cuan junak saꞌ e̱ya̱nk ta̱raj xnaꞌleb, chixtzꞌa̱mahak re li Dios, ut li Dios tixqꞌue chi anchal xchꞌo̱l ut chi nabal.

Salmos 119:98

La̱ chakꞌrab junelic naxqꞌue innaꞌleb. Joꞌcan nak la̱in chic cuan innaꞌleb chi us chiruheb li xicꞌ nequeꞌiloc cue.

Li xHu LAJ JOB 32:8

Relic chi ya̱l nak chixjunileb li cui̱nk cuanqueb xnaꞌleb xban nak li nimajcual Dios quixqꞌue lix musikꞌ reheb.

San Lucas 21:15

xban nak la̱in tinqꞌue e̱naꞌleb ut tincꞌut che̱ru cꞌaꞌru te̱ye. Ut eb li xicꞌ nequeꞌiloc e̱re incꞌaꞌ teꞌru̱k chixcuechꞌbal rix li cꞌaꞌru te̱ye, chi moco teꞌxnau xsumenquil.

Isaías 54:13

La̱in tincꞌutuk re lix ya̱lal chiruheb chixjunileb le̱ ralal e̱cꞌajol. Tintenkꞌaheb re nak teꞌcua̱nk saꞌ tuktu̱quil usilal.

San Juan 6:45

Tzꞌi̱banbil retalil chi joꞌcaꞌin saꞌ li Santil Hu xbaneb li profeta: Li Dios tixcꞌut lix ya̱lal chiruheb chixjunileb. Joꞌcan nak chixjunileb li nequeꞌabin re ut nequeꞌxtau ru li cꞌaꞌru naxye li Dios, eb aꞌan tineꞌxpa̱b ajcuiꞌ la̱in.

1 Reyes 3:12

Joꞌcan nak la̱in tinqꞌue a̱cue li cꞌaꞌru xatzꞌa̱ma. Kꞌaxal nabal la̱ naꞌleb tinqꞌue. Ma̱ ani junak ta̱cua̱nk xnaꞌleb joꞌ la̱ naꞌleb la̱at. Chi moco anakcuan chi moco mokon ta̱cua̱nk junak joꞌ la̱at.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

Salmos 119:104

Riqꞌuin xtzolbal la̱ cua̱tin nintau innaꞌleb ut xicꞌ nacuil li ma̱usilal.

Daniel 2:23

At inDios, la̱at lix Dioseb lin xeꞌto̱nil yucuaꞌ. Ninbantioxin cha̱cuu ut nacatinlokꞌoni xban nak xaqꞌue innaꞌleb ut xaqꞌue incacuilal. Xacꞌutbesi chicuu li xintzꞌa̱ma cha̱cuu. Anakcuan xacꞌutbesi chicuu cꞌaꞌru lix matcꞌ li rey ut cꞌaꞌru lix ya̱lal, chan laj Daniel re li Dios.

Daniel 1:17

Ut li Dios quixqꞌue xnaꞌlebeb li ca̱hib chi sa̱j cui̱nk aꞌin ut kꞌaxal se̱beb xchꞌo̱l chixtaubal ru chixjunil li cꞌaꞌru quicuteꞌ chiruheb. Ut kꞌaxal cuiꞌchic li naꞌleb li quiqꞌueheꞌ re laj Daniel xban li Dios re xtaubal ru li naxye li matcꞌ ut li visión.

Isaías 8:20

Tzolomak li cꞌaꞌru naxye saꞌ lix chakꞌrab li Dios. Cui incꞌaꞌ nequeꞌxye e̱re chi tzꞌakal li cꞌaꞌru cuan saꞌ li chakꞌrab, aꞌan xban nak toj ma̱jiꞌ nequeꞌxtau lix ya̱lal.

1 Reyes 4:29

Kꞌaxal nabal lix naꞌleb laj Salomón quiqꞌueheꞌ re xban li Dios. Chanchan xqꞌuial li samaib chire li palau. Naxnau xcꞌoxlanquil li cꞌaꞌru naxba̱nu ut chixjunil naxtau ru.

Daniel 2:21

Li Dios aꞌan yal re saꞌ xbe̱neb li cutan. Aꞌan nataklan chak re li hab ut aꞌan nataklan re li sakꞌehil. Aꞌan naxakaban reheb li rey ut aꞌan ajcuiꞌ na-isin reheb. Aꞌan li naqꞌuehoc re lix naꞌlebeb li cuanqueb xnaꞌleb ut naxqꞌueheb ajcuiꞌ chixtaubal ru li incꞌaꞌ natauman ru.

Proverbios 6:23

Relic chi ya̱l nak li kachakꞌrabinquil ut li katijbal aꞌan naxcutanobresi li kacꞌaꞌux. Li kakꞌusbal naxqꞌue kanaꞌleb re nak takanau chanru nak tocua̱nk.

Salmos 19:7

Lix chakꞌrab li Dios tzꞌakal re ru ut nax-acꞌobresi li kayuꞌam. Li ra̱tin li Ka̱cuaꞌ Dios, aꞌan tzꞌakal ya̱l ut naxqꞌue xnaꞌleb li ma̱cꞌaꞌ xnaꞌleb.

1 Reyes 3:9

Nintzꞌa̱ma cha̱cuu nak ta̱qꞌue taxak innaꞌleb re nak tinnau takla̱nc saꞌ xbe̱neb la̱ tenamit saꞌ ti̱quilal. Tinnau taxak xqꞌuebal retal bar cuan li us ut bar cuan li incꞌaꞌ us. Cui incꞌaꞌ tina̱tenkꞌa, ¿chan ta cuiꞌ ru nak ta̱ru̱k tintakla̱nk saꞌ xbe̱neb li tenamit aꞌin? chan laj Salomón.

Éxodo 31:3

La̱in xinqꞌue lin musikꞌ re ut xinqꞌue xnaꞌleb re xjolominquil li cꞌanjel aꞌin. Cuan xnaꞌleb ut naxnau xcꞌoxlanquil chanru tixyi̱b chixjunil chi cha̱bil.

1 Crónicas 22:12

Li Ka̱cuaꞌ taxak chitenkꞌa̱nk a̱cue ut chixqꞌuehak taxak la̱ naꞌleb re nak ta̱ba̱nu chixjunil li naxye saꞌ li chakꞌrab nak tatxqꞌue chi takla̱nc saꞌ xbe̱neb laj Israel.

Nehemías 7:5

Li Dios quixcꞌut chicuu nak tento tebinchꞌutub li nequeꞌtaklan saꞌ li tenamit ut eb li nequeꞌcꞌamoc be joꞌqueb ajcuiꞌ chixjunileb li tenamit re nak teꞌajla̱k li junju̱nk cabal. Quintau li hu li tzꞌi̱banbil cuiꞌ lix cꞌabaꞌeb li queꞌsukꞌi chak xbe̱n cua. Tzꞌi̱banbil retalil chi joꞌcaꞌin:

Li xHu LAJ JOB 22:22

Canab a̱cuib re nak li Dios tixcꞌut lix ya̱lal cha̱cuu. Ut qꞌue saꞌ a̱chꞌo̱l lix chakꞌrab.

Salmos 51:6

La̱at nacuulac cha̱cuu li ti̱quil chꞌo̱lej ut nacacutanobresi lin cꞌaꞌux.

Eclesiastés 2:26

Li Dios naxqꞌue xnaꞌleb li ani nacuan saꞌ ti̱quilal ut naxqꞌue xsahil xchꞌo̱l ut naxtenkꞌa re nak tixtau ru lix ya̱lal. Abanan laj ma̱c naxcanab chi cꞌanjelac chi cau re nak tixxoc nabal li cꞌaꞌru re, ut ta̱qꞌuehekꞌ re jalan li cuan saꞌ ti̱quilal chiru li Dios. Joꞌcan ajcuiꞌ aꞌin, ma̱cꞌaꞌ na-oc cuiꞌ. Junes raylal naxqꞌue.

1 Reyes 10:24

Chixjunileb li cristian li cuanqueb saꞌ ruchichꞌochꞌ queꞌraj xnaubal ru laj Salomón. Ut queꞌraj rabinquil li naꞌleb li qꞌuebil re xban li Dios.

Esdras 7:25

La̱at, Esdras, joꞌ naxcꞌut cha̱cuu li Ka̱cuaꞌ la̱ Dios, ta̱xakab aj rakol a̱tin ut ta̱xakab aj cꞌamol be re nak aꞌaneb chic teꞌtakla̱nk saꞌ xbe̱neb chixjunileb li tenamit li cuanqueb jun pacꞌal li nimaꞌ Éufrates. Ta̱cua̱nk xcuanquileb saꞌ xbe̱neb chixjunileb li nequeꞌxnau li cꞌaꞌru naxye saꞌ li chakꞌrab li quiqꞌueheꞌ reheb xban li Ka̱cuaꞌ la̱ Dios. Ut eb li incꞌaꞌ nequeꞌxnau li chakꞌrab, la̱at ta̱cꞌut chiruheb.

Li xHu LAJ JOB 12:13

Abanan li Dios kꞌaxal numtajenak cuiꞌchic lix naꞌleb ut lix cuanquil. Li cꞌaꞌru naraj xba̱nunquil, naxba̱nu.

Li xHu LAJ JOB 12:16

Kꞌaxal numtajenak lix cuanquil li Dios ut aꞌan yal re saꞌ xbe̱n chixjunil. Saꞌ rukꞌ aꞌan cuanqueb li nequeꞌbalakꞌi̱c joꞌ eb ajcuiꞌ li nequeꞌbalakꞌin.

Salmos 19:8

Lix chakꞌrab li Ka̱cuaꞌ Dios, aꞌan tzꞌakal ti̱c ut incꞌaꞌ najala, ut naxqꞌue sahil chꞌo̱lej. Li chakꞌrab canabanbil xban li Ka̱cuaꞌ Dios, aꞌan tzꞌakal ya̱l ut naxcutanobresi li kanaꞌleb.

Salmos 94:10

¿Ma ma̱cuaꞌ ta biꞌ li Dios nakꞌusuc reheb li tenamit? ¿Ma incꞌaꞌ ta biꞌ tixqꞌue chixtojbal xma̱queb li incꞌaꞌ useb xnaꞌleb? ¿Ma ma̱cuaꞌ ta biꞌ aꞌan naqꞌuehoc xnaꞌlebeb li cristian? ¿Ma incꞌaꞌ ta biꞌ tixnau chixjunil li cꞌaꞌru na-uxman?

Salmos 119:34

Chaqꞌue taxak innaꞌleb re nak ta̱ru̱k tinba̱nu li cꞌaꞌru naxye la̱ chakꞌrab. Chi anchal taxak inchꞌo̱l tinba̱nu li cꞌaꞌru naxye.