Proverbios 2:5 - Li Santil hu

⁵ Cui te̱tau li naꞌleb aꞌin, te̱nau chic xxucuanquil ru li Ka̱cuaꞌ. Ut te̱nau chic chanru xnaꞌleb li Dios.

Q'eqchi Bible

⁵ Chi jo'kan taataw xyaalal li roxloq'inkil li Qaawa' jo' ajwi' taanaw ru A'an chi yaal.

Proverbios 2:5 ပူးပေါင်းရင်းမြစ်များ

Proverbios 1:7

Li ani ta̱raj ta̱cua̱nk xnaꞌleb, tento nak tixxucua ru li Ka̱cuaꞌ. Eb li ma̱cꞌaꞌeb xnaꞌleb nequeꞌxtzꞌekta̱na li cha̱bil naꞌleb ut nequeꞌxtzꞌekta̱na ajcuiꞌ lix kꞌusbaleb.

Jeremías 24:7

Tintenkꞌaheb re nak teꞌxnau nak la̱in li Ka̱cuaꞌ. Aꞌanakeb lin tenamit ut la̱inak lix Dioseb xban nak teꞌsukꞌi̱k cuiꞌchic cuiqꞌuin ut tineꞌxpa̱b chi anchaleb xchꞌo̱l.

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

San Lucas 10:22

Ut quixye reheb li cuanqueb aran: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, chan li Jesús.

Jeremías 9:24

Li ani tixnimobresi rib, chixnimobresihak rib riqꞌuin nak naxnau nak la̱in li Ka̱cuaꞌ ut naxtau ru chanru lin naꞌleb. Nin-uxta̱nan u ut ninrakoc a̱tin saꞌ ti̱quilal saꞌ ruchichꞌochꞌ. Aꞌan li nacuulac chicuu, chan li Ka̱cuaꞌ.

San Mateo 11:27

Ut quixye reheb li tenamit: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, la̱in li Cꞌajolbej.

Oseas 6:3

Chikanauhak biꞌ ru li Ka̱cuaꞌ. Chikaqꞌuehak kachꞌo̱l chixnaubal ru chi tzꞌakal. Chꞌolchꞌo nak ta̱cꞌulu̱nk li Ka̱cuaꞌ. Ta̱cꞌulu̱nk joꞌ nak nachal li cutan rajlal. Ta̱cꞌulu̱nk joꞌ nak nachal li hab re xtꞌakresinquil li chꞌochꞌ saꞌ xkꞌehil li a̱uc ut nachal ajcuiꞌ mokon re xtꞌakresinquil li acui̱mk.—

Jeremías 31:34

Moco tento ta nak toj teꞌxye re li ras ri̱tzꞌin “¿Ma nacanau ani li tzꞌakal Dios?” xban nak chixjunileb, joꞌ cocꞌ joꞌ ni̱nk, teꞌxnau nak la̱in li Ka̱cuaꞌ Dios. Ut la̱in tincuyeb tinsacheb lix ma̱queb ut incꞌaꞌ chic ta̱nak saꞌ inchꞌo̱l lix ma̱usilaleb, chan li Ka̱cuaꞌ.

Proverbios 9:10

Riqꞌuin xxucuanquil ru li Dios natauman li cha̱bil naꞌleb. Li ani naxnau ru li Dios Santo naxtau xya̱lal.

Li xHu LAJ JOB 28:28

Ut quixye reheb li cristian, “Li ani cuan xnaꞌleb, aꞌan li nacꞌanjelac chicuu chi tzꞌakal. Ut li ani se̱b xchꞌo̱l, aꞌan li naxcanab xba̱nunquil li ma̱usilal,” chan li Dios.—

San Juan 17:3

Li junelic yuꞌam, aꞌan nak teꞌxnau a̱cuu la̱at li junajat chi tzꞌakal Dios ut teꞌxnau ajcuiꞌ cuu la̱in li Jesucristo li quina̱takla chak.

Proverbios 8:17

La̱in nequebinra li nequeꞌcuulac chiruheb xba̱nunquil li cha̱bil naꞌleb. Eb li nequeꞌxqꞌue xchꞌo̱l chixsicꞌbal nequeꞌxtau ajcuiꞌ.

Proverbios 28:7

Li alalbej li naxba̱nu li naxye lix chakꞌrab li Dios, aꞌan naxnau cꞌoxlac. Abanan li ani nacuulac chiru cua̱nc saꞌ xya̱nkeb li nequeꞌnumcuaꞌac nequeꞌnum-ucꞌac, aꞌan naxcꞌut xxuta̱n lix yucuaꞌ.

Isaías 33:6

Junelic naxcoleb lix tenamit ut naxqꞌueheb xnaꞌleb. Naxtenkꞌaheb chixtaubal ru lix ya̱lal. Li xxucuanquil ru li Ka̱cuaꞌ, aꞌan li kꞌaxal lokꞌ chiruheb.