Proverbios 2:4 - Li Santil hu

⁴ Qꞌuehomak e̱chꞌo̱l chixtaubal li cha̱bil naꞌleb. Chesicꞌak toj retal te̱tau joꞌ nak nasiqꞌueꞌ li plata, malaj ut joꞌ nak nasiqꞌueꞌ li cꞌaꞌru terto xtzꞌak.

Q'eqchi Bible

⁴ chasik' a'an jo' nasik'mank li tumin, ut k'e aach'ool chirix jo' nasik'e'k li b'ihomal.

Proverbios 2:4 ပူးပေါင်းရင်းမြစ်များ

San Mateo 13:44

Lix nimajcual cuanquilal li choxa, aꞌan chanchan li tumin mukbil saꞌ chꞌochꞌ. Quitauman xban jun li cui̱nk. Ut li cui̱nk aꞌan quixmuk cuiꞌchic xcaꞌ sut li tumin. Kꞌaxal quisahoꞌ saꞌ xchꞌo̱l nak coxcꞌayi chixjunil li cꞌaꞌru cuan re ut quixlokꞌ li chꞌochꞌ li mukmu cuiꞌ li tumin.

San Mateo 19:29

Li ani naxcanab rochoch, ras ri̱tzꞌin, xnaꞌ xyucuaꞌ, rixakil, ralal xcꞌajol, malaj xchꞌochꞌ saꞌ incꞌabaꞌ la̱in, li jun aꞌan kꞌaxal cuiꞌchic nabal li tixcꞌul chiru li quixcanab ut ta̱re̱chani li junelic yuꞌam.

Proverbios 16:16

Kꞌaxal us nak cua̱nk a̱naꞌleb chiru nak cua̱nk nabal la̱ biomal. Kꞌaxal us nak ta̱tau xya̱lal chiru nak cua̱nk nabal la̱ tumin.

Li xHu LAJ JOB 3:21

Eb aꞌan yo̱queb chiroybeninquil li ca̱mc ut incꞌaꞌ ajcuiꞌ nequeꞌcam, usta nequeꞌxsicꞌ joꞌ nak nasiqꞌueꞌ li cꞌaꞌru terto xtzꞌak.

San Lucas 16:8

Ut li patrón quisach xchꞌo̱l chirilbal nak kꞌaxal cuan xnaꞌleb li merto̱m li incꞌaꞌ us xnaꞌleb. Eb li incꞌaꞌ nequeꞌxnau lix ya̱lal kꞌaxal se̱beb xchꞌo̱l chixcꞌoxlanquil chanru tixtenkꞌa rib, usta incꞌaꞌ us tixba̱nu reheb li ras ri̱tzꞌin. Kꞌaxal se̱beb xchꞌo̱l chiruheb li ralal xcꞌajol li Dios.

Eclesiastés 4:8

Junak cui̱nk ma̱ ani cuan re, ma̱cꞌaꞌ rami̱g, chi moco ralal xcꞌajol, chi moco cuan ras ut ri̱tzꞌin. Li cui̱nk aꞌan incꞌaꞌ nahilan chi cꞌanjelac chi moco nahilan chixcꞌoxlanquil lix biomal. Incꞌaꞌ naxcꞌoxla cꞌaꞌut nak naxcamsi rib chi cꞌanjelac chi moco naxcꞌoxla cꞌaꞌut nak incꞌaꞌ naxyal xsahil li cꞌaꞌru naxcꞌanjela. Joꞌcan nak ma̱cꞌaꞌ rajbal nak tixcamsi rib junak chi cꞌanjelac.

Proverbios 23:23

Li naꞌleb ut lix ya̱lal ut li kꞌusecꞌ kꞌaxal terto xtzꞌak. Me̱canab chi numecꞌ yal chi joꞌcan.

Salmos 119:127

La̱in ninra la̱ chakꞌrab xban nak kꞌaxal lokꞌ chiru li tzꞌakal oro.

Salmos 119:72

Chokꞌ cue la̱in kꞌaxal lokꞌ li chakꞌrab li xaqꞌue ke chiru nabal li oro ut nabal li plata.

Salmos 119:14

Cꞌajoꞌ nak nasahoꞌ saꞌ inchꞌo̱l xba̱nunquil la̱ chakꞌrab xban nak aꞌan li kꞌaxal lokꞌ chiru li biomal.

Salmos 19:10

Lix chakꞌrab li Ka̱cuaꞌ Dios, aꞌan kꞌaxal terto cuiꞌchic xtzꞌak chiru li tzꞌakal oro. Kꞌaxal cuiꞌchic cha̱bil chiru li xyaꞌal cab li toj ma̱jiꞌ isinbil chak saꞌ xnaꞌaj.

Proverbios 2:3

Qꞌuehomak e̱chꞌo̱l chixsicꞌbal li cha̱bil naꞌleb ut se̱bak e̱chꞌo̱l chixtaubal ru lix ya̱lal.

Proverbios 8:17

La̱in nequebinra li nequeꞌcuulac chiruheb xba̱nunquil li cha̱bil naꞌleb. Eb li nequeꞌxqꞌue xchꞌo̱l chixsicꞌbal nequeꞌxtau ajcuiꞌ.

Génesis 26:32

Saꞌ ajcuiꞌ li cutan aꞌan lix mo̱seb laj Isaac queꞌcuulac riqꞌuin ut queꞌxye re nak queꞌxbec jun chic lix julel li haꞌ. Queꞌxye re, —Anakcuan xkatau li haꞌ, chanqueb.

Proverbios 4:7

Tento nak ta̱tau a̱naꞌleb ut ta̱tau lix ya̱lal xban nak aꞌan li kꞌaxal lokꞌ chiru chixjunil li cꞌaꞌru cuan a̱cue.