Proverbios 2:3 - Li Santil hu

³ Qꞌuehomak e̱chꞌo̱l chixsicꞌbal li cha̱bil naꞌleb ut se̱bak e̱chꞌo̱l chixtaubal ru lix ya̱lal.

Q'eqchi Bible

³ Chatz'aama ut chawelaji li seeb'al k'a'uxl;

Proverbios 2:3 ပူးပေါင်းရင်းမြစ်များ

Santiago 1:5

Cui cuan junak saꞌ e̱ya̱nk ta̱raj xnaꞌleb, chixtzꞌa̱mahak re li Dios, ut li Dios tixqꞌue chi anchal xchꞌo̱l ut chi nabal.

Proverbios 3:6

Junelic julticak e̱re li Dios riqꞌuin chixjunil li cꞌaꞌru te̱ba̱nu ut aꞌan ta̱beresi̱nk e̱re.

Salmos 119:169

At nimajcual Dios, chacuabi taxak nak yo̱quin chixtzꞌa̱manquil intenkꞌanquil a̱cue. Chaqꞌue taxak innaꞌleb joꞌ naxye saꞌ la̱ cua̱tin.

Salmos 119:125

La̱in laj cꞌanjel cha̱cuu. Chaqꞌue taxak innaꞌleb re nak tintau ru chi us lix ya̱lal la̱ chakꞌrab.

San Lucas 11:13

Cui la̱ex li moco cha̱bilex ta nequenau xqꞌuebal li cꞌaꞌru cha̱bil re le̱ ralal e̱cꞌajol, ¿ma tojaꞌ ta chic le̱ yucuaꞌ cuan saꞌ choxa incꞌaꞌ tixqꞌue li Santil Musikꞌej re li ani tixtzꞌa̱ma chiru? chan li Jesús reheb.

Salmos 119:73

At Ka̱cuaꞌ, la̱at catyi̱ban cue ut la̱at catqꞌuehoc inmusikꞌ. Joꞌcan nak chaqꞌue taxak innaꞌleb re nak tintau ru la̱ chakꞌrab.

Salmos 119:34

Chaqꞌue taxak innaꞌleb re nak ta̱ru̱k tinba̱nu li cꞌaꞌru naxye la̱ chakꞌrab. Chi anchal taxak inchꞌo̱l tinba̱nu li cꞌaꞌru naxye.

1 Crónicas 22:12

Li Ka̱cuaꞌ taxak chitenkꞌa̱nk a̱cue ut chixqꞌuehak taxak la̱ naꞌleb re nak ta̱ba̱nu chixjunil li naxye saꞌ li chakꞌrab nak tatxqꞌue chi takla̱nc saꞌ xbe̱neb laj Israel.

Proverbios 8:17

La̱in nequebinra li nequeꞌcuulac chiruheb xba̱nunquil li cha̱bil naꞌleb. Eb li nequeꞌxqꞌue xchꞌo̱l chixsicꞌbal nequeꞌxtau ajcuiꞌ.

Proverbios 2:2

Qꞌuehomak e̱chꞌo̱l chirabinquil li cha̱bil naꞌleb. Ut qꞌuehomak e̱chꞌo̱l chixtaubal ru li se̱bal chꞌo̱lej.

Proverbios 2:4

Qꞌuehomak e̱chꞌo̱l chixtaubal li cha̱bil naꞌleb. Chesicꞌak toj retal te̱tau joꞌ nak nasiqꞌueꞌ li plata, malaj ut joꞌ nak nasiqꞌueꞌ li cꞌaꞌru terto xtzꞌak.

Proverbios 4:1

Ex cualal incꞌajol, cherabihak le̱ tijbal li yo̱quin chixyebal e̱re. Cheqꞌuehak retal chi us re nak te̱tau e̱naꞌleb.