Proverbios 2:22 - Li Santil hu

²² Abanan eb li nequeꞌxba̱nu li ma̱usilal teꞌsachekꞌ ruheb ut teꞌisi̱k saꞌ lix naꞌajeb.

Q'eqchi Bible

²² A'ut eb' li ink'a' useb' xna'leb' isinb'ilaqeb' sa' li na'ajej a'in; eb' laj b'alaq' te'sachmanq chi junwaakaj.

Proverbios 2:22 ပူးပေါင်းရင်းမြစ်များ

Salmos 52:5

Abanan li Dios tixsach a̱cuu chi junaj cua. Tatrisi saꞌ la̱ cuochoch ut tatxcamsi.

Salmos 37:28

Li Ka̱cuaꞌ nacuulac chiru li ti̱quilal. Incꞌaꞌ naxtzꞌekta̱naheb li ralal xcꞌajol. Naxcoleb ban chi junelic. Abanan li ralal xcꞌajoleb li incꞌaꞌ useb xnaꞌleb, aꞌan teꞌsachekꞌ.

Deuteronomio 7:22

Chi caꞌchꞌinkil li Ka̱cuaꞌ le̱ Dios ta̱risiheb li tenamit aꞌan che̱ru nak yo̱kex chi xic. Incꞌaꞌ naru te̱sacheb ru chi junaj cua re nak incꞌaꞌ teꞌta̱mk li joskꞌ aj xul saꞌ le̱ naꞌaj re nak incꞌaꞌ texchꞌiꞌchꞌiꞌi̱k xbaneb.

Proverbios 10:30

Li ti̱queb xchꞌo̱l junelic us nequeꞌel riqꞌuin li cꞌaꞌru nequeꞌxba̱nu. Abanan eb li incꞌaꞌ useb xnaꞌleb incꞌaꞌ najt teꞌcua̱nk saꞌ ruchichꞌochꞌ.

Salmos 145:20

Li Ka̱cuaꞌ naxcoleb chixjunileb li nequeꞌrahoc re. Abanan tixsach ruheb li incꞌaꞌ useb xnaꞌleb.

Salmos 104:35

Cheꞌisi̱k ta saꞌ ruchichꞌochꞌ eb laj ma̱c ut cheꞌsachekꞌ ta ruheb li incꞌaꞌ useb xnaꞌleb. Aban la̱in tinqꞌue xlokꞌal li Ka̱cuaꞌ chi anchal inchꞌo̱l. Lokꞌoninbil taxak ru li nimajcual Dios.

Li xHu LAJ JOB 21:30

Nak najoskꞌoꞌ li Dios, naxqꞌue chak li raylal saꞌ xbe̱neb li cristian. Abanan eb li incꞌaꞌ useb xnaꞌleb ma̱cꞌaꞌ nequeꞌxcꞌul.

Salmos 37:22

Li osobtesinbileb xban li Ka̱cuaꞌ, aꞌaneb li teꞌe̱chani̱nk re li naꞌajej yechiꞌinbil reheb. Abanan li tzꞌekta̱nanbileb xban li Ka̱cuaꞌ, aꞌaneb li teꞌsachekꞌ.

Salmos 37:20

Abanan li incꞌaꞌ useb xnaꞌleb teꞌsachekꞌ. Li xicꞌ nequeꞌiloc re li Ka̱cuaꞌ teꞌosokꞌ joꞌ nak na-osoꞌ li chaki pim nak nacꞌateꞌ. Chanchaneb li sib li nasach saꞌ ikꞌ.

Deuteronomio 29:28

Xban nak quinumta xjoskꞌil li Ka̱cuaꞌ saꞌ xbe̱neb, joꞌcan nak li Ka̱cuaꞌ quirisiheb saꞌ li naꞌajej aꞌin. Xban xjoskꞌil quixtaklaheb saꞌ jalan naꞌajej li cuanqueb cuiꞌ toj chalen anakcuan,” chuꞌuxk reheb.

Proverbios 11:3

Li ani cha̱bil xnaꞌleb, naxba̱nu li us xban xti̱quilal xchꞌo̱l. Abanan eb li nequeꞌxba̱nu li incꞌaꞌ us, aꞌan ajcuiꞌ lix ma̱queb nasachoc reheb.

Deuteronomio 29:20

Li Ka̱cuaꞌ incꞌaꞌ tixcuy xma̱c li ani tixba̱nu chi joꞌcan. Ta̱joskꞌokꞌ ban riqꞌuin ut tixtakla saꞌ xbe̱n chixjunil li raylal li tzꞌi̱banbil retalil saꞌ li hu aꞌin toj retal ta̱sachekꞌ ru ut incꞌaꞌ ta̱cua̱nk ralal xcꞌajol.

1 Reyes 14:14

Li Ka̱cuaꞌ tixxakab jun chic li cui̱nk chokꞌ xreyeb laj Israel. Li rey aꞌan tixsach ruheb chi junaj cua li ralal xcꞌajol laj Jeroboam saꞌ ajcuiꞌ li cutan nak ta̱xakaba̱k chokꞌ rey.

1 Crónicas 10:13

Joꞌcaꞌin nak quicam laj Saúl xban nak quixtzꞌekta̱na li Ka̱cuaꞌ. Quixkꞌet li ra̱tin li Ka̱cuaꞌ ut quixpatzꞌ xnaꞌleb riqꞌuin jun li ixk aj kꞌe.

Salmos 52:7

Ut teꞌxye, Ilomak a cui̱nk aꞌan. Incꞌaꞌ quixcꞌojob xchꞌo̱l riqꞌuin li Dios. Quixcꞌojob ban xchꞌo̱l saꞌ xbe̱n lix biomal. Saꞌ xchꞌo̱l aꞌan nak tixcol rib riqꞌuin li ma̱usilal naxba̱nu.