Proverbios 2:21 - Li Santil hu

²¹ Eb li ti̱queb xchꞌo̱l teꞌcua̱nk saꞌ li naꞌajej qꞌuebil reheb xban li Dios. Aran teꞌcua̱nk chi junelic.

Q'eqchi Bible

²¹ Xb'aan naq ka'ajwi' li tiikeb' xch'ool te'wanq sa' li ch'och' a'in, ut te'kanaaq arin chi junelik.

Proverbios 2:21 ပူးပေါင်းရင်းမြစ်များ

Salmos 37:29

Li ti̱queb xchꞌo̱l aꞌan eb li teꞌe̱chani̱nk re li naꞌajej li yechiꞌinbil reheb ut aran teꞌcua̱nk chi junelic.

Salmos 37:9

Li incꞌaꞌ useb xnaꞌleb teꞌsachekꞌ. Aꞌut li yo̱queb chi oybeni̱nc riqꞌuin li Ka̱cuaꞌ, aꞌaneb li teꞌe̱chani̱nk re li naꞌajej yechiꞌinbil reheb.

Proverbios 10:30

Li ti̱queb xchꞌo̱l junelic us nequeꞌel riqꞌuin li cꞌaꞌru nequeꞌxba̱nu. Abanan eb li incꞌaꞌ useb xnaꞌleb incꞌaꞌ najt teꞌcua̱nk saꞌ ruchichꞌochꞌ.

Salmos 84:11

Li Ka̱cuaꞌ Dios, aꞌan li nacutanobresin re li kacꞌaꞌux ut aꞌan li nacoloc ke. Ut incꞌaꞌ narisi chiku li cꞌaꞌru us chokꞌ ke la̱o li nococuan saꞌ ti̱quilal.

Li xHu LAJ JOB 42:12

Cꞌajoꞌ nak qui-osobtesi̱c laj Job xban li Dios. Kꞌaxal cuiꞌchic nabal li quiqꞌueheꞌ re xban li Dios chiru li quiqꞌueheꞌ re junxil. Ca̱laju mil lix carner, cuakib mil lix camello, jun mil sumal lix bo̱yx ut jun mil lix bu̱r quiqꞌueheꞌ re.

Salmos 37:22

Li osobtesinbileb xban li Ka̱cuaꞌ, aꞌaneb li teꞌe̱chani̱nk re li naꞌajej yechiꞌinbil reheb. Abanan li tzꞌekta̱nanbileb xban li Ka̱cuaꞌ, aꞌaneb li teꞌsachekꞌ.

Salmos 37:11

Abanan li tu̱laneb, aꞌaneb li teꞌe̱chani̱nk re li naꞌajej li yechiꞌinbil reheb, ut sahakeb xchꞌo̱l chi cua̱nc saꞌ tuktu̱quil usilal.

Salmos 37:3

Cauhak taxak e̱chꞌo̱l riqꞌuin li Ka̱cuaꞌ ut cheba̱nuhak li us. Chexcua̱nk saꞌ ti̱quilal saꞌ li naꞌajej cuanquex cuiꞌ.

Li xHu LAJ JOB 1:1

Quicuan jun li cui̱nk aj Job xcꞌabaꞌ saꞌ li naꞌajej Uz. Li cui̱nk aꞌin tzꞌakal re ru lix yuꞌam ut ti̱c xchꞌo̱l. Naxxucua ru li Dios ut incꞌaꞌ naxba̱nu li ma̱usilal.

Proverbios 28:10

Li ani nequeꞌqꞌuehoc reheb li ti̱queb xchꞌo̱l chi tꞌanecꞌ, aꞌaneb ajcuiꞌ teꞌtꞌanekꞌ saꞌ lix raꞌaleb. Abanan eb li ti̱queb xchꞌo̱l, eb aꞌan teꞌxcꞌul lix kꞌajca̱munquileb.

Salmos 37:18

Li Ka̱cuaꞌ naxnau joꞌ najtil teꞌcua̱nk saꞌ ruchichꞌochꞌ li ti̱queb xchꞌo̱l ut li cꞌaꞌru teꞌre̱chani, aꞌan cua̱nk chi junelic.