Proverbios 2:14 - Li Santil hu

¹⁴ Nequeꞌsahoꞌ xchꞌo̱l chixba̱nunquil li incꞌaꞌ us. Nequeꞌxkꞌaxtesi rib chixba̱nunquil li ma̱usilal.

Q'eqchi Bible

¹⁴ a'eb' li neke'saho'k xch'ool chi xb'aanunkil li ink'a' us ut k'ojk'o xch'ooleb' sa' li maa'usilal,

Proverbios 2:14 ပူးပေါင်းရင်းမြစ်များ

Proverbios 10:23

Eb li incꞌaꞌ nequeꞌxnau cꞌoxlac nequeꞌxcꞌoxla nak li ma̱usilal nequeꞌxba̱nu, aꞌan re rajsinquil ruheb. Abanan li ani cuan xnaꞌleb nasahoꞌ xchꞌo̱l xban nak cuan xnaꞌleb.

Romanos 1:32

Ac chꞌolchꞌo chiruheb li cꞌaꞌru quixye li Dios. Nequeꞌxnau nak lix tojbal rix li ma̱c, aꞌan li ca̱mc. Aban toj yo̱queb ajcuiꞌ chixba̱nunquil li ma̱c. Ut ma̱cuaꞌ caꞌaj cuiꞌ aꞌan nequeꞌxba̱nu. Nequeꞌsahoꞌ ajcuiꞌ saꞌ xchꞌo̱l chirilbaleb li ras ri̱tzꞌin nak yo̱queb chixba̱nunquil li incꞌaꞌ us.

Jeremías 11:15

Li Ka̱cuaꞌ quixye ajcuiꞌ: —¡Eb li tenamit li ninra yo̱queb chixba̱nunquil li ma̱usilal! ¿Ma xcꞌulubeb ta biꞌ aꞌan nak teꞌcha̱lk saꞌ lin templo? ¿Ma ta̱ru̱k ta biꞌ teꞌxcol ribeb chiru li tojba ma̱c xban li tib li nequeꞌxmayeja? ¿Ma naru ta biꞌ teꞌxcꞌojob xchꞌo̱leb riqꞌuin aꞌan?

1 Corintios 13:6

Li ani narahoc incꞌaꞌ nasahoꞌ xchꞌo̱l nak eb li ras ri̱tzꞌin nequeꞌxba̱nu li incꞌaꞌ us. Nasahoꞌ ban xchꞌo̱l nak cuanqueb saꞌ xya̱lal.

Sofonías 3:11

Saꞌ eb li cutan aꞌan incꞌaꞌ chic texxuta̱nobresi̱k xban li incꞌaꞌ us xeba̱nu nak xexma̱cob ut xekꞌetkꞌeti e̱rib chicuu. La̱in tincuisiheb saꞌ e̱ya̱nk li kꞌetkꞌeteb ut li nequeꞌxnimobresi ribeb. Ut incꞌaꞌ chic ta̱cua̱nk li kꞌetkꞌetil saꞌ lin santil naꞌaj.

Oseas 7:3

Nasahoꞌ saꞌ xchꞌo̱l li rey joꞌqueb ajcuiꞌ li nequeꞌcꞌanjelac chiru riqꞌuin li ma̱usilal ut li balakꞌi̱nc nequeꞌxba̱nu li tenamit.

Habacuc 1:15

Eb laj Caldea nequeꞌnumta saꞌ xbe̱neb li tenamit ut nequeꞌre̱chaniheb. Chanchaneb laj car nak nequeꞌxchap li car riqꞌuin lix anzuelo ut chanchan nak nequeꞌxchap riqꞌuin lix yoy. Ut nequeꞌsahoꞌ saꞌ xchꞌo̱leb chirilbal li joꞌ qꞌuial nequeꞌxchap.

Proverbios 21:10

Li incꞌaꞌ useb xnaꞌleb junes ma̱usilal nequeꞌxcꞌoxla xba̱nunquil. Ut incꞌaꞌ nequeꞌril xtokꞌoba̱l ruheb li ras ri̱tzꞌin.

Proverbios 4:16

Eb aꞌan incꞌaꞌ saheb xchꞌo̱l cui incꞌaꞌ nequeꞌxba̱nu li ma̱usilal. Ut incꞌaꞌ nequeꞌcuar chixcꞌoxlanquil li incꞌaꞌ us.