Proverbios 2:12 - Li Santil hu

¹² Ut ta̱nau chic xcolbal a̱cuib chiruheb li incꞌaꞌ useb xnaꞌleb, li junes ma̱usilal nequeꞌxcꞌoxla.

Q'eqchi Bible

¹² tatrisi sa' li ink'a' usil b'e ut tatxkol chiruheb' laj b'alaq',

Proverbios 2:12 ပူးပေါင်းရင်းမြစ်များ

1 Corintios 15:33

Me̱qꞌue e̱rib chi balakꞌi̱c xbaneb li nequeꞌa̱tinac chi joꞌcan. Me̱junaji e̱rib riqꞌuineb li incꞌaꞌ useb xnaꞌleb xban nak li incꞌaꞌ useb xnaꞌleb nequeꞌxpoꞌ xchꞌo̱leb li cha̱bileb xnaꞌleb.

Proverbios 13:20

Li ani naxcꞌam rib riqꞌuineb li cuanqueb xnaꞌleb ta̱cua̱nk xnaꞌleb. Ut li ani tixcꞌam rib riqꞌuineb li ma̱cꞌaꞌeb xnaꞌleb ta̱sachk.

Proverbios 8:13

Li ani naxxucua ru li Dios, xicꞌ naril li ma̱usilal. La̱in xicꞌ nacuil li kꞌetkꞌetil ut li nimobresi̱nc ib ut li ticꞌtiꞌic.

2 Corintios 6:17

Ut li Ka̱cuaꞌ quixye cuiꞌchic chi joꞌcaꞌin: Joꞌcan utan chex-e̱lk saꞌ xya̱nkeb li nequeꞌxlokꞌoni li yi̱banbil dios. Me̱ba̱nu chic li nequeꞌxba̱nu li jun chꞌol chic nak nequeꞌxlokꞌoni li yi̱banbil dios. Checanabak chi junaj cua ut la̱in texincꞌul chi sa saꞌ inchꞌo̱l.

Hechos 20:30

Ut saꞌ e̱ya̱nk ajcuiꞌ la̱ex cua̱nkeb li teꞌoc chixyebal cꞌaꞌak re ru incꞌaꞌ ya̱l re xkꞌunbesinquileb laj pa̱banel re teꞌxic chirixeb.

Proverbios 9:6

Chetauhak le̱ naꞌleb ut chesicꞌak li us. Canabomak li to̱ntil naꞌleb re nak cua̱nk e̱yuꞌam, chanquex.

Proverbios 3:32

Li Ka̱cuaꞌ xicꞌ narileb li nequeꞌxba̱nu li incꞌaꞌ us, ut cuan chi sum a̱tin riqꞌuineb li cuanqueb saꞌ ti̱quilal.

Salmos 141:4

China̱tenkꞌa re nak incꞌaꞌ ta̱xic inchꞌo̱l chirix li incꞌaꞌ us. Incꞌaꞌ taxak tinba̱nu li ma̱usilal li nequeꞌxba̱nu li incꞌaꞌ useb xnaꞌleb. Ut incꞌaꞌ taxak tincua̱nk saꞌ lix ninkꞌeheb li nequeꞌxba̱nu.

Salmos 101:4

Incꞌaꞌ tincꞌoxla li incꞌaꞌ us chi moco tinba̱nu li ma̱usilal li nequeꞌxba̱nu eb aꞌan.

Proverbios 6:12

Eb li incꞌaꞌ useb xnaꞌleb ma̱cꞌaꞌ nequeꞌoc cuiꞌ. Junes ticꞌtiꞌic nequeꞌxba̱nu.

Proverbios 10:32

Eb li ti̱queb xchꞌo̱l nequeꞌxnau a̱tinac riqꞌuin cha̱bil a̱tin. Abanan eb li nequeꞌxba̱nu li ma̱usilal junes yibru a̱tin nequeꞌa̱tinac.

Proverbios 23:33

Nak ac xerucꞌ li vino, texqꞌue chi rilbal cꞌaꞌak re ru incꞌaꞌ us ut tex-oc chi a̱tinac yibru aj a̱tin xban nak incꞌaꞌ chic jultic e̱re.

Proverbios 28:26

Li ani naxcꞌojob xchꞌo̱l saꞌ xbe̱n li cꞌaꞌru naxba̱nu xjunes, aꞌan ma̱cꞌaꞌ xnaꞌleb. Abanan li ani cuan xnaꞌleb ta̱colekꞌ.