Proverbios 2:10 - Li Santil hu

¹⁰ Se̱bak chic a̱chꞌo̱l xban nak cua̱nk chic a̱naꞌleb ut sahak chic a̱chꞌo̱l.

Q'eqchi Bible

¹⁰ Xb'aan naq toxaataw li choxahil na'leb' ut taayal xsahil li nawok.

Proverbios 2:10 ပူးပေါင်းရင်းမြစ်များ

Jeremías 15:16

Nak xaqꞌue la̱ cua̱tin cue, la̱in xincꞌul joꞌ nak naxcꞌul lix tzacae̱mk li natzꞌoca. La̱ cua̱tin naxcꞌojob inchꞌo̱l ut naxqꞌue xsahil inchꞌo̱l. La̱in chic la̱ cualal, at nimajcual Dios.

Colosenses 3:16

Li ra̱tin li Cristo chicana̱k saꞌ e̱chꞌo̱l chi junelic re nak cua̱nk e̱naꞌleb. Chetzolak e̱rib che̱ribil e̱rib ut chetenkꞌa e̱rib che̱ribil e̱rib saꞌ le̱ pa̱ba̱l. Chexbicha̱nk re xlokꞌoninquil li Dios. Chexbicha̱nk joꞌ naxcꞌut che̱ru li Santil Musikꞌej ut junelic chexbantioxi̱nk chiru li Dios.

Li xHu LAJ JOB 23:12

La̱in incꞌaꞌ xincanab xba̱nunquil li naxye saꞌ lix chakꞌrab. Junelic ban xinba̱nu li kataklanquil xban.

Salmos 119:162

La̱ cua̱tin naxqꞌue xsahil inchꞌo̱l joꞌ nak nasahoꞌ xchꞌo̱l li jun li naxcꞌul junak xma̱tan kꞌaxal lokꞌ.

Salmos 104:34

Chicuulak ta chiru li Ka̱cuaꞌ li cꞌaꞌru nincꞌoxla chirix. Li Ka̱cuaꞌ aꞌan li naqꞌuehoc xsahil inchꞌo̱l.

Salmos 19:10

Lix chakꞌrab li Ka̱cuaꞌ Dios, aꞌan kꞌaxal terto cuiꞌchic xtzꞌak chiru li tzꞌakal oro. Kꞌaxal cuiꞌchic cha̱bil chiru li xyaꞌal cab li toj ma̱jiꞌ isinbil chak saꞌ xnaꞌaj.

Salmos 119:111

La̱in xincꞌul la̱ chakꞌrab chi junaj cua xban nak aꞌan naxqꞌue xsahil inchꞌo̱l. Xincꞌul joꞌ jun li herencia.

Proverbios 14:33

Li ani nequeꞌxnau cꞌoxlac cuan xnaꞌlebeb. Ut eb li incꞌaꞌ nequeꞌxnau cꞌoxlac ma̱cꞌaꞌ li cha̱bil naꞌleb riqꞌuineb.

Salmos 119:103

Cꞌajoꞌ xsahil naxye la̱ cua̱tin. Chanchan xsahil li xyaꞌal cab.

Salmos 119:97

At Ka̱cuaꞌ, cꞌajoꞌ nak ninra la̱ cua̱tin, ut junes aꞌan nincꞌoxla nanumeꞌ li cutan.

Proverbios 1:4

Ut tixtenkꞌaheb ajcuiꞌ chi cua̱nc xcꞌaꞌuxeb li incꞌaꞌ nequeꞌxnau cꞌoxlac. Ut naxqꞌue xnaꞌlebeb li toj sa̱jeb re nak teꞌxcꞌoxla chi us cꞌaꞌru teꞌxba̱nu.

Proverbios 22:18

Kꞌaxal us nak ta̱cana̱k saꞌ le̱ chꞌo̱l li cꞌaꞌru te̱tzol. Chi joꞌcan naru te̱ye re jalan li cꞌaꞌru xetzol.

Proverbios 4:6

Chaqꞌue taxak a̱chꞌo̱l chixtaubal li cha̱bil naꞌleb. Incꞌaꞌ ta̱canab xba̱nunquil, ut aꞌan ta̱colok a̱cue.