Proverbios 19:20 - Li Santil hu

²⁰ Kꞌaxal us nak te̱cꞌu̱luban le̱ naꞌleb li ta̱qꞌuehekꞌ e̱re ut te̱qꞌue saꞌ e̱chꞌo̱l le̱ kꞌusbal. Chi joꞌcan cua̱nk e̱naꞌleb toj saꞌ e̱ti̱xilal.

Q'eqchi Bible

²⁰ Chak'e sa' aach'ool laatijb'al ut chapaab' laaq'usb'al; chi jo'kan toxaataw li chaab'il na'leb'.

Proverbios 19:20 ပူးပေါင်းရင်းမြစ်များ

Proverbios 12:15

Li ani ma̱cꞌaꞌ xnaꞌleb naxcꞌoxla nak us yo̱ chixba̱nunquil. Abanan li cuan xnaꞌleb naxqꞌue saꞌ xchꞌo̱l li naꞌleb naqꞌueheꞌ re.

Proverbios 4:1

Ex cualal incꞌajol, cherabihak le̱ tijbal li yo̱quin chixyebal e̱re. Cheqꞌuehak retal chi us re nak te̱tau e̱naꞌleb.

Proverbios 1:8

Ex cualal incꞌajol, cheqꞌuehak saꞌ e̱chꞌo̱l le̱ kꞌusbal naxqꞌue le̱ yucuaꞌ. Ut me̱tzꞌekta̱na le̱ tijbal naxqꞌue le̱ naꞌ.

Números 23:10

Incꞌaꞌ naru rajlanquileb li ralal xcꞌajol laj Jacob. Chanchaneb li poks xban xqꞌuialeb. Usan cui tinca̱mk joꞌ nak nequeꞌcam li ti̱queb xchꞌo̱l. Usan cui tin-osokꞌ joꞌ nak nequeꞌosoꞌ eb aꞌan, chan laj Balaam.

Salmos 90:14

Ta̱cꞌut taxak chiku chi junpa̱t nak nocoa̱ra re nak tobicha̱nk xban xsahil kachꞌo̱l joꞌ najtil chic tocua̱nk saꞌ ruchichꞌochꞌ.

Salmos 37:37

Cheqꞌuehak retal li ti̱queb xchꞌo̱l ut li cha̱bileb xnaꞌleb. Li nacuan saꞌ tuktu̱quil usilal ta̱cua̱nk ralal xcꞌajol.

Salmos 90:12

Cꞌut chiku chanru nak takara li kayuꞌam re nak cua̱nk kanaꞌleb chixba̱nunquil li us.

Deuteronomio 8:16

Nak cuanquex saꞌ li chaki chꞌochꞌ quixqꞌue li maná re te̱cuaꞌ, li incꞌaꞌ naubil ru xbaneb le̱ xeꞌto̱nil yucuaꞌ. Quixtakla li raylal saꞌ e̱be̱n re te̱cubsi e̱rib ut re xyalbal e̱rix re nak us tex-e̱lk mokon nak cua̱nkex saꞌ li naꞌajej aꞌan.

Deuteronomio 32:29

Us raj cui cuan xnaꞌlebeb. Us raj nak teꞌxqꞌue retal li raylal li teꞌxcꞌul. Ut us raj ajcuiꞌ cui teꞌxqꞌue retal chanru nak teꞌosokꞌ.

Proverbios 1:3

Eb li a̱tin aꞌin teꞌxtenkꞌaheb li cristian chixnaubal bar cuan li us ut bar cuan li incꞌaꞌ us. Tixtenkꞌaheb chi cua̱nc saꞌ ti̱quilal ut chi cua̱nc saꞌ cha̱bilal.

Proverbios 8:14

La̱in ninnau cꞌoxlac chi us. La̱in ninqꞌuehoc naꞌleb ut la̱in ninxakaban reheb saꞌ xcuanquil. Ut la̱in ajcuiꞌ ninqꞌuehoc se̱bal chꞌo̱lej.

Proverbios 8:33

Cheqꞌuehak retal li cꞌaꞌru ninye ut me̱tzꞌekta̱na. Chicua̱nk ban e̱naꞌleb.

Proverbios 19:19

Li ani kꞌaxal cuiꞌchic najoskꞌoꞌ, tento tixcꞌul li raylal naxbok saꞌ xbe̱n. Incꞌaꞌ us xcolbal rix xban nak cui ta̱col rix, ta̱cꞌa̱yk xba̱nunquil.

Proverbios 1:2

Cuan xya̱lal li a̱tin li quixye re nak tixtenkꞌa jalan chic chixtaubal xnaꞌleb ut chixtaubal li us. Ut re ajcuiꞌ xtenkꞌanquileb chixtaubal ru li a̱tin junju̱nk li chꞌaꞌaj xtaubal ru.

Proverbios 13:10

Eb li nequeꞌxnimobresi rib junes chꞌaꞌajquilal nachal saꞌ xbe̱neb. Abanan eb li cuanqueb xnaꞌleb nequeꞌrabi li naꞌleb li naqꞌueheꞌ reheb.

Proverbios 15:32

Li ani incꞌaꞌ naxqꞌue saꞌ xchꞌo̱l lix kꞌusbal, aꞌan xjunes naxtzꞌekta̱na rib. Abanan li ani naxqꞌue saꞌ xchꞌo̱l lix kꞌusbal naxtau xnaꞌleb.

Jeremías 6:8

Qꞌuehomak e̱chꞌo̱l chi cua̱nc saꞌ ti̱quilal la̱ex aj Jerusalén re nak la̱in incꞌaꞌ texincanab e̱junes, ut re ajcuiꞌ nak incꞌaꞌ tinsukꞌisi le̱ naꞌaj chokꞌ chaki chꞌochꞌ ut incꞌaꞌ chic teꞌcua̱nk cristian aran.

Sofonías 3:7

Li Ka̱cuaꞌ quixye: —Saꞌ inchꞌo̱l la̱in nak riqꞌuin aꞌin tineꞌxxucua laj Jerusalén ut teꞌxcꞌul lix kꞌusbaleb li xinqꞌue, re nak incꞌaꞌ tinsach ru lix tenamiteb. Abanan kꞌaxal cuiꞌchic queꞌxba̱nu li ma̱usilal.