Proverbios 19:14 - Li Santil hu

¹⁴ Riqꞌuineb li naꞌbej yucuaꞌbej naru nakacꞌul kajun cablal ut kabiomal. Abanan junak li cha̱bil ixakilbej, caꞌaj cuiꞌ li Dios naru naqꞌuehoc re.

Q'eqchi Bible

¹⁴ Li ochoch ut li tumin a'an qamaatan nachalk rik'in li qana' qayuwa'; ab'an jun chaab'il ixaqilb'ej a'an qamaatan nachalk rik'in li Yos.

Proverbios 19:14 ပူးပေါင်းရင်းမြစ်များ

Proverbios 18:22

Li ani naxtau rixakil naxtau li us. Ut naxtau ajcuiꞌ rusilal li Dios.

Proverbios 13:22

Li ani cha̱bil xnaꞌleb naxcanab li cꞌaꞌru re chokꞌ reheb li ralal xcꞌajol. Abanan laj ma̱c, aꞌaneb chic li ti̱queb xchꞌo̱l teꞌe̱chani̱nk re li cꞌaꞌru re.

Proverbios 3:6

Junelic julticak e̱re li Dios riqꞌuin chixjunil li cꞌaꞌru te̱ba̱nu ut aꞌan ta̱beresi̱nk e̱re.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

2 Corintios 12:14

Anakcuan ac xincauresi cuib re nak tinxic e̱riqꞌuin saꞌ rox sut. Abanan incꞌaꞌ texinchꞌiꞌchꞌiꞌi riqꞌuin cꞌaꞌru cue. Ma̱cuaꞌ li cꞌaꞌru e̱re ninra. La̱ex ban li nequexinra. Ma̱cuaꞌeb li cocꞌal li nequeꞌchꞌolanin re li yucuaꞌbej. Aꞌ li yucuaꞌbej, aꞌan li nachꞌolanin reheb li ralal xcꞌajol.

Deuteronomio 21:16

Li cui̱nk incꞌaꞌ naru tixsicꞌ ru li ralal li tixra. Nak tixjeqꞌui li cꞌaꞌru cuan re, tento nak tixqꞌue li ma̱tan re li xbe̱n alalbej li xcꞌulub xcꞌulbal, usta aꞌan li ralal li cuan riqꞌuin li ixk li incꞌaꞌ naxra.

Josué 11:23

Joꞌcaꞌin nak laj Josué quire̱chani chixjunil lix naꞌajeb, joꞌ quiyeheꞌ re laj Moisés xban li Dios. Ut quixjeqꞌui li naꞌajej reheb li cablaju xte̱paleb laj Israel. Ut incꞌaꞌ chic quicuan li ple̱t saꞌ eb li naꞌajej aꞌan.

Génesis 24:7

Li Ka̱cuaꞌ Dios li cuan saꞌ choxa, aꞌan qui-isin chak cue saꞌ rochoch lin yucuaꞌ. Aꞌan qui-isin chak cue saꞌ xya̱nkeb lin comon saꞌ li naꞌajej li quinyoꞌla cuiꞌ chak. Aꞌan quia̱tinac cuiqꞌuin ut quixye cue, “La̱in tinqꞌue li chꞌochꞌ aꞌin a̱cue ut reheb ajcuiꞌ la̱ cualal a̱cꞌajol,” chan. Li Ka̱cuaꞌ Dios tixtakla chak lix ángel ut aꞌan ta̱cꞌamok be cha̱cuu nak tatxic chixsicꞌbal rixakil li cualal. Matcꞌoxlac. Aran ta̱cꞌam chak li rixakil li cualal.

Génesis 24:44

Ut cui aꞌan tixye cue, ‘Us. Ucꞌan ut tinqꞌue ajcuiꞌ rucꞌaheb la̱ camellos,’ chaꞌak cue, aꞌan taxak retalil nak aꞌan li ixk li sicꞌbil ru a̱ban chokꞌ rixakil li ralal laj Abraham lin patrón,” chanquin re li Dios.

1 Samuel 25:3

Laj Nabal, aꞌan xcomoneb li ralal xcꞌajol laj Caleb. Laj Nabal cau xchꞌo̱l ut joskꞌ. Li rixakil xAbigail xcꞌabaꞌ. Li ixk aꞌan, chꞌinaꞌus na-iloc ut cuan xnaꞌleb.