Proverbios 19:12 - Li Santil hu

¹² Nak najoskꞌoꞌ li rey, chanchan nak najoskꞌoꞌ li cakcoj. Abanan nak naxba̱nu junak usil aꞌan chanchan li hab li naxtꞌakresi li acui̱mk.

Q'eqchi Bible

¹² Naq li awab'ej najosq'o'k, naxjap re jo' li kaqkoj; ut naq na'usilank, a'an chanchan li k'ajob' sa' xb'een li pach'aya'.

Proverbios 19:12 ပူးပေါင်းရင်းမြစ်များ

Oseas 14:5

Joꞌ nak li hab naxtꞌakresi li chaki chꞌochꞌ, joꞌcan nak tinqꞌue cuiꞌchic xsahil xchꞌo̱leb laj Israel. Teꞌcha̱bilokꞌ cuiꞌchic. Chanchanakeb li utzꞌuꞌuj nak na-atzꞌumac. Chanchanakeb li cheꞌ chacalteꞌ aran Líbano li cham naxic lix xeꞌ.

Proverbios 20:2

Nak najoskꞌoꞌ li rey, aꞌan chanchan nak najoskꞌoꞌ li cakcoj. Li ani naxchikꞌ xjoskꞌil li rey naxqꞌue xyuꞌam saꞌ xiu.

Proverbios 28:15

Nak junak li acuabej incꞌaꞌ us xnaꞌleb ta̱oc chi takla̱nc saꞌ xbe̱neb li tenamit nebaꞌ, aꞌan chanchan li cakcoj xban nak joskꞌ. Malaj ut chanchan li oso li ta̱tzꞌoca̱k.

Salmos 133:3

Chanchan li xchuꞌque li qꞌuebil xban li Dios, li nacube saꞌ li tzu̱l Hermón ut saꞌ li tzu̱l Sión. Aran quirosobtesi lix tenamit li Ka̱cuaꞌ ut quixqꞌue li junelic yuꞌam reheb.

Miqueas 5:7

Ut eb laj Israel li incꞌaꞌ teꞌosokꞌ saꞌ li ple̱t teꞌxtenkꞌa nabal chi tenamit. Chanchanakeb li xchuꞌque li naxqꞌue chak li Ka̱cuaꞌ. Chanchanakeb li hab li natꞌakresin re li acui̱mk. Incꞌaꞌ teꞌyoꞌoni̱nk chi moco cauhakeb xchꞌo̱l riqꞌuin cui̱nk. Riqꞌuin ban li Dios cꞌojcꞌo̱keb xchꞌo̱l.

Daniel 6:24

Ut li rey quixtakla lix takl re nak teꞌcꞌamekꞌ riqꞌuin chixjunileb li cui̱nk li queꞌjitoc re laj Daniel. Ut queꞌcuteꞌ saꞌ xya̱nkeb li cakcoj rech xiquic li rixakileb joꞌqueb ajcuiꞌ lix cocꞌaleb. Ut toj ma̱jiꞌ ajcuiꞌ nequeꞌnak saꞌ lix naꞌajeb li cakcoj nak queꞌchapeꞌ xbaneb ut queꞌtoki̱c lix bakeleb.

Daniel 5:19

Ut xban lix nimal xcuanquil li quiqꞌueheꞌ re, chixjunileb li cuanqueb saꞌ ruchichꞌochꞌ aꞌ yal bar xtenamiteb ut aꞌ yal cꞌaꞌru ra̱tinoba̱leb, nequeꞌsicsot xbaneb xxiu chiru. Quixcamsi li ani quiraj xcamsinquil ut quixcol li ani quiraj xcolbal. Quixqꞌue xcuanquil li ani quiraj xqꞌuebal xcuanquil ut quixcubsi xcuanquil li ani quiraj xcubsinquil xcuanquil.

Eclesiastés 8:4

Li ra̱tin li rey, aꞌan cuan xcuanquil. Ut ma̱ ani naru ta̱yehok re nak incꞌaꞌ us naxba̱nu.

Salmos 72:6

Chitakla̱nk ta saꞌ ti̱quilal saꞌ xbe̱neb li tenamit. Chanchanak ta li hab li natꞌakresin re li chꞌochꞌ ut li ichaj.

Ester 7:8

Xban nak cꞌajoꞌ lix xiu laj Amán, quitꞌaneꞌ chi rok lix Ester. Nak quisukꞌi saꞌ cab li rey, quiril nak laj Amán quitꞌaneꞌ saꞌ li cꞌojariba̱l bar yo̱ cuiꞌ chi hila̱nc lix Ester. Li rey quixjap re ut quixye: —¿Ma yo̱cat ajcuiꞌ xcꞌoxlanquil xba̱nunquil li incꞌaꞌ us re li reina chicuu arin saꞌ li cuochoch? chan. Toj yo̱ ajcuiꞌ xyebal aꞌan li rey nak queꞌxchap laj Amán ut queꞌxtzꞌap li ru.

2 Samuel 23:4

Li rey aꞌan chanchanak li sakꞌe na-el chak ekꞌela nak ma̱cꞌaꞌ li chok saꞌ li choxa. Chanchanak li hab li naxqꞌue chi mokc li pim saꞌ li chꞌochꞌ.’

Génesis 27:28

Aꞌ taxak li Ka̱cuaꞌ Dios tixqꞌue chak li hab saꞌ xbe̱n la̱ cuacui̱mk. Tixqꞌue ajcuiꞌ a̱cue li cha̱bil chꞌochꞌ re nak sa talajeꞌqꞌuik la̱ cuacui̱mk joꞌ ajcuiꞌ la̱ quiꞌil kꞌe̱n.

Deuteronomio 33:28

Joꞌcan nak la̱ex li ralal xcꞌajol laj Israel texcua̱nk chi tuktu le̱ chꞌo̱l. Ma̱cꞌaꞌ ta̱chꞌiꞌchꞌiꞌi̱nk e̱re la̱ex li ralal xcꞌajol laj Jacob. Kꞌaxal nabal li ru le̱ racui̱mk ut kꞌaxal nabal li vino saꞌ le̱ naꞌaj li ta̱tꞌakresi̱k riqꞌuin li hab li nachal saꞌ choxa.

Isaías 18:4

Li Ka̱cuaꞌ quixye cue: —Incꞌaꞌ tin-ecꞌa̱nk nak tin-ilok chak saꞌ choxa li nincuan cuiꞌ. Tincuil cꞌaꞌru yo̱queb li tenamit. Chanchanakin li sakꞌe nak tik tik ru nak ac xqꞌue jun cꞌasal li hab. Chanchanakin li chok li naxtꞌakresi li pim saꞌ sakꞌehil, chan li Ka̱cuaꞌ.

Ester 1:12

Li cuukub chi cui̱nk queꞌcuulac riqꞌuin li reina Vasti ut queꞌxye re li cꞌaꞌru quixye li rey. Abanan lix Vasti incꞌaꞌ quixba̱nu li cꞌaꞌru quiraj li rey. Joꞌcan nak cꞌajoꞌ nak quijoskꞌoꞌ li rey.